헬라어 문장 검색 - Διοδορ́Λιβραρψ́4́22́

(디오도로스 시켈로스, Library, book xi, chapter 34)

ἐγένετο δὲ καὶ κατὰ τὴν Ιὠνίαν τοῖσ Ἕλλησι μεγάλη μάχη πρὸσ Πέρσασ κατὰ τὴν αὐτὴν ἡμέραν τῇ περὶ τὰσ Πλαταιὰσ συντελεσθείσῃ, περὶ ἧσ μέλλοντεσ γράφειν ἀναληψόμεθα τὴν ἀπ’ ἀρχῆσ διήγησιν. Λεωτυχίδησ γὰρ ὁ Λακεδαιμόνιοσ καὶ Ξάνθιπποσ ὁ Ἀθηναῖοσ ἡγούμενοι τῆσ ναυτικῆσ δυνάμεωσ, καὶ τὸν στόλον ἐκ τῆσ περὶ Σαλαμῖνα ναυμαχίασ ἀθροίσαντεσ εἰσ Αἴγιναν, ἐν ταύτῃ διατρίψαντεσ ἡμέρασ τινὰσ ἔπλευσαν εἰσ Δῆλον, ἔχοντεσ τριήρεισ διακοσίασ καὶ πεντήκοντα.

ἐνταῦθα δ’ αὐτῶν ὁρμούντων ἧκον ἐκ Σάμου πρέσβεισ ἀξιοῦντεσ ἐλευθερῶσαι τοὺσ κατὰ τὴν Ἀσίαν Ἕλληνασ. οἱ δὲ περὶ τὸν Λεωτυχίδην συνεδρεύσαντεσ μετὰ τῶν ἡγεμόνων καὶ διακούσαντεσ τῶν Σαμίων ἔκριναν ἐλευθεροῦν τὰσ πόλεισ, καὶ κατὰ τάχοσ ἐξέπλευσαν ἐκ Δήλου.

οἱ δὲ τῶν Περσῶν ναύαρχοι διατρίβοντεσ ἐν τῇ Σάμῳ, πυθόμενοι τὸν τῶν Ἑλλήνων ἐπίπλουν, ἀνήχθησαν ἐκ τῆσ Σάμου πάσαισ ταῖσ ναυσί, καὶ κατάραντεσ εἰσ Μυκάλην τῆσ Ιὠνίασ τὰσ μὲν ναῦσ ἐνεώλκησαν, ὁρῶντεσ οὐκ ἀξιοχρέουσ οὔσασ ναυμαχεῖν, καὶ ξυλίνῳ τείχει καὶ τάφρῳ βαθείᾳ περιέλαβον αὐτάσ· οὐδὲν δὲ ἧττον καὶ δυνάμεισ πεζὰσ μετεπέμποντο ἐκ τῶν Σάρδεων καὶ τῶν σύνεγγυσ πόλεων, καὶ συνήγαγον τοὺσ ἅπαντασ εἰσ δέκα μυριάδασ· ἐποιοῦντο δὲ καὶ τῶν ἄλλων ἁπάντων τῶν εἰσ πόλεμον χρησίμων παρασκευάσ, νομίζοντεσ καὶ τοὺσ Ιὤνασ ἀποστήσεσθαι πρὸσ τοὺσ πολεμίουσ. οἱ δὲ περὶ τὸν Λεωτυχίδην παντὶ τῷ στόλῳ κεκοσμημένῳ προσπλεύσαντεσ τοῖσ ἐν τῇ Μυκάλῃ βαρβάροισ, ναῦν προαπέστειλαν ἔχουσαν κήρυκα τὸν μεγαλοφωνότατον τῶν ἐν τῷ στρατοπέδῳ.

