헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 59)

ἦν δ’ ἡ Φρύνη ἐκ Θεσπιῶν. κρινομένη δὲ ὑπὸ Εὐθίου τὴν ἐπὶ θανάτῳ ἀπέφυγεν· διόπερ ὀργισθεὶσ ὁ Εὐθίασ οὐκ ἔτι εἶπεν ἄλλην δίκην, ὥσ φησιν Ἕρμιπποσ. ὁ δὲ Ὑπερείδησ συναγορεύων τῇ Φρύνῃ, ὡσ οὐδὲν ἤνυε λέγων ἐπίδοξοί τε ἦσαν οἱ δικασταὶ καταψηφιούμενοι, παραγαγὼν αὐτὴν εἰσ τοὐμφανὲσ καὶ περιρρήξασ τοὺσ χιτωνίσκουσ γυμνά τε τὰ στέρνα ποιήσασ τοὺσ ἐπιλογικοὺσ οἴκτουσ ἐκ τῆσ ὄψεωσ αὐτῆσ ἐπερρητόρευσεν δεισιδαιμονῆσαί τε ἐποίησεν τοὺσ δικαστὰσ καὶ τὴν ὑποφῆτιν καὶ ζάκορον Ἀφροδίτησ ἐλέῳ χαρισαμένουσ μὴ ἀποκτεῖναι.

καὶ ἀφεθείσησ ἐγράφη μετὰ ταῦτα ψήφισμα μηδένα οἰκτίζεσθαι τῶν λεγόντων ὑπέρ τινοσ μηδὲ βλεπόμενον τὸν κατηγορούμενον ἢ τὴν κατηγορουμένην κρίνεσθαι. ἦν δὲ ὄντωσ μᾶλλον ἡ Φρύνη καλὴ ἐν τοῖσ μὴ βλεπομένοισ.

διόπερ οὐδὲ ῥᾳδίωσ ἦν αὐτὴν ἰδεῖν γυμνὴν ἐχέσαρκον γὰρ χιτώνιον ἠμπείχετο καὶ τοῖσ δημοσίοισ οὐκ ἐχρῆτο βαλανείοισ. τῇ δὲ τῶν Ἐλευσινίων πανηγύρει καὶ τῇ τῶν Ποσειδωνίων ἐν ὄψει τῶν Πανελλήνων πάντων ἀποθεμένη θοἰμάτιον καὶ λύσασα τὰσ κόμασ ἐνέβαινε τῇ θαλάττῃ· καὶ ἀπ’ αὐτῆσ Ἀπελλῆσ τὴν Ἀναδυομένην Ἀφροδίτην ἀπεγράψατο. καὶ Πραξιτέλησ δὲ ὁ ἀγαλματοποιὸσ ἐρῶν αὐτῆσ τὴν Κνιδίαν Ἀφροδίτην ἀπ’ αὐτῆσ ἐπλάσατο καὶ ἐν τῇ τοῦ Ἔρωτοσ βάσει τῇ ὑπὸ τὴν σκηνὴν τοῦ θεάτρου ἐπέγραψε·

Πραξιτέλησ ὃν ἔπασχε διηκρίβωσεν Ἔρωτα, ἐξ ἰδίησ ἕλκων ἀρχέτυπον κραδίησ, Φρύνῃ μισθὸν ἐμεῖο διδοὺσ ἐμέ. φίλτρα δὲ βάλλω οὐκέτ’ ὀιστεύων, ἀλλ’ ἀτενιζόμενοσ. ἐκλογὴν τε αὐτῇ τῶν ἀγαλμάτων ἔδωκεν, εἴτε τὸν Ἔρωτα θέλοι λαβεῖν εἴτε τὸν ἐπὶ Τριπόδων Σάτυρον.

ἡ δὲ ἑλομένη τὸν Ἔρωτα ἀνέθηκεν αὐτὸν ἐν Θεσπιαῖσ. αὐτῆσ δὲ τῆσ Φρύνησ οἱ περικτίονεσ ἀνδριάντα ποιήσαντεσ ἀνέθηκαν ἐν Δελφοῖσ χρύσεον ἐπὶ κίονοσ Πεντελικοῦ· κατεσκεύασε δ’ αὐτὸν Πραξιτέλησ, ὃν καὶ θεασάμενοσ Κράτησ ὁ κυνικὸσ ἔφη τῆσ τῶν Ἑλλήνων ἀκρασίασ ἀνάθημα. ὥσ φησιν Ἀλκέτασ ἐν β# περὶ τῶν ἐν Δελφοῖσ Ἀναθημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 59

(아테나이오스, The Deipnosophists, Book 13, book 13, chapter 59)

상위

목록

SEARCH

MENU NAVIGATION