헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 56)

Φάλαικοσ δ’ ἐν τοῖσ ἐπιγράμμασι γυναῖκά τινα ἀναγράφει πολυπότιν Κλεὼ ὄνομα· χρυσῷ τὸν κροκόεντα περιζώσασα χιτῶνα τόνδε Διωνύσῳ δῶρον ἔδωκε Κλεώ, οὕνεκα συμποσίοισι μετέπρεπεν ἶσα δὲ πίνειν οὔτισ οἱ ἀνδρῶν ἤρισεν οὐδαμά πω. ὅτι δὲ φίλοινον τὸ τῶν γυναικῶν γένοσ κοινόν.

οὐκ ἀχαρίτωσ δὲ καὶ ὁ Ξέναρχοσ ἐν τῷ Πεντάθλῳ γυναῖκά τινα παράγει φρικτότατον ὁρ́κον ὀμνύουσαν τόνδε· οὕτωσ ἐμοὶ γένοιτο σοῦ ζώσησ, τέκνον, ἐλευθέριον πιοῦσαν οἶνον ἀποθανεῖν. παρὰ Ῥωμαίοισ δέ, ὥσ φησι Πολύβιοσ ἐν τῇ ἕκτῃ, ἀπείρηται γυναιξὶ πίνειν οἶνον · τὸ δὲ καλούμενον πάσσον πίνουσι. τοῦτο δὲ ποιεῖται μὲν ἐκ τῆσ ἀσταφίδοσ καί ἐστι παραπλήσιοσ πινόμενοσ τῷ Αἰγοσθενίτῃ τῷ γλυκεῖ καὶ τῷ Κρητικῷ· διὸ πρὸσ τὸ κατεπεῖγον τοῦ δίψουσ χρῶνται αὐτῷ.

λαθεῖν δὲ ἐστὶν ἀδύνατον τὴν γυναῖκα πιοῦσαν οἶνον ι πρῶτον μὲν γὰρ οὐδ’ ἔχει οἴνου κυρείαν ἡ γυνή· πρὸσ δὲ τούτοισ φιλεῖν δεῖ τοὺσ συγγενεῖσ τοὺσ ἑαυτῆσ καὶ τοὺσ τοῦ ἀνδρὸσ ἑώσ ἐξανεψιῶν καὶ τοῦτο ποιεῖν καθ’ ἡμέραν, ὁπόταν ἴδῃ πρῶτον, λοιπὸν ἀδήλου τῆσ ἐντυχίασ οὔσησ τίσιν ἀπαντήσει φυλάσσεται· τὸ γὰρ πρᾶγμα κἂν γεύσηται μόνον οὐ προσδεῖ διαβολῆσ.

ἄλκιμοσ δ’ ὁ Σικελιώτησ ἐν τῇ ἐπιγραφομένῃ τῶν βίβλων Ἰταλικῇ πάσασ φησὶ τὰσ ἐν Ἰταλίᾳ γυναῖκασ μὴ πίνειν οἶνον ἀπὸ τοιαύτησ· αἰτίασ ’ Ἡρακλῆσ περὶ τὴν Κροτωνιᾶτιν γενόμενοσ ἐπεὶ πρόσ τινα οἰκίαν οὖσαν παρὰ τὴν ὁδὸν διψῶν ἀφίκετο, προσελθὼν ᾔτει πιεῖν ἐντεῦθεν, ἔτυχε δ’ ἡ γυνὴ τοῦ τὴν οἰκίαν κεκτημένου πίθον οἴνου λαθραίωσ ὑποίξασα· καὶ πρὸσ μὲν τὸν ἄνδρα δεινὸν ἔφη ποιήσειν αὐτὸν εἰ ξένου χάριν τὸν πίθον τοῦτον ἀνοίξειεν, ὕδωρ δ’ ἐκέλευσεν αὐτὸν προσενεγκεῖν. Ἡρακλῆσ δ’ ἐπὶ θύραισ ἑστὼσ καὶ ἀκούσασ ταῦτα τὸν μὲν ἄνδρα αὐτῆσ σφόδρα ἐπῄνεσεν, ὃν ἐκέλευσεν αὐτὸν παρελθόντα εἴσω σκοπεῖν τὸν πίθον. καὶ ὃσ εἰσελθὼν λίθινον εὑρ͂ε τὸν πίθον γεγονότα, τοῦτο δὲ τὸ σημεῖον ἔτι καὶ νῦν ἐστιν ἐν ταῖσ ἐπιχωρίαισ γυναιξὶν πάσαισ ἐν αἰσχρῷ κεῖσθαι τὸ πίνειν οἶνον διὰ τὴν προκειμένην αἰτίαν οἱαῖ δ’ εἰσὶ παρὰ τοῖσ Ἕλλησι μεθύουσαι αἱ γυναῖκεσ παραδίδωσιν Ἀντιφάνησ μὲν ἐν τῇ Ἀκοντιζομένῃ οὕτω·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 56

(아테나이오스, The Deipnosophists, Book 10, book 10, chapter 56)

상위

목록

SEARCH

MENU NAVIGATION