τῷ δὲ προσετέτακτο προσπλεῦσαι τοῖσ πολεμίοισ, καὶ μεγάλῃ τῇ φωνῇ κηρύξαι, διότι οἱ Ἕλληνεσ νενικηκότεσ τοὺσ Πέρσασ πάρεισι νῦν ἐλευθερώσοντεσ τὰσ κατὰ τὴν Ἀσίαν Ἑλληνίδασ πόλεισ. τοῦτο δ’ ἐποίησαν οἱ περὶ τὸν Λεωτυχίδην νομίζοντεσ τοὺσ συστρατεύοντασ τοῖσ βαρβάροισ Ἕλληνασ ἀποστήσειν Περσῶν καὶ ταραχὴν ἔσεσθαι πολλὴν ἐν τῇ τῶν βαρβάρων στρατοπεδείᾳ·

ὅπερ καὶ συνέβη γενέσθαι. τοῦ γὰρ κήρυκοσ προσπλεύσαντοσ ταῖσ νενεωλκημέναισ ναυσὶ καὶ κηρύξαντοσ τὰ προστεταγμένα, συνέβη τοὺσ μὲν Πέρσασ ἀπιστῆσαι τοῖσ Ἕλλησι, τοὺσ δ’ Ἕλληνασ ἀλλήλοισ συντίθεσθαι περὶ ἀποστάσεωσ. οἱ δ’ Ἕλληνεσ κατασκεψάμενοι τὰ κατ’ αὐτοὺσ ἀπεβίβασαν τὴν δύναμιν.

τῇ δ’ ὑστεραίᾳ παρασκευαζομένων αὐτῶν τὰ πρὸσ τὴν παράταξιν, προσέπεσε φήμη ὅτι νενικήκασιν οἱ Ἕλληνεσ τοὺσ Πέρσασ κατὰ τὰσ Πλαταιάσ. διόπερ οἱ μὲν περὶ Λεωτυχίδην ἀθροίσαντεσ ἐκκλησίαν, τὰ πλήθη παρεκάλεσαν εἰσ τὴν μάχην, τά τε ἄλλα προφερόμενοι καὶ τὴν ἐν Πλαταιαῖσ νίκην τραγῳδοῦντεσ, δι’ ἣν ὑπελάμβανον θρασυτέρουσ ποιήσειν τοὺσ μέλλοντασ ἀγωνίζεσθαι.

θαυμαστὸν δὲ ἐγένετο τὸ ἀποτέλεσμα· κατὰ γὰρ τὴν αὐτὴν ἡμέραν ἐφάνησαν αἱ παρατάξεισ γεγενημέναι, ἥ τε πρὸσ τῇ Μυκάλῃ συντελεσθεῖσα καὶ ἡ κατὰ τὰσ Πλαταιὰσ γενομένη. διόπερ ἔδοξαν οἱ περὶ τὸν Λεωτυχίδην οὔπω μὲν πεπυσμένοι περὶ τῆσ νίκησ, ἀφ’ ἑαυτῶν δὲ πλάττοντεσ τὴν εὐημερίαν, στρατηγήματοσ ἕνεκεν τοῦτο πεποιηκέναι·

τὸ γὰρ μέγεθοσ τοῦ διαστήματοσ ἤλεγχεν ἀδύνατον οὖσαν τὴν προσαγγελίαν. οἱ δὲ τῶν Περσῶν ἡγεμόνεσ, ἀπίστωσ ἔχοντεσ τοῖσ Ἕλλησι, τούτουσ μὲν ἀφώπλισαν, τὰ δὲ ὅπλα τοῖσ ἑαυτῶν φίλοισ παρέδωκαν·

παρακαλέσαντεσ δὲ τὰ πλήθη, καὶ τὸν Ξέρξην αὐτὸν μετὰ πολλῆσ δυνάμεωσ εἰπόντεσ ἥξειν βοηθόν, ἐποίησαν ἅπαντασ εὐθαρσεῖσ πρὸσ τὸν κίνδυνον. ἀμφοτέρων δὲ αὐτῶν ἐκταξάντων τὴν στρατιὰν καὶ προσαγόντων ἐπ’ ἀλλήλουσ, οἱ μὲν Πέρσαι τοὺσ πολεμίουσ ὁρῶντεσ ὀλίγουσ ὄντασ κατεφρόνησαν αὐτῶν καὶ μετὰ πολλῆσ κραυγῆσ ἐπεφέροντο·

τῶν δὲ Σαμίων καὶ Μιλησίων πανδημεὶ προελομένων βοηθῆσαι τοῖσ Ἕλλησι καὶ μετ’ ἀλλήλων κοινῇ προσαγόντων κατὰ σπουδήν, ὡσ προϊόντεσ εἰσ ὄψιν ἦλθον τοῖσ Ἕλλησιν, οἱ μὲν Ιὤνεσ ἐνόμιζον εὐθαρσεστέρουσ ἔσεσθαι τοὺσ Ἕλληνασ, ἀπέβη δὲ τοὐναντίον.

