Ancient Greek Text

Athenaeus, The Deipnosophists, Book 10, book 10, chapter 32

(아테나이오스, The Deipnosophists, Book 10, book 10, chapter 32)

διὸ καὶ Ἡσίοδοσ ἐν ταῖσ Ηοἴαισ εἶπεν οἱᾶ Διώνυσοσ δῶκ’ ἀνδράσι χάρμα καὶ ἄχθοσ, ὅστισ ἄδην πίνῃ, οἶνοσ δέ οἱ ἔπλετο μάργοσ, σὺν δὲ πόδασ χεῖράσ τε δέει γλῶσσάν τε νόον τε δεσμοῖσ ἀφράστοισι· φιλεῖ δὲ ἑ μαλθακὸσ ὕπνοσ. καὶ Θέογνισ δέ φησιν ἥξω δ’ ὡσ οἶνοσ χαριέστατοσ ἀνδρὶ πεπόσθαι, οὔτε τι νήφων εἴμ’ οὔτε λίαν μεθύων. ὃσ δ’ ἂν ὑπερβάλλῃ πόσιοσ μέτρον, οὐκ ἔτ’ ἐκεῖνοσ τῆσ αὑτοῦ γλώσσησ καρτερὸσ οὐδὲ νόου· μυθεῖται δ’ ἀπάλαμνα τὰ νήφοσι γίγνεται αἰσχρά·

αἰδεῖται δ’ ἔρδων οὐδὲν ὅταν μεθύῃ, τὸ πρὶν ἐὼν σώφρων τε καὶ ἤπιοσ, ἀλλὰ σὺ ταῦτα γινώσκων μὴ πῖν’ οἶνον ὑπερβολάδην, πρὶν μεθύειν ἄρξῃ δ’, ἀπανίστασο ‐ μή σε βιάσθω γαστήρ, ὥστε κακὸν λάτριν ἐφημέριον. ἀμπέλου δύναμιν τῷ τῶν Σκυθῶν βασιλεῖ καὶ τὰ κλήματα αὐτῆσ δεικνὺσ ἔλεγεν ὡσ εἰ μὴ καθ’ ἕκαστον ἔτοσ ἔτεμνον οἱ Ἕλληνεσ τὴν ἄμπελον, ἤδη κἂν ἐν Σκύθαισ ἦν.

οὐ καλῶσ δὲ οἱ πλάττοντεσ καὶ γράφοντεσ τὸν Διόνυσον, ἔτι τε οἱ ἄγοντεσ ἐπὶ τῆσ ἁμάξησ διὰ μέσησ τῆσ ἀγορᾶσ οἰνωμένον.