헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 33)

ἐπιδείκνυνται γὰρ τοῖσ θεαταῖσ ὅτι καὶ τοῦ θεοῦ κρείττων ἐστὶν ὁ οἶνοσ. καίτοι γ’ οὐδ’ ἄν, οἶμαι, ἄνθρωποσ σπουδαῖοσ τοῦθ’ ὑπομείνειεν. εἰ δ’ ὅτι κατέδειξεν ἡμῖν τὸν οἶνον, διὰ τοῦτο ποιοῦσιν αὐτὸν οὕτωσ διακείμενον, δῆλον ὅτι καὶ τὴν Δήμητρα θερίζουσαν ἢ ἐσθίουσαν ποιήσουσιν. ἐπεὶ καὶ τὸν Αἰσχύλον ἐγὼ φαίην ἂν τοῦτο διαμαρτάνειν πρῶτοσ γὰρ ἐκεῖνοσ καὶ οὐχ, ὡσ ἔνιοί φασιν, Εὐριπίδησ παρήγαγε τὴν τῶν μεθυόντων ὄψιν εἰσ τραγῳδίαν. ἐν γὰρ τοῖσ Καβίροισ εἰσάγει τοὺσ περὶ τὸν Ιἄσονα μεθύοντασ. ἃ δ’ αὐτὸσ ὁ τραγῳδιοποιὸσ ἐποίει ταῦτα τοῖσ ἡρ́ωσι περιέθηκε· μεθύων γοῦν ἔγραφε τὰσ τραγῳδίασ, διὸ καὶ Σοφοκλῆσ αὐτῷ μεμφόμενοσ ἔλεγεν ὅτι ’ ὦ Αἰσχύλε, εἰ καὶ τὰ δέοντα ποιεῖσ, ἀλλ’ οὖν οὐκ εἰδώσ γε ποιεῖσ ὡσ ἱστορεῖ Χαμαιλέων ἐν τῷ περὶ Αἰσχύλου. ἀγνοοῦσί τε οἱ λέγοντεσ πρῶτον Ἐπίχαρμον ἐπὶ τὴν σκηνὴν παραγαγεῖν μεθύοντα, μεθ’ ὃν Κράτητα ἐν Γείτοσι.

καὶ Ἀλκαῖοσ δὲ ὁ μελοποιὸσ καὶ Ἀριστοφάνησ ὁ κωμῳδιοποιὸσ μεθύοντεσ ἔγραφον τὰ ποιήματα, πολλοὶ δὲ καὶ ἄλλοι μεθυσκόμενοι λαμπρότερον ἐν τῷ πολέμῳ ἠγωνίσαντο. παρὰ δὲ Λοκροῖσ τοῖσ Ἐπιζεφυρίοισ εἴ τισ ἄκρατον ἔπιε μὴ προστάξαντοσ ἰατροῦ θεραπείασ ἕνεκα, θάνατοσ ἦν ἡ ζημία Ζαλεύκου τὸν νόμον θέντοσ. παρὰ δὲ Μασσαλιήταισ ἄλλοσ νόμοσ τὰσ γυναῖκασ ὑδροποτεῖν. ἐν δὲ Μιλήτῳ ἔτι καὶ νῦν φησι Θεόφραστοσ τοῦτ’ εἶναι τὸ νόμιμον. παρὰ δὲ Ῥωμαίοισ οὔτε οἰκέτησ οἶνον ἔπινεν οὔτε γυνὴ ἐλευθέρα οὔτε τῶν ἐλευθέρων οἱ ἔφηβοι μέχρι τριάκοντα ἐτῶν.

ἄτοποσ δὲ ὁ Ἀνακρέων ὁ πᾶσαν αὑτοῦ τὴν ποίησιν ἐξαρτήσασ μέθησ, τῇ γὰρ μαλακίᾳ καὶ τῇ τρυφῇ ἐπιδοὺσ ἑαυτὸν ἐν τοῖσ ποιήμασι διαβέβληται, οὐκ εἰδότων τῶν πολλῶν ὅτι νήφων ἐν τῷ γράφειν καὶ ἀγαθὸσ ὢν προσποιεῖται μεθύειν οὐκ οὔσησ ἀνάγκησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 33

(아테나이오스, The Deipnosophists, Book 10, book 10, chapter 33)

상위

목록

SEARCH

MENU NAVIGATION