Ancient Greek Text

Athenaeus, The Deipnosophists, Book 13, book 13, chapter 48

(아테나이오스, The Deipnosophists, Book 13, book 13, chapter 48)

"καὶ γὰρ σύ, φησί, σαυτὸν ἔδωκασ οὗ ψῆφοι εἰσίν. "πρόσεχε, φησί, μὴ ἀνατραπῇσ. τοῦτο ἱστορεῖ Ἡγήσανδροσ.

"Γνάθαιναν, φησί, δύο ἐμισθώσαντο, στρατιώτησ καὶ μαστιγίασ· "ἀναγωγότερον οὖν τοῦ στρατιώτου λάκκον αὐτὴν εἰπόντοσ ’ πῶσ; "ἔφησεν· "ἢ ὅτι δύο ποταμοὶ ἐμβάλλετέ μοι, Λύκοσ καὶ Ἐλεύθεροσ; "’ ἐπὶ δὲ τὴν θυγατέρα τῆσ Γναθαίνησ πτωχῶν ἐραστῶν κωμαζόντων καὶ ἀπειλούντων κατασκάψειν τὴν οἰκίαν· "ἐνηνοχέναι γὰρ δικέλλασ καὶ ἄμασ, ’ εἰ ταῦτ’ εἴχεθ’ ὑμεῖσ εἶπεν ἡ Γνάθαινα, ἐνέχυρα θέντεσ τὸ μίσθωμα ἂν ἀπεστείλατε. ’" ἐμμελὴσ δ’ ἦν πάνυ ἡ Γνάθαινα καὶ οὐκ ἀνάστειοσ ἀποφθέγξασθαι· ἥτισ καὶ νόμον συσσιτικὸν συνέγραψεν, καθ’ ὃν δεῖ τοὺσ ἐραστὰσ ὡσ αὐτὴν καὶ τὴν θυγατέρα εἰσιέναι, κατὰ ζῆλον τῶν τὰ τοιαῦτα συνταξαμένων φιλοσόφων.

ἀνέγραψε δ’ αὐτὸν Καλλίμαχοσ ἐν τῷ τρίτῳ πίνακι τῶν Νόμων καὶ ἀρχὴν αὐτοῦ τήνδε παρέθετο· στίχων τριακοσίων εἴκοσι τριῶν.