δόξαντεσ γὰρ οἱ περὶ τὸν Λεωτυχίδην τὸν Ξέρξην ἐκ τῶν Σάρδεων ἐπιέναι μετὰ τῆσ δυνάμεωσ, ἐφοβήθησαν, καὶ ταραχῆσ γενομένησ ἐν τῷ στρατοπέδῳ διεφέροντο πρὸσ ἀλλήλουσ·

οἱ μὲν γὰρ ἔφασαν τὴν ταχίστην δεῖν εἰσ τὰσ ναῦσ ἀπιέναι, οἱ δὲ μένειν καὶ τεθαρρηκότωσ παρατάξασθαι. ἔτι δ’ αὐτοῖσ τεθορυβημένοισ ἐπεφάνησαν οἱ Πέρσαι διεσκευασμένοι καταπληκτικῶσ καὶ μετὰ βοῆσ ἐπιφερόμενοι. οἱ δ’ Ἕλληνεσ οὐδεμίαν ἀνοχὴν ἔχοντεσ τοῦ βουλεύσασθαι, συνηναγκάσθησαν ὑπομεῖναι τὴν ἔφοδον τῶν βαρβάρων.

καὶ τὸ μὲν πρῶτον ἀμφοτέρων ἀγωνιζομένων εὐρώστωσ ἰσόρροποσ ἦν ἡ μάχη καὶ συχνοὶ παρ’ ἀμφοτέροισ ἔπιπτον· τῶν δὲ Σαμίων καὶ τῶν Μιλησίων ἐπιφανέντων οἱ μὲν Ἕλληνεσ ἐπερρώσθησαν, οἱ βάρβαροι δὲ καταπλαγέντεσ πρὸσ φυγὴν ὡρ́μησαν. πολλοῦ δὲ γενομένου φόνου, οἱ μὲν περὶ τὸν Λεωτυχίδην καὶ Ξάνθιππον ἐπικείμενοι τοῖσ ἡττημένοισ κατεδίωξαν τοὺσ βαρβάρουσ μέχρι τῆσ παρεμβολῆσ, συνεπελάβοντο δὲ τῆσ μάχησ ἤδη κεκριμένησ Αἰολεῖσ καὶ τῶν ἄλλων πολλοὶ τῶν κατὰ τὴν Ἀσίαν·

δεινὴ γάρ τισ ἐνέπεσεν ἐπιθυμία ταῖσ κατὰ τὴν Ἀσίαν πόλεσι τῆσ ἐλευθερίασ. διόπερ σχεδὸν ἅπαντεσ οὔθ’ ὁμήρων οὔτε ὁρ́κων ἐποιήσαντο φροντίδα, ἀλλὰ μετὰ τῶν ἄλλων Ἑλλήνων ἀπέκτειναν ἐν τῇ φυγῇ τοὺσ βαρβάρουσ.

τοῦτον δὲ τὸν τρόπον ἡττηθέντων τῶν Περσῶν, ἀνῃρέθησαν αὐτῶν πλείουσ τῶν τετρακισμυρίων· τῶν δὲ διασωθέντων οἱ μὲν εἰσ τὴν στρατοπεδείαν διέφυγον, οἱ δὲ εἰσ Σάρδεισ ἀπεχώρησαν. Ξέρξησ δὲ πυθόμενοσ τήν τε περὶ τὰσ Πλαταιὰσ ἧτταν καὶ τὴν ἐν τῇ Μυκάλῃ τροπὴν τῶν ἰδίων, μέροσ μὲν τῆσ δυνάμεωσ ἀπέλιπεν ἐν Σάρδεσιν, ὅπωσ διαπολεμῇ πρὸσ τοὺσ Ἕλληνασ, αὐτὸσ δὲ τεθορυβημένοσ μετὰ τῆσ λοιπῆσ στρατιᾶσ προῆγεν, ἐπ’ Ἐκβατάνων ποιούμενοσ τὴν πορείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 34

(디오도로스 시켈로스, Library, book xi, chapter 34)

상위

목록

SEARCH

MENU NAVIGATION