Athenaeus, The Deipnosophists, Book 13, book 13, chapter 10

(아테나이오스, The Deipnosophists, Book 13, book 13, chapter 10)

οὐδένα δὲ ὑμῶν ἀγνοεῖν οἰόμαι, ἄνδρεσ φίλοι, ὅτι καὶ οἱ μέγιστοι πόλεμοι διὰ γυναῖκασ ἐγένοντο. ὁ Ἰλιακὸσ δι’ Ἑλένην, ὁ λοιμὸσ διὰ Χρυσηίδα, Ἀχιλλέωσ μῆνισ διὰ Βρισηίδα· καὶ ὁ ἱερὸσ δὲ καλούμενοσ πόλεμοσ δι’ ἑτέραν γαμετήν, φησὶν Δοῦρισ ἐν δευτέρᾳ Ἰστοριῶν, Θηβαίαν γένοσ, ὄνομα Θεανώ, ἁρπασθεῖσαν ὑπὸ Φωκέωσ τινόσ, δεκαετὴσ δὲ καὶ οὗτοσ γενόμενοσ τῷ δεκάτῳ ἔτει Φιλίππου συμμαχήσαντοσ πέρασ ἔσχεν τότε γὰρ εἷλον οἱ Θηβαῖοι τὴν Φωκίδα, καὶ ὁ Κρισαικὸσ δὲ πόλεμοσ ὀνομαζόμενοσ, ὥσ φησι Καλλισθένησ ἐν τῷ περὶ τοῦ Ιἑροῦ Πολέμου, ὅτε Κιρραῖοι πρὸσ Φωκεῖσ ἐπολέμησαν, δεκαέτησ ἦν, ἁρπασάντων Κιρραίων τὴν Πελάγοντοσ τοῦ Φωκέωσ θυγατέρα Μεγιστὼ καὶ τὰσ Ἀργείων θυγατέρασ ἐπανιούσασ ἐκ τοῦ Πυθικοῦ ἱεροῦ, δεκάτῳ δὲ ἔτει ἑάλω καὶ ἡ Κίρρα, ἀνετράπησαν δὲ καὶ ὅλοι οἶκοι διὰ γυναῖκασ·

일치하는 문장이 없습니다.

SEARCH

MENU NAVIGATION