헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 80)

φιλόπαισ δ’ ἦν ἐκμανῶσ καὶ Ἀλέξανδροσ ὁ βασιλεύσ. Δικαίαρχοσ γοῦν ἐν τῷ περὶ τῆσ ἐν Ἰλίῳ Θυσίασ Βαγώου τοῦ εὐνούχου οὕτωσ αὐτόν φησιν ἡττᾶσθαι ὡσ ἐν ὄψει θεάτρου ὅλου καταφιλεῖν αὐτὸν ἀνακλάσαντα, καὶ τῶν θεατῶν ἐπιφωνησάντων μετὰ κρότου οὐκ ἀπειθήσασ πάλιν ἀνακλάσασ ἐφίλησεν. "Χάρωνι, φησί, τῷ Χαλκιδεῖ παῖσ καλὸσ ἦν καὶ εἶχεν εὖ πρὸσ αὐτόν.

ὡσ δ’ Ἀλέξανδροσ παρὰ Κρατερῷ αὐτὸν ἐπῄνεσεν γενομένου πότου, ὁ Χάρων ἐκέλευσε τὸν παῖδα καταφιλῆσαι τὸν Ἀλέξανδρον καὶ ὃσ ’ μηδαμῶσ, εἶπεν, οὐ γὰρ οὕτωσ ἐμὲ εὐφρανεῖ ὡσ σὲ λυπήσει ὥσπερ γὰρ ἦν ἐρωτικὸσ ὁ βασιλεὺσ οὗτοσ, οὕτωσ καὶ πρὸσ τὸ καθῆκον ἐγκρατὴσ καὶ πρὸσ τὸ πρεπωδέστατον. "αἰχμαλώτουσ γοῦν λαβὼν τὰσ Δαρείου θυγατέρασ καὶ τὴν γυναῖκα κάλλει διαπρεπεστάτην οὖσαν οὐ μόνον ἀπέσχετο, ἀλλ’ οὐδὲ ἐκείνασ μαθεῖν ἐποίησεν ὅτι εἰσὶν αἰχμάλωτοι, ἀλλ’ ὡσ ἔτι Δαρείου ἐν τῇ βασιλείᾳ ὄντοσ πάντα αὐταῖσ χορηγεῖσθαι ἐκέλευσεν. "διόπερ καὶ Δαρεῖοσ τοῦτο μαθὼν ηὔξατο τῷ Ἡλίῳ τὰσ χεῖρασ ἀνατείνασ ἢ αὐτὸν βασιλεύειν ἢ Ἀλέξανδρον. Ῥαδαμάνθυοσ δὲ τοῦ δικαίου Ἴβυκοσ ἐραστήν φησι γενέσθαι Τάλων.

Διότιμοσ δ’ ἐν τῇ Ἡρακλείᾳ Εὐρυσθέα φησὶν Ἡρακλέουσ γενέσθαι παιδικά, διόπερ καὶ τοὺσ ἄθλουσ ὑπομεῖναι. Ἀγαμέμνονά τε Ἀργύννου ἐρασθῆναι λόγοσ, ἰδόντα ἐπὶ τῷ Κηφισῷ νηχόμενον· ἐν ᾧ καὶ τελευτήσαντα αὐτὸν συνεχῶσ γὰρ ἐν τῷ ποταμῷ τούτῳ ἀπελούετο θάψασ εἵσατο καὶ ἱερὸν αὐτόθι Ἀφροδίτησ Ἀργυννίδοσ. Λικύμνιοσ δ’ ὁ Χῖοσ ἐν Διθυράμβοισ Ἀργύννου φησὶν ἐρώμενον Ὑμέναιον γενέσθαι. Ἀντιγόνου δὲ τοῦ βασιλέωσ ἐρώμενοσ ἦν Ἀριστοκλῆσ ὁ κιθαρῳδόσ, περὶ οὗ Ἀντίγονοσ ὁ Καρύστιοσ ἐν τῷ Ζήνωνοσ Βίῳ γράφει οὕτωσ · "Ἀντίγονοσ ὁ βασιλεὺσ ἐπεκώμαζε τῷ Ζήνωνι.

"καί ποτε καὶ μεθ’ ἡμέραν ἐλθὼν ἔκ τινοσ πότου καὶ ἀναπηδήσασ πρὸσ τὸν Ζήνωνα ἔπεισεν αὐτὸν συγκωμάσαι αὑτῷ πρὸσ Ἀριστοκλέα τὸν κιθαρῳδόν, οὗ σφόδρα ἤρα ὁ βασιλεύσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 80

(아테나이오스, The Deipnosophists, Book 13, book 13, chapter 80)

상위

목록

SEARCH

MENU NAVIGATION