헬라어 텍스트

Athenaeus, The Deipnosophists, Book 13, book 13, chapter 70

(아테나이오스, The Deipnosophists, Book 13, book 13, chapter 70)

καὶ ἡ ἐξ Ἐρέσου δὲ τῆσ ποιητρίασ ὁμώνυμοσ ἑταίρα Σαπφὼ τοῦ καλοῦ Φάωνοσ ἐρασθεῖσα περιβόητοσ ἦν, ὥσ φησι Νυμφόδωροσ ἐν Περίπλῳ Ἀσίασ. Νικαρέτη δὲ ἡ Μεγαρὶσ οὐκ ἀγεννὴσ ἦν ἑταίρα, ἀλλὰ καὶ γονέων ἕνεκα καὶ κατὰ παιδείαν ἐπέραστοσ ἦν, ἠκροᾶτο δὲ Στίλπωνοσ τοῦ φιλοσόφου. Βιλιστίχη δ’ ἡ Ἀργεία ἑταίρα καὶ αὐτὴ ἔνδοξοσ, τὸ γένοσ ἀπὸ τῶν Ἀτρειδῶν σῴζουσα, ὡσ οἱ τὰ Ἀργολικὰ γράψαντεσ ἱστοροῦσιν. ἔνδοξοσ δ’ ἐστὶν καὶ Λέαινα ἡ ἑταίρα, Ἁρμοδίου ἐρωμένη τοῦ τυραννοκτονήσαντοσ·

· ἥτισ καὶ αἰκιζομένη ὑπὸ τῶν περὶ Ἱππίαν τὸν τύραννον οὐδὲν ἐξειποῦσα ἐναπέθανεν ταῖσ βασάνοισ. Στρατοκλῆσ δ’ ὁ ῥήτωρ ἐρωμένην εἶχε τὴν ἐπικληθεῖσαν Λήμην ἑταίραν, τὴν καλουμένην Παρόραμα καὶ Δίδραχμον διὰ τὸ καὶ δύο δραχμῶν φοιτᾶν πρὸσ τὸν βουλόμενον, ὥσ φησι Γοργίασ ἐν τῷ περὶ Ἑταιρῶν. ἐπὶ τούτοισ ὁ Μυρτίλοσ μέλλων σιωπᾶν "ἀλλὰ μικροῦ, ἔφη, ἄνδρεσ φίλοι, ἐξελαθόμην ὑμῖν εἰπεῖν τήν τε Ἀντιμάχου Λυδήν, προσέτι δὲ καὶ τὴν ὁμώνυμον ταύτησ ἑταίραν Λυδὴν ἣν ἠγάπα Λαμύνθιοσ ὁ Μιλήσιοσ. ἑκάτεροσ γὰρ τούτων τῶν ποιητῶν, ὥσ φησι Κλέαρχοσ ἐν τοῖσ Ἐρωτικοῖσ, τῆσ βαρβάρου Λυδῆσ εἰσ ἐπιθυμίαν καταστὰσ ἐποίησεν ὁ μὲν ἐν ἐλεγείοισ, ὁ δ’ ἐν μέλει τὸ καλούμενον ποίημα Λυδήν.

παρέλιπον δὲ καὶ τὴν Μιμνέρμου αὐλητρίδα Ναννὼ καὶ τὴν Ἑρμησιάνακτοσ τοῦ Κολοφωνίου Λεόντιον·