Ancient Greek Text

Athenaeus, The Deipnosophists, Book 10, book 10, chapter 41

(아테나이오스, The Deipnosophists, Book 10, book 10, chapter 41)

προπόσεισ δὲ τὰσ γινομένασ ἐν τοῖσ συμποσίοισ Λακεδαιμονίοισ οὐκ ἦν ἔθοσ ποιεῖν οὐδὲ φιλοτησίασ διὰ τούτων πρὸσ ἀλλήλουσ ποιεῖσθαι. δηλοῖ δὲ ταῦτα Κριτίασ ἐν τοῖσ ἐλεγείοισ· καὶ τόδ’ ἔθοσ Σπάρτῃ μελέτημά τε κείμενὸν ἐστι πίνειν τὴν αὐτὴν οἰνοφόρον κύλικα, μηδ’ ἀποδωρεῖσθαι προπόσεισ ὀνομαστὶ λέγοντα μηδ’ ἐπὶ δεξιτερὰν χεῖρα κύκλῳ θιάσου. ἄγγε’ ἃ Λυδὴ χεὶρ εὑρ͂’ Ἀσιατογενὴσ καὶ προπόσεισ ὀρέγειν ἐπὶ δεξιὰ καὶ προκαλεῖσθαι ἐξονομακλήδην ᾧ προπιεῖν ἐθέλει. εἶτ’ ἀπὸ τοιούτων πόσεων γλώσσασ τε λύουσιν εἰσ αἰσχροὺσ μύθουσ σῶμά τ’ ἀμαυρότερον τεύχουσιν πρὸσ δ’ ὄμμ’ ἀχλὺσ ἀμαλωπὸσ ἐφίζει· λῆστισ δὲ ἐκτήκει μνημοσύνην πραπίδων νοῦσ δὲ παρέσφαλται· ·

δμῶεσ δ’ ἀκόλαστον ἔχουσιν ἦθοσ· ἐπεισπίπτει δ’ οἰκοτριβὴσ δαπάνη. οἱ Λακεδαιμονίων δὲ κόροι πίνουσι τοσοῦτον ὥστε φρέν’ εἰσ ἱλαρὰν ἐλπίδα πάντασ ἄγειν εἴσ τε φιλοφροσύνην γλῶσσαν μέτριόν τε γέλωτα. τοιαύτη δὲ πόσισ σώματί τ’ ὠφέλιμοσ γνώμῃ τε κτήσει τε· καλῶσ δ’ εἰσ ἔργ’ Ἀφροδίτησ πρόσ θ’ ὕπνον ἡρ́μοσται, τὸν καμάτων λιμένα, πρὸσ τὴν τερπνοτάτην τε θεῶν θνητοῖσ Ὑγίειαν, καὶ τὴν Εὐσεβίησ γείτονα Σωφροσύνην. ἑξῆσ τε πάλιν φησὶν αἱ γάρ ὑπὲρ τὸ μέτρον κυλίκων προπόσεισ παραχρῆμα τέρψασαι λυποῦσ1’ εἰσ τὸν ἅπαντα χρόνον.

ἡ Λακεδαιμονίων δὲ δίαιθ’ ὁμαλῶσ διάκειται, ἔσθειν καὶ πίνειν σύμμετρα πρὸσ τὸ φρονεῖν καὶ τὸ πονεῖν εἶναι δυνατούσ·

οὔκ ἐστ’ ἀπότακτοσ ἡμέρα οἰνῶσαι σῶμ’ ἀμέτροισι πότοισ.