Ancient Greek Text

Athenaeus, The Deipnosophists, Book 10, book 10, chapter 42

(아테나이오스, The Deipnosophists, Book 10, book 10, chapter 42)

φίλοινοσ δ’ ἐστὶν ὁ πρὸσ οἶνον ἕτοιμοσ, φιλοπότησ δὲ ὁ πρὸσ πότουσ, κωθωνιστὴσ δὲ ὁ μέχρι μέθησ, πλεῖστον δὲ ἔπινε τῶν μὲν ἡρώων Νέστωρ ὁ τριγέρων· φανερῶσ γὰρ αὐτὸσ προσέκειτο τῶν ἄλλων μᾶλλον τῷ οἴνῳ καὶ τοῦ Ἀγαμέμνονοσ αὐτοῦ, ὃν ὡσ πολυπότην ἐπιπλήσσει ὁ Ἀχιλλεύσ. ὁ δὲ Νέστωρ καὶ τῆσ μεγίστησ μάχησ ἐνεστηκυίασ οὐκ ἀπέχεται τοῦ πίνειν. φησὶ γοῦν Ὅμηροσ· Νέστορα δ’ οὐκ ἔλαθεν ἰαχὴ πίνοντά περ ἔμπησ. καὶ μόνου σὲ τούτου τῶν ἡρώων τὸ ποτήριον ἡρμήνευκεν, ὡσ τὴν Ἀχιλλέωσ ἀσπίδα. ἐστρατεύετο γάρ μετ’ αὐτοῦ καθάπερ καὶ τῆσ ἀσπίδοσ ἐκείνησ ἧσ φησιν ὁ Ἕκτωρ καὶ μέχρι οὐρανοῦ ἥκειν τὸ κλέοσ, οὐκ ἂν ἁμάρτοι δέ τισ καὶ τὸ ποτήριον αὐτοῦ λέγων φιάλην Ἄρεωσ κατὰ τὸν Ἀντιφάνουσ Καινέα, ἐν ᾧ λέγεται οὕτωσ· εἶτ’ ἤδη δὸσ φιάλην Ἄρεωσ, κατὰ Τιμόθεον, ξυστόν τε βέλοσ. ἀλλὰ μὴν καὶ διὰ τὴν φιλοποσίαν ὁ Νέστωρ καὶ παρἈχιλλέωσ φιάλην λαμβάνει δῶρον ἐν τῷ ἐπὶ Πατρόκλῳ ἐπιτελουμένῳ ἀγῶνι, οὐχ ὅτι ἀκονιτὶ τῷ νικηθέντι ἔδωκε δέπασ ὁ Ἀχιλλεύσ τοῖσ γὰρ φιλοπόταισ οὐ παρέπεται τὸ νικᾶν διὰ τὸ ῥᾴθυμον ἢ ὅτι διὰ δίψαν μάλιστα λείπονται οἱ πύκται διὰ τὸ βαρεῖσθαι τὰσ χεῖρασ ἀνατείνοντεσ.