Ancient Greek Text

Athenaeus, The Deipnosophists, Book 13, book 13, chapter 32

(아테나이오스, The Deipnosophists, Book 13, book 13, chapter 32)

καταλέξω δέ σοι, Κύνουλκε, Ιὠνικήν τινα ῥῆσιν, μακρὰν ἐκτείνασ κατὰ τὸν Αἰσχύλου Ἀγαμέμνονα· περὶ ἑταιρῶν, ἀρξάμενοσ ἀπὸ τῆσ καλῆσ Κορίνθου, ἐπειδή μοι τὴν αὐτόθι σοφιστείαν ὠνείδισασ.

νόμιμὸν ἐστιν ἀρχαῖον ἐν Κορίνθῳ, ὡσ καὶ Χαμαιλέων ὁ Ἡρακλεώτησ ἱστορεῖ ἐν τῷ περὶ Πινδάρου, ὅταν ἡ πόλισ εὔχηται περὶ μεγάλων τῇ Ἀφροδίτῃ, συμπαραλαμβάνεσθαι πρὸσ τὴν ἱκετείαν τὰσ ἑταίρασ ὡσ πλείστασ, καὶ ταύτασ προσεύχεσθαι τῇ θεῷ καὶ ὕστερον ἐπὶ τοῖσ ἱεροῖσ παρεῖναι. καὶ ὅτε δὴ ἐπὶ τὴν Ἑλλάδα τὴν στρατείαν ἦγεν ὁ Πέρσησ, ὡσ καὶ Θεόπομποσ ἱστορεῖ καὶ Τίμαιοσ ἐν τῇ ἑβδόμῃ, αἱ Κορίνθιαι ἑταῖραι εὔξαντο ὑπὲρ τῆσ τῶν Ἑλλήνων σωτηρίασ εἰσ τὸν τῆσ Ἀφροδίτησ ἐλθοῦσαι νεών. διὸ καὶ Σιμωνίδησ ἀναθέντων τῶν Κορινθίων πίνακα τῇ θεῷ τὸν ἔτι καὶ νῦν διαμένοντα καὶ τὰσ ἑταίρασ ἰδίᾳ γραψάντων τὰσ τότε ποιησαμένασ τὴν ἱκετείαν καὶ ὕστερον παρούσασ ἐπὶ τοῖσ ἱεροῖσ συνέθηκε τόδε τὸ ἐπίγραμμα· αἵδ’ ὑπὲρ Ἑλλήνων τε καὶ εὐθυμάχων πολιητᾶν ἔσταθεν εὔχεσθαι Κύπριδι δαιμονίᾳ·

οὐ γὰρ τοξοφόροισιν ἐμήσατο δῖ’ Ἀφροδίτα Πέρσαισ Ἑλλάνων ἀκρόπολιν προδόμεν.