호흡부호 보기
강세부호 보기
장단부호 보기
작은 Iota 보기
모든 부호 보기
διαβόητοσ δ’ ἑταίρα γέγονε καὶ ἡ Μιλησία Πλαγγών ἧσ περικαλλεστάτησ οὔσησ ἠράσθη τισ Κολοφώνιοσ νεανίσκοσ, Βακχίδα ἔχων ἐρωμένην τὴν Σαμίαν. λόγουσ οὖν προσενέγκαντοσ τοῦ νεανίσκου πρὸσ αὐτὴν ἡ Πλαγγὼν ἀκούουσα τῆσ Βακχίδοσ τὸ κάλλοσ καὶ ἀποτρέψαι θέλουσα τὸν νεανίσκον τοῦ πρὸσ αὑτὴν ἔρωτοσ, ὡσ ἀδύνατον ἦν, ᾔτησε τῆσ συνουσίασ μισθὸν τὸν Βακχίδοσ ὁρ́μον διαβόητον ὄντα. ὁ δὲ σφοδρῶσ ἐρῶν ἠξίωσε τὴν Βακχίδα μὴ περιιδεῖν αὐτὸν ἀπολλύμενον.
καὶ ἡ Βακχὶσ τὴν ὁρμὴν κατιδοῦσα τοῦ νεανίσκου, ἔδωκε. Πλαγγὼν δὲ τὸ ἄζηλον συνιδοῦσα τῆσ Βακχίδοσ τὸν μὲν ἀπέπεμψεν ἐκείνῃ, τῷ δὲ ὡμίλησε. καὶ τοῦ λοιποῦ φίλαι ἐγένοντο, κοινῶσ περιέπουσαι τὸν ἐραστήν, ἐφ’ οἷσ Ιὤνεσ ἀγασθέντεσ, ὥσ φησι Μενέτωρ ἐν τῷ περὶ Ἀναθημάτων, Πασιφίλαν ἐκάλεσαν τὴν Πλαγγόνα, μαρτυρεῖ δὲ καὶ Ἀρχίλοχοσ περὶ αὐτῆσ ἐν τούτοισ· συκῆ πετραίη πολλὰσ βόσκουσα κορώνασ, εὐήθησ ξείνων δέκτρια Πασιφίλη.
ὅτι δὲ καὶ Μένανδροσ ὁ ποιητὴσ ἤρα Γλυκέρασ κοινόν· ἐνεμεσήθη δέ. Φιλήμονοσ γὰρ ἑταίρασ ἐρασθέντοσ καὶ χρηστὴν ταύτην ὀνομάσαντοσ διὰ τοῦ δράματοσ, ἀντέγραψεν Μένανδροσ ὡσ οὐδεμιᾶσ οὔσησ χρηστῆσ.
호흡부호 보기
강세부호 보기
장단부호 보기
작은 Iota 보기
모든 부호 보기