헬라어 문장 검색 - Διοδορ́Λιβραρψ́4́43́

(디오도로스 시켈로스, Library, book xi, chapter 70)

ἐπ’ ἄρχοντοσ δ’ Ἀθήνησιν Ἀρχεδημίδου Ῥωμαῖοι μὲν κατέστησαν ὑπάτουσ Αὖλον Οὐεργίνιον καὶ Τίτον Μινούκιον, Ὀλυμπιὰσ δ’ ἤχθη ἑβδομηκοστὴ καὶ ἐνάτη, καθ’ ἣν ἐνίκα στάδιον Ξενοφῶν Κορίνθιοσ. ἐπὶ δὲ τούτων ἀποστάντεσ Θάσιοι ἀπὸ Ἀθηναίων, μετάλλων ἀμφισβητοῦντεσ, ἐκπολιορκηθέντεσ ὑπὸ τῶν Ἀθηναίων ἠναγκάσθησαν πάλιν ὑπ’ ἐκείνουσ τάττεσθαι. ὁμοίωσ δὲ καὶ Αἰγινήτασ ἀποστάντασ Ἀθηναῖοι χειρωσόμενοι τὴν Αἴγιναν πολιορκεῖν ἐπεχείρησαν·

αὕτη γὰρ ἡ πόλισ τοῖσ κατὰ θάλατταν ἀγῶσι πολλάκισ εὐημεροῦσα φρονήματόσ τε πλήρησ ἦν καὶ χρημάτων καὶ τριήρων εὐπορεῖτο, καὶ τὸ σύνολον ἀλλοτρίωσ ἀεὶ διέκειτο πρὸσ Ἀθηναίουσ. διόπερ στρατεύσαντεσ ἐπ’ αὐτὴν τὴν χώραν ἐδῄωσαν, καὶ τὴν Αἴγιναν πολιορκοῦντεσ ἔσπευδον ἑλεῖν κατὰ κράτοσ.

καθόλου γὰρ ἐπὶ πολὺ τῇ δυνάμει προκόπτοντεσ οὐκέτι τοῖσ συμμάχοισ ὥσπερ πρότερον ἐπιεικῶσ ἐχρῶντο, ἀλλὰ βιαίωσ καὶ ὑπερηφάνωσ ἦρχον. διόπερ οἱ πολλοὶ τῶν συμμάχων τὴν βαρύτητα φέρειν ἀδυνατοῦντεσ ἀλλήλοισ διελέγοντο περὶ ἀποστάσεωσ, καί τινεσ τοῦ κοινοῦ συνεδρίου καταφρονήσαντεσ κατ’ ἰδίαν ἐτάττοντο.

ἅμα δὲ τούτοισ πραττομένοισ Ἀθηναῖοι θαλαττοκρατοῦντεσ εἰσ Ἀμφίπολιν ἐξέπεμψαν οἰκήτορασ μυρίουσ, οὓσ μὲν ἐκ τῶν πολιτῶν, οὓσ δ’ ἐκ τῶν συμμάχων καταλέξαντεσ, καὶ τὴν χώραν κατακληρουχήσαντεσ μέχρι μέν τινοσ ἐκράτουν τῶν Θρᾳκῶν, ὕστερον δὲ αὐτῶν ἀναβάντων εἰσ Θρᾴκην συνέβη πάντασ τοὺσ εἰσβαλόντασ εἰσ τὴν χώραν τῶν Θρᾳκῶν ὑπὸ τῶν Ἠδωνῶν καλουμένων διαφθαρῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 70

(디오도로스 시켈로스, Library, book xi, chapter 70)

상위

목록

SEARCH

MENU NAVIGATION