헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 52)

πολυπότησ δὲ ἦν καὶ Ἀντίοχοσ ὁ βασιλεὺσ ὁ κληθεὶσ Ἐπιφανήσ, ὁ ὁμηρεύσασ παρὰ Ῥωμαίοισ, ὡσ ἱστορεῖ Πτολεμαῖοσ ὁ Εὐεργέτησ ἐν τῷ τρίτῳ τῶν ὑπομνημάτων κἀν τῷ πέμπτῳ φάσκων αὐτὸν εἰσ τοὺσ Ἰνδικοὺσ κώμουσ καὶ μέθασ τραπέντα πολλὰ ἀναλίσκειν, καὶ τὰ περιλειπόμενα δὲ τῶν χρημάτων μεθ’ ἡμέραν κωμάζων ὁτὲ μὲν ἐξέχει, ἄλλοτε δὲ ἐν ταῖσ δημοσίαισ ὁδοῖσ ἱστάμενοσ ἔλεγε, ’ τίνι ἡ τύχη δίδωσι, λαβέτω. ’ καὶ ῥίψασ τὸ ἀργύριον ᾤχετο. πολλάκισ δὲ καὶ πλεκτὸν στέφανον ῥόδων ἔχων ἐπὶ τῆσ κεφαλῆσ καὶ χρυσοϋφῆ τήβενναν φορῶν μόνοσ ἐρέμβετο λίθουσ ὑπὸ μάλησ ἔχων, οἷσ ἔβαλλε τῶν ἰδιωτῶν τοὺσ ἀκολουθοῦντασ αὐτῷ. ἐλούετο δὲ καὶ εἰσ τοὺσ κοινοὺσ λουτρῶνασ μύροισ ἀλειφόμενοσ, ὅτε καί ποτε συνιδών τισ αὐτὸν ἰδιώτησ ἔφη ’ μακάριοσ εἶ, ὦ βασιλεῦ, πολυτελὲσ ὄζεισ. καὶ ὃσ ἡσθεὶσ ἐγώ σε, φησίν, ὑπέρκορον τούτου·

ποιήσω καὶ κατὰ τῆσ κεφαλῆσ αὐτοῦ ὑδρίσκην ὑπὲρ δύο χοᾶσ ἔχουσαν παχέοσ μύρου καταχυθῆναι ἐκέλευσεν, ὡσ καὶ τὸ πλῆθοσ τῶν ἀγοραιοτέρων εἰσ τὸ ἐκχυθὲν συγκυλισθῆναι. ὀλίσθου τε γενομένου αὐτόσ τε ὁ Ἀντίοχοσ ἔπεσε καγχάζων καὶ οἱ πλεῖστοι τῶν λουσμένων τὸ αὐτὸ ἔπασχον. Πολύβιοσ δ’ ἐν τῇ ἕκτῃ καὶ εἰκοστῇ τῶν ἱστοριῶν καλεῖ αὐτὸν Ἐπιμανῆ καὶ οὐκ Ἐπιφανῆ διὰ τὰσ πράξεισ ̔ οὐ μόνον γὰρ μετὰ δημοτῶν ἀνθρώπων κατέβαινεν εἰσ ὁμιλίασ, ἀλλὰ καὶ μετὰ τῶν παρεπιδημούντων ξένων καί τῶν εὐτελεστάτων συνέπινεν.

εἰ δὲ καὶ τῶν νεωτέρων φησί αἴσθοιτό τινασ συνευωχουμένουσ ὁπουδήποτε, παρῆν μετὰ κερατίου· καὶ συμφωνίασ, ὥστε τοὺσ πολλοὺσ διὰ τὸ παράδοξον ἀνισταμένουσ φεύγειν. ἀποβαλὼν τήβενναν ἀναλαβὼν περιῄει τὴν ἀγοράν ἐν δὲ τῇ πρώτῃ καὶ τριακοστῇ ὁ αὐτὸσ Πολύβιόσ φησι συντελοῦντα αὐτὸν ἐν τῇ Ἀντιοχείᾳ ἀγῶνασ συγκαλέσαι πάντασ Ἕλληνασ καὶ τῶν ἄλλων τοὺσ βουλομένουσ ἐπὶ τὴν θέαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 52

(아테나이오스, The Deipnosophists, Book 10, book 10, chapter 52)

상위

목록

SEARCH

MENU NAVIGATION