헬라어 문장 검색 - Διοδορ́Λιβραρψ́4́28́

(디오도로스 시켈로스, Library, book xi, chapter 46)

ἡμεῖσ δὲ παρ’ ὅλην τὴν ἱστορίαν εἰωθότεσ τῶν ἀγαθῶν ἀνδρῶν διὰ τῶν ἐπιλεγομένων ἐπαίνων αὔξειν τὴν δόξαν, τοῖσ δὲ φαύλοισ ἐπὶ τῆσ τελευτῆσ ἐπιφθέγγεσθαι τὰσ ἁρμοζούσασ βλασφημίασ, οὐκ ἐάσομεν τὴν Παυσανίου κακίαν καὶ προδοσίαν ἀκατηγόρητον. τίσ γὰρ οὐκ ἂν θαυμάσαι τούτου τὴν ἄνοιαν, ὃσ εὐεργέτησ γενόμενοσ τῆσ Ἑλλάδοσ καὶ νικήσασ τὴν ἐν Πλαταιαῖσ μάχην καὶ πολλὰσ ἄλλασ ἐπαινουμένασ πράξεισ ἐπιτελεσάμενοσ, οὐχ ὅπωσ τὸ παρὸν ἀξίωμα διεφύλαξεν, ἀλλ’ ἀγαπήσασ τῶν Περσῶν τὸν πλοῦτον καὶ τὴν τρυφήν, ἅπασαν τὴν προϋπάρχουσαν εὐδοξίαν κατῄσχυνεν;

ἐπαρθεὶσ γὰρ ταῖσ εὐτυχίαισ τὴν μὲν Λακωνικὴν ἀγωγὴν ἐστύγησε, τὴν δὲ τῶν Περσῶν ἀκολασίαν καὶ τρυφὴν ἐμιμήσατο, ὃν ἥκιστα ἐχρῆν ζηλῶσαι τὰ τῶν βαρβάρων ἐπιτηδεύματα·

οὐ γὰρ ἑτέρων πεπυσμένοσ, ἀλλ’ αὐτὸσ ἔργῳ πεῖραν εἰληφὼσ ἐγίνωσκε πόσῳ τῆσ τῶν Περσῶν τρυφῆσ ἡ πάτριοσ δίαιτα πρὸσ ἀρετὴν διέφερεν. ἀλλὰ γὰρ αὐτὸσ μὲν διὰ τὴν ἰδίαν κακίαν οὐ μόνον τῆσ ἀξίασ ἔτυχε τιμωρίασ, ἀλλὰ καὶ τοῖσ πολίταισ αἴτιοσ κατέστη τοῦ τὴν κατὰ θάλατταν ἡγεμονίαν ἀποβαλεῖν·

ἐκ παραθέσεωσ γὰρ ἡ Ἀριστείδου στρατηγία παρὰ τοῖσ συμμάχοισ θεωρουμένη, καὶ διὰ τὴν εἰσ τοὺσ ὑποτεταγμένουσ ὁμιλίαν καὶ τὰσ ἄλλασ ἀρετάσ, ἐποίησε πάντασ ὥσπερ ἀπὸ μιᾶσ ὁρμῆσ ἀποκλῖναι πρὸσ τοὺσ Ἀθηναίουσ. διὸ καὶ τοῖσ μὲν ἐκ τῆσ Σπάρτησ πεμπομένοισ ἡγεμόσιν οὐκέτι προσεῖχον, Ἀριστείδην δὲ θαυμάζοντεσ καὶ πάντα προθύμωσ ὑπακούοντεσ ἐποίησαν χωρὶσ κινδύνου παραλαβεῖν τὴν κατὰ θάλατταν ἀρχήν.

εὐθὺσ οὖν ὁ μὲν Ἀριστείδησ συνεβούλευε τοῖσ συμμάχοισ ἅπασι κοινὴν ἄγουσι σύνοδον ἀποδεῖξαι τὴν Δῆλον κοινὸν ταμιεῖον, καὶ τὰ χρήματα πάντα τὰ συναγόμενα εἰσ ταύτην κατατίθεσθαι, πρὸσ δὲ τὸν ἀπὸ τῶν Περσῶν ὑποπτευόμενον πόλεμον τάξαι φόρον ταῖσ πόλεσι πάσαισ κατὰ δύναμιν, ὥστε γίνεσθαι τὸ πᾶν ἄθροισμα ταλάντων πεντακοσίων καὶ ἑξήκοντα.

ταχθεὶσ δὲ ἐπὶ τὴν διάταξιν τῶν φόρων, οὕτωσ ἀκριβῶσ καὶ δικαίωσ τὸν διαμερισμὸν ἐποίησεν ὥστε πάσασ τὰσ πόλεισ εὐδοκῆσαι.

διὸ καὶ δοκῶν ἕν τι τῶν ἀδυνάτων ἔργων συντετελεκέναι, μεγίστην ἐπὶ δικαιοσύνῃ δόξαν ἐκτήσατο καὶ διὰ τὴν ὑπερβολὴν τῆσ δικαιοσύνησ δίκαιοσ ἐπωνομάσθη. ὑφ’ ἕνα δὲ καὶ τὸν αὐτὸν καιρὸν ἡ μὲν τοῦ Παυσανίου κακία τῆσ κατὰ θάλατταν ἡγεμονίασ ἐστέρησε τοὺσ πολίτασ, ἡ Ἀριστείδου δὲ κατὰ πᾶν ἀρετὴ τὰσ Ἀθήνασ τὴν οὐκ οὖσαν στρατηγίαν ἐποίησε κτήσασθαι.

ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 46

(디오도로스 시켈로스, Library, book xi, chapter 46)

상위

목록

SEARCH

MENU NAVIGATION