호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Ξέρξησ ἁμιλλώμενοσ πρὸσ τὴν τῶν Καρχηδονίων σπουδήν, ὑπερεβάλετο πάσαισ ταῖσ παρασκευαῖσ τοσοῦτον ὅσον καὶ τῷ πλήθει τῶν ἐθνῶν ὑπερεῖχε Καρχηδονίων. ἤρξατο δὲ ναυπηγεῖσθαι κατὰ πᾶσαν τὴν παραθαλάττιον τὴν ὑπ’ αὐτὸν ταττομένην, Αἴγυπτόν τε καὶ Φοινίκην καὶ Κύπρον, πρὸσ δὲ τούτοισ Κιλικίαν καὶ Παμφυλίαν καὶ Πισιδικήν, ἔτι δὲ Λυκίαν καὶ Καρίαν καὶ Μυσίαν καὶ Τρῳάδα καὶ τὰσ ἐφ’ Ἑλλησπόντῳ πόλεισ καὶ τὴν Βιθυνίαν καὶ τὸν Πόντον. ὁμοίωσ δὲ τοῖσ Καρχηδονίοισ τριετῆ χρόνον παρασκευασάμενοσ κατεσκεύασε ναῦσ μακρὰσ πλείουσ τῶν χιλίων καὶ διακοσίων.
호흡부호 보기
강세부호 보기
장단부호 보기
작은 Iota 보기
모든 부호 보기