헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 35)

οὐ χρὴ δὲ θαυμάζειν εἰ ἐξ ἀκοῆσ τινεσ ἠράσθησάν τινων, ὁπότε Χάρησ ὁ Μιτυληναῖοσ ἐν τῇ δεκάτῃ τῶν Ἱστοριῶν τῶν περὶ Ἀλέξανδρόν φησιν πολλοὺσ ὀνείρατι θεασαμένουσ τινὰσ οὓσ μὴ πρότερον εἶδον ἐρασθῆναι αὐτῶν γράφει δὲ οὕτωσ· "Ὑστάσπῃ νεώτεροσ ἦν ἀδελφὸσ Ζαριάδρησ, περὶ ὧν λέγουσιν οἱ ἐπιχώριοι ὅτι ἐξ Ἀφροδίτησ καὶ Ἀδώνιδοσ ἐγεννήθησαν. "ἐκυρίευσεν δὲ ὁ μὲν Ὑστάσπησ Μηδίασ καὶ τῆσ ὑποκάτω χώρασ, ὁ δὲ Ζαριάδρησ τῆσ ὑπεράνω Κασπίων πυλῶν μέχρι τοῦ Τανάιδοσ. "τῶν δὲ ἐπέκεινα τοῦ Τανάιδοσ Ὁμάρτῃ βασιλεῖ Μαραθῶν θυγάτηρ ἦν ὄνομα Ὀδάτισ· "περὶ ἧσ ἐν ταῖσ ἱστορίαισ γέγραπται ὡσ ἄρα κατὰ τὸν ὕπνον ἰδοῦσα τὸν Ζαριάδρην ἐρασθείη, τὸ δ’ αὐτὸ τοῦτο κἀκείνῳ πάθοσ συμπεσεῖν πρὸσ αὐτήν. διετέλουν γοῦν ἀλλήλων ἐπιθυμοῦντεσ διὰ τὴν κατὰ τὸν ὕπνον φαντασίαν. "ἦν δὲ ἡ Ὀδάτισ καλλίστη τῶν κατὰ τὴν Ἀσίαν γυναικῶν, καὶ ὁ Ζαριάδρησ δὲ ἦν καλόσ, πέμποντοσ οὖν τοῦ Ζαριάδρου πρὸσ τὸν Ὁμάρτην καὶ φιλοτιμουμένου γῆμαι τὴν ἄνθρωπον, οὐ συνετίθετο ὁ Ὁμάρτησ διὰ τὸ εἶναι ἀρρένων παίδων ἔρημοσ, ἤθελεν γὰρ αὐτὴν δοῦναι ἑνὶ τῶν περὶ αὑτὸν οἰκείων. "καὶ μετ’ οὐ πολὺν χρόνον ὁ Ὁμάρτησ συναγαγὼν τοὺσ ἐκ τῆσ βασιλείασ δυνάστασ καὶ φίλουσ καὶ συγγενεῖσ ἐποιεῖτο τοὺσ γάμουσ, οὐ προειπὼν ὅτῳ μέλλοι διδόναι τὴν θυγατέρα, ἀκμαζούσησ οὖν τῆσ μέθησ εἰσκαλέσασ τὴν Ὀδάτιν ὁ πατήρ εἰσ τὸ συμπόσιον εἶπεν ἀκουόντων τῶν συνδείπνων ’ ἡμεῖσ, ὦ θύγατερ Ὀδάτι, νῦν ποιούμεθα τοὺσ σοὺσ γάμουσ. "περιβλέψασα οὖν καὶ θεωρήσασα πάντασ λαβοῦσα χρυσῆν φιάλην καὶ πληρώσασα δὸσ ᾧ θέλεισ γαμηθῆναι· "τούτου γὰρ κεκλήσῃ γυνή κἀκείνη περιβλέψασα πάντασ ἀπῄει δακρύουσα, ποθοῦσα τὸν Ζαριάδρην ἰδεῖν ἐπεστάλκει · "γὰρ αὐτῷ ὅτι μέλλουσιν οἱ γάμοι συντελεῖσθαι. "ὁ δὲ στρατοπεδεύων ἐπὶ τοῦ Τανάιδοσ διαλαθὼν τὴν στρατοπεδείαν διέβη μετὰ μόνου τοῦ ἁρματηλάτου καὶ νυκτὸσ ὁρμήσασ ἐπὶ τοῦ ἁρ́ματοσ διῆλθεν διὰ γῆσ πολλῆσ, διώξασ περὶ τοὺσ ὀκτακοσίουσ σταδίουσ. "πλησίον δὲ τῆσ κώμησ γενόμενοσ ἐν ᾗ τοὺσ γάμουσ συνετέλουν καὶ καταλιπὼν ἔν τινι τόπῳ αὐτῷ ἁρ́ματι τὸν ἁρματηλάτην προῆγεν ἐνδεδυκὼσ στολὴν Σκυθικήν. καὶ παρελθὼν εἰσ τὴν αὐλὴν καὶ ἰδὼν τὴν Ὀδάτιν ἑστηκυῖαν πρὸ τοῦ κυλικείου καὶ δακρύουσαν κιρνᾶσάν τε βραδέωσ τὴν φιάλην εἶπεν πλησίον στὰσ παρ’ αὐτὴν ὦ Ὀδάτι, πάρειμι δή σοι καθάπερ ἠξίωσασ, ἐγὼ Ζαριάδρησ. "’ ἡ δὲ κατανοήσασα ξένον ἄνδρα καὶ καλὸν καὶ ὅμοιον τῷ κατὰ τὸν ὕπνον ἑωραμένῳ περιχαρὴσ γενομένη δίδωσιν αὐτῷ τὴν φιάλην· "καὶ ὃσ ἁρπάσασ αὐτὴν ἀπήγαγεν ἐπὶ τὸ ἁρ́μα καὶ ἔφυγεν ἔχων τὴν Ὀδάτιν. "οἱ δὲ παῖδεσ καὶ αἱ θεράπαιναι συνειδυῖαι τὸν ἔρωτα κατεσιώπησαν καὶ κελεύοντοσ τοῦ πατρὸσ λαλεῖν οὐκ ἔφασαν εἰδέναι ὅπου πεπόρευται. "μνημονεύεται δὲ ὁ ἔρωσ οὗτοσ παρὰ τοῖσ τὴν Ἀσίαν οἰκοῦσι βαρβάροισ καὶ περισσῶσ ἐστι ζηλωτόσ, καὶ τὸν μῦθον τοῦτον ζωγραφοῦσιν ἐν τοῖσ ἱεροῖσ καὶ τοῖσ βασιλείοισ, ἔτι δὲ ταῖσ ἰδιωτικαῖσ οἰκίαισ· "καὶ ταῖσ ἑαυτῶν θυγατράσιν οἱ πολλοὶ τῶν δυναστῶν ὄνομα τίθενται Ὀδάτιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 35

(아테나이오스, The Deipnosophists, Book 13, book 13, chapter 35)

상위

목록

SEARCH

MENU NAVIGATION