호흡부호 보기
강세부호 보기
장단부호 보기
작은 Iota 보기
모든 부호 보기
Δημήτριοσ δ’ ὁ Φαληρεὺσ Λαμπιτοῦσ τῆσ Σαμίασ ἑταίρασ ἐρασθεὶσ ἡδέωσ δι’ αὐτὴν καὶ Λαμπιτὼ προσηγορεύετο, ὥσ φησι Δίυλλοσ· ἐκαλεῖτο δὲ καὶ Χαριτοβλέφαροσ.
Νικαρέτη δὲ ἡ ἑταίρα ἐρωμένη ἦν Στεφάνου τοῦ ῥήτοροσ, Λυσίου δὲ τοῦ σοφιστοῦ Μετάνειρα. ἦσαν δὲ αὗται δοῦλαι Κασίου τοῦ Ἠλείου μετὰ καὶ ἄλλων ἑταιρῶν, Ἀντείασ, Στρατόλασ, Ἀριστοκλείασ, Φίλασ, Ἰσθμιάδοσ, Νεαίρασ. ἡ δὲ Νέαιρα ἦν ἐρωμένη Ξενοκλείδου τοῦ ποιητοῦ καὶ Ἱππάρχου τοῦ ὑποκριτοῦ καὶ Φρυνίωνοσ τοῦ Παιανιέωσ, ὃσ ἦν Δήμωνοσ μὲν υἱόσ, Δημοχάρουσ δὲ ἀδελφιδοῦσ. τὴν δὲ Νέαιραν εἶχον ἡμέραν παρ’ ἡμέραν, διαιτητῶν γενομένων φίλων, Φρυνίων καὶ στέφανοσ ὁ ῥήτωρ· ὃσ καὶ τὴν τῆσ Νεαίρασ θυγατέρα Στρυμβήλην τὴν ὕστερον Φανὼ κληθεῖσαν ὡσ ἰδίαν θυγατέρα ἐξέδοτο Φράστορι τῷ Αἰγιλιεῖ, ὥσ φησι Δημοσθένησ ἐν τῷ κατὰ Νεαίρασ.
ὃσ καὶ περὶ Σινώπησ τῆσ ἑταίρασ τάδε λέγει· "Ἀρχίαν τὸν ἱεροφάντην ἐξελεγχθέντα ἐν τῷ δικαστηρίῳ ὡσ ἀσεβοῦντα καὶ θύοντα παρὰ τὰ πάτρια τὰσ θυσίασ ἐκολάσατε· "καὶ ἄλλα τε κατηγορήθη αὐτοῦ καὶ ὅτι Σινώπῃ τῇ ἑταίρᾳ Ἁλῴοισ ἐπὶ τῆσ ἐσχάρασ τῆσ ἐν τῇ αὐλῇ Ἐλευσῖνι προσαγούσῃ ἱερεῖον θύσειεν, νομίμου ὄντοσ ἐν ταύτῃ τῇ ἡμέρᾳ ἱερεῖα μὴ θύειν, οὐδὲ ἐκείνου οὔσησ τῆσ θυσίασ, ἀλλὰ τῆσ ἱερείασ.
호흡부호 보기
강세부호 보기
장단부호 보기
작은 Iota 보기
모든 부호 보기