Athenaeus, The Deipnosophists, Book 13, book 13, chapter 35

(아테나이오스, The Deipnosophists, Book 13, book 13, chapter 35)

οὐ χρὴ δὲ θαυμάζειν εἰ ἐξ ἀκοῆσ τινεσ ἠράσθησάν τινων, ὁπότε Χάρησ ὁ Μιτυληναῖοσ ἐν τῇ δεκάτῃ τῶν Ἱστοριῶν τῶν περὶ Ἀλέξανδρόν φησιν πολλοὺσ ὀνείρατι θεασαμένουσ τινὰσ οὓσ μὴ πρότερον εἶδον ἐρασθῆναι αὐτῶν γράφει δὲ οὕτωσ· "Ὑστάσπῃ νεώτεροσ ἦν ἀδελφὸσ Ζαριάδρησ, περὶ ὧν λέγουσιν οἱ ἐπιχώριοι ὅτι ἐξ Ἀφροδίτησ καὶ Ἀδώνιδοσ ἐγεννήθησαν. "ἐκυρίευσεν δὲ ὁ μὲν Ὑστάσπησ Μηδίασ καὶ τῆσ ὑποκάτω χώρασ, ὁ δὲ Ζαριάδρησ τῆσ ὑπεράνω Κασπίων πυλῶν μέχρι τοῦ Τανάιδοσ. "τῶν δὲ ἐπέκεινα τοῦ Τανάιδοσ Ὁμάρτῃ βασιλεῖ Μαραθῶν θυγάτηρ ἦν ὄνομα Ὀδάτισ· "περὶ ἧσ ἐν ταῖσ ἱστορίαισ γέγραπται ὡσ ἄρα κατὰ τὸν ὕπνον ἰδοῦσα τὸν Ζαριάδρην ἐρασθείη, τὸ δ’ αὐτὸ τοῦτο κἀκείνῳ πάθοσ συμπεσεῖν πρὸσ αὐτήν. διετέλουν γοῦν ἀλλήλων ἐπιθυμοῦντεσ διὰ τὴν κατὰ τὸν ὕπνον φαντασίαν. "ἦν δὲ ἡ Ὀδάτισ καλλίστη τῶν κατὰ τὴν Ἀσίαν γυναικῶν, καὶ ὁ Ζαριάδρησ δὲ ἦν καλόσ, πέμποντοσ οὖν τοῦ Ζαριάδρου πρὸσ τὸν Ὁμάρτην καὶ φιλοτιμουμένου γῆμαι τὴν ἄνθρωπον, οὐ συνετίθετο ὁ Ὁμάρτησ διὰ τὸ εἶναι ἀρρένων παίδων ἔρημοσ, ἤθελεν γὰρ αὐτὴν δοῦναι ἑνὶ τῶν περὶ αὑτὸν οἰκείων. "καὶ μετ’ οὐ πολὺν χρόνον ὁ Ὁμάρτησ συναγαγὼν τοὺσ ἐκ τῆσ βασιλείασ δυνάστασ καὶ φίλουσ καὶ συγγενεῖσ ἐποιεῖτο τοὺσ γάμουσ, οὐ προειπὼν ὅτῳ μέλλοι διδόναι τὴν θυγατέρα, ἀκμαζούσησ οὖν τῆσ μέθησ εἰσκαλέσασ τὴν Ὀδάτιν ὁ πατήρ εἰσ τὸ συμπόσιον εἶπεν ἀκουόντων τῶν συνδείπνων ’ ἡμεῖσ, ὦ θύγατερ Ὀδάτι, νῦν ποιούμεθα τοὺσ σοὺσ γάμουσ. "περιβλέψασα οὖν καὶ θεωρήσασα πάντασ λαβοῦσα χρυσῆν φιάλην καὶ πληρώσασα δὸσ ᾧ θέλεισ γαμηθῆναι· "τούτου γὰρ κεκλήσῃ γυνή κἀκείνη περιβλέψασα πάντασ ἀπῄει δακρύουσα, ποθοῦσα τὸν Ζαριάδρην ἰδεῖν ἐπεστάλκει · "γὰρ αὐτῷ ὅτι μέλλουσιν οἱ γάμοι συντελεῖσθαι. "ὁ δὲ στρατοπεδεύων ἐπὶ τοῦ Τανάιδοσ διαλαθὼν τὴν στρατοπεδείαν διέβη μετὰ μόνου τοῦ ἁρματηλάτου καὶ νυκτὸσ ὁρμήσασ ἐπὶ τοῦ ἁρ́ματοσ διῆλθεν διὰ γῆσ πολλῆσ, διώξασ περὶ τοὺσ ὀκτακοσίουσ σταδίουσ. "πλησίον δὲ τῆσ κώμησ γενόμενοσ ἐν ᾗ τοὺσ γάμουσ συνετέλουν καὶ καταλιπὼν ἔν τινι τόπῳ αὐτῷ ἁρ́ματι τὸν ἁρματηλάτην προῆγεν ἐνδεδυκὼσ στολὴν Σκυθικήν. καὶ παρελθὼν εἰσ τὴν αὐλὴν καὶ ἰδὼν τὴν Ὀδάτιν ἑστηκυῖαν πρὸ τοῦ κυλικείου καὶ δακρύουσαν κιρνᾶσάν τε βραδέωσ τὴν φιάλην εἶπεν πλησίον στὰσ παρ’ αὐτὴν ὦ Ὀδάτι, πάρειμι δή σοι καθάπερ ἠξίωσασ, ἐγὼ Ζαριάδρησ. "’ ἡ δὲ κατανοήσασα ξένον ἄνδρα καὶ καλὸν καὶ ὅμοιον τῷ κατὰ τὸν ὕπνον ἑωραμένῳ περιχαρὴσ γενομένη δίδωσιν αὐτῷ τὴν φιάλην· "καὶ ὃσ ἁρπάσασ αὐτὴν ἀπήγαγεν ἐπὶ τὸ ἁρ́μα καὶ ἔφυγεν ἔχων τὴν Ὀδάτιν. "οἱ δὲ παῖδεσ καὶ αἱ θεράπαιναι συνειδυῖαι τὸν ἔρωτα κατεσιώπησαν καὶ κελεύοντοσ τοῦ πατρὸσ λαλεῖν οὐκ ἔφασαν εἰδέναι ὅπου πεπόρευται. "μνημονεύεται δὲ ὁ ἔρωσ οὗτοσ παρὰ τοῖσ τὴν Ἀσίαν οἰκοῦσι βαρβάροισ καὶ περισσῶσ ἐστι ζηλωτόσ, καὶ τὸν μῦθον τοῦτον ζωγραφοῦσιν ἐν τοῖσ ἱεροῖσ καὶ τοῖσ βασιλείοισ, ἔτι δὲ ταῖσ ἰδιωτικαῖσ οἰκίαισ· "καὶ ταῖσ ἑαυτῶν θυγατράσιν οἱ πολλοὶ τῶν δυναστῶν ὄνομα τίθενται Ὀδάτιν.

일치하는 문장이 없습니다.

SEARCH

MENU NAVIGATION