헬라어 텍스트

Athenaeus, The Deipnosophists, Book 13, book 13, chapter 8

(아테나이오스, The Deipnosophists, Book 13, book 13, chapter 8)

Εὔβουλοσ δ’ ἐν Χρυσίλλᾳ ` κακὸσ κακῶσ ἀπόλοιθ’ ὅστισ γυναῖκα δεύτεροσ ἔγημε· τὸν γὰρ πρῶτον οὐκ ἐρῶ κακῶσ, ὁ μὲν γὰρ ἦν ἄπειροσ, οἶμαι, τοῦ κακοῦ, ὁ δ’ οἱο͂ν ἦν γυνὴ κακὸν πεπυσμένοσ. καὶ προελθών φησιν ὦ Ζεῦ πολυτίμητ’, εἶτ’ ἐγὼ κακῶσ ποτε· ἐρῶ γυναῖκασ;

νὴ Δί’ ἀπολοίμην ἄρα, πάντων ἄριστον κτημάτων, εἰ δ’ ἐγένετο κακὴ γυνὴ Μήδεια, Πηνελόπη δὲ γε μέγα πρᾶγμ’. ἐρεῖ τισ ὡσ Κλυταιμνήστρα κακὴ Ἄλκηστιν ἀντέθηκα χρηστήν. ἀλλ’ ἴσωσ Φαίδραν ἐρεῖ κακῶσ τισ· ἀλλὰ νὴ Δία χρηστή τισ ἦν μέντοι ‐ τίσ; οἴμοι δείλαιοσ, ταχέωσ γέ μ’ αἱ χρησταὶ γυναῖκεσ ἐπέλιπον, τῶν δ’ αὖ πονηρῶν ἔτι λέγειν πολλὰσ ἔχω. Ἀριστοφῶν δ’ ἐν Καλλωνίδῃ· κακὸσ κακῶσ ἀπόλοιθ’ ὁ γήμασ δεύτεροσ θνητῶν, ὁ μὲν γὰρ πρῶτοσ οὐδὲν ἠδίκει·

οὔπω γὰρ εἰδὼσ οὗτοσ οἱο͂ν ἦν κακὸν ἐλάμβανεν γυναῖχ’ ὁ δ’ ὕστερον λαβὼν εἰσ προὖπτον εἰδὼσ αὑτὸν ἐνέβαλεν κακόν. καὶ Ἀντιφάνησ ἐν Φιλοπάτορι· γεγάμηκε δήπου. β. τί σὺ λέγεισ; ἀληθινῶσ γεγάμηκεν, ὃν ἐγὼ ζῶντα περιπατοῦντά τε κατέλιπον; Μένανδροσ δ’ ἐν Ἀρρηφόρῳ ἢ Αὐλητρίδι· οὐ γαμεῖσ, ἂν νοῦν ἔχῃσ, τοῦτον καταλείπων τὸν βίον.

γεγάμηκα γὰρ αὐτόσ· · διὰ τοῦτό σοι παραινῶ μὴ γαμεῖν. β. δεδογμένον τὸ πρᾶγμ’ ἀνερρίφθω κύβοσ. α. πέραινε, σωθείησ δέ· νῦν ἀληθινὸν εἰσ πέλαγοσ αὑτὸν ἐμβαλεῖσ γὰρ πραγμάτων, οὐ Λιβυκὸν οὐδ’ Αἰγαῖον, οὗ τῶν τριάκοντ’ οὐκ ἀπόλλυται τρία πλοιάρια· γήμασ δ’ οὐδὲ εἷσ σέσωσθ’ ὅλωσ. ἐν δὲ Ἐμπιμπραμένῃ · ἐξώλησ ἀπόλοιθ’ ὅστισ ποτὲ ὁ πρῶτοσ ἦν γήμασ, ἔπειθ’ ὁ δεύτεροσ, εἶθ’ ὁ τρίτοσ, εἶθ’ ὁ τέταρτοσ, εἶθ’ ὁ Μεταγένησ. φησὶν ὦ Ζεῦ, τί χρὴ γυναῖκασ ἐξειπεῖν κακόν;