헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 86 1:)

"περὶ ἀφροδισίων ἁρμοστὸν εἶναι ἐν τῷ οἴνῳ μνείαν ποιεῖσθαι· "καὶ γὰρ πρὸσ ταῦτα ἡμᾶσ ὅταν ὑποπίωμεν ἐπιρρεπεῖσ εἶναι. "καὶ ἐνταῦθα τοὺσ μὲν ἡμέρωσ τε καὶ μετρίωσ αὐτοῖσ χρωμένουσ ἐπαινεῖν δεῖ, τοὺσ δὲ θηριωδῶσ καὶ ἀπλήστωσ ψέγειν. "καὶ εἰ διαλεκτικοὶ συνελθόντεσ εἰσ πότον περὶ συλλογισμῶν διαλέγοιντο, ἀλλοτρίωσ ἂν αὐτοὺσ ὑπολάβοι τισ ποιεῖν τοῦ παρόντοσ καιροῦ, ὅτε καὶ ὁ καλὸσ κἀγαθὸσ ἀνὴρ μεθυσθείη ἄν. οἱ δὲ βουλόμενοι σωφρονικοὶ εἶναι σφόδρα μέχρι τινὸσ διατηροῦσιν ἐν τοῖσ πότοισ τὸ τοιοῦτον εἶθ’ ὅταν παρεισδυῇ τὸ οἰνάριον, τὴν πᾶσαν ἀσχημοσύνην ἐπιδείκνυνται· "· "ὃ καὶ πρώην ἐγένετο ἐπὶ τῶν ἐξ Ἀρκαδίασ θεωρῶν πρὸσ Ἀντίγονον παραγενομένων. "ἐκεῖνοι γὰρ ἠρίστων σφόδρα σκυθρωπῶσ καὶ εὐσχημόνωσ, ὡσ ᾤοντο, οὐχ ὅτι ἡμῶν τινα προσβλέποντασ, ἀλλ’ οὐδὲ ἀλλήλουσ. "ὡσ δὲ ὁ πότοσ προέβαινεν καὶ εἰσῆλθεν ἄλλα τε ἀκροάματα καὶ αἱ Θετταλαὶ αὗται ὀρχηστρίδεσ, καθάπερ αὐταῖσ ἔθοσ ἐστίν, ἐν ταῖσ διαζώστραισ γυμναὶ ὠρχοῦντο, οὐκ ἔτι κατεῖχον αὑτοὺσ οἱ ἄνδρεσ, ἀλλὰ ἐκ τῶν κλινῶν ἀνώρμων καὶ ἐβόων ὡσ θαυμαστόν τι θέαμα θεώμενοι· "· "καὶ μακάριον τὸν βασιλέα ἀπεκάλουν ὅτι ἔξεστιν αὐτῷ τούτων ἀπολαύειν, καὶ ἕτερα τούτοισ παραπλήσια πάνυ πολλὰ τῶν φορτικῶν ἐποίουν. "τῶν φιλοσόφων δέ τισ συμπίνων ἡμῖν εἰσελθούσησ αὐλητρίδοσ καὶ οὔσησ εὐρυχωρίασ παρ’ αὐτῷ, βουλομένησ τῆσ παιδίσκησ παρακαθίσαι οὐκ ἐπέτρεψεν, ἀλλὰ σκληρὸν αὑτὸν εἰσῆγεν. "εἶθ’ ὕστερον πωλουμένησ τῆσ αὐλητρίδοσ, καθάπερ ἔθοσ ἐστὶν ἐν τοῖσ πότοισ γίνεσθαι, ἐν τῷ ἀγοράζειν πάνυ νεανικὸσ ἦν καὶ τῷ πωλοῦντι, ἄλλῳ τινὶ θᾶττον προσθέντι, · "ἡμφισβήτει καὶ οὐκ ἔφη αὐτὸν πεπρακέναι· "καὶ τέλοσ εἰσ πυγμὰσ ἦλθεν ὁ σκληρὸσ ἐκεῖνοσ φιλόσοφοσ καὶ ἐν ἀρχῇ οὐδ’ ἂν παρακαθίσαι ἐπιτρέπων τῇ αὐλητρίδι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 86 1:

(아테나이오스, The Deipnosophists, Book 13, book 13, chapter 86 1:)

상위

목록

SEARCH

MENU NAVIGATION