헬라어 문장 검색 - Διοδορ́Λιβραρψ́4́49́

(디오도로스 시켈로스, Library, book xi, chapter 89)

ἐπεὶ δὲ περὶ τῶν θεῶν τούτων ἐμνήσθημεν, οὐκ ἄξιόν ἐστι παραλιπεῖν τὴν περὶ τὸ ἱερὸν ἀρχαιότητά τε καὶ τὴν ἀπιστίαν καὶ τὸ σύνολον τὸ περὶ τοὺσ ὀνομαζομένουσ κρατῆρασ ἰδίωμα. μυθολογοῦσι γὰρ τὸ τέμενοσ τοῦτο διαφέρειν τῶν ἄλλων ἀρχαιότητι καὶ σεβασμῷ, πολλῶν ἐν αὐτῷ παραδόξων παραδεδομένων. πρῶτον μὲν γὰρ κρατῆρέσ εἰσι τῷ μεγέθει μὲν οὐ κατὰ πᾶν μεγάλοι, πηγὰσ δ’ ἐξαισίουσ ἀναβάλλοντεσ ἐξ ἀμυθήτου τε βυθοῦ καὶ παραπλήσιον ἔχοντεσ τὴν φύσιν τοῖσ λέβησι τοῖσ ὑπὸ πυρὸσ πολλοῦ καομένοισ καὶ τὸ ὕδωρ διάπυρον ἀναβάλλουσιν.

ἔμφασιν μὲν οὖν ἔχει τὸ ἀναβαλλόμενον ὕδωρ ὡσ ὑπάρχει διάπυρον, οὐ μὴν ἀκριβῆ τὴν ἐπίγνωσιν ἔχει διὰ τὸ μηδένα τολμᾶν ἅψασθαι τούτου·

τηλικαύτην γὰρ ἔχει κατάπληξιν ἡ τῶν ὑγρῶν ἀναβολὴ ὥστε δοκεῖν ὑπὸ θείασ τινὸσ ἀνάγκησ γίνεσθαι τὸ συμβαῖνον. τὸ μὲν γὰρ ὕδωρ θείου κατακόρου τὴν ὄσφρησιν ἔχει, τὸ δὲ χάσμα βρόμον πολὺν καὶ φοβερὸν ἐξίησι·

τὸ δὲ τούτων παραδοξότερον, οὔτε ὑπερεκχεῖται τὸ ὑγρὸν οὔτε ἀπολείπει, κίνησιν δὲ καὶ βίαν ῥεύματοσ εἰσ ὕψοσ ἐξαιρομένην ἔχει θαυμάσιον. τοιαύτησ δὲ θεοπρεπείασ οὔσησ περὶ τὸ τέμενοσ, οἱ μέγιστοι τῶν ὁρ́κων ἐνταῦθα συντελοῦνται, καὶ τοῖσ ἐπιορκήσασι συντόμωσ ἡ τοῦ δαιμονίου κόλασισ ἀκολουθεῖ·

τινὲσ γὰρ τῆσ ὁράσεωσ στερηθέντεσ τὴν ἐκ τοῦ τεμένουσ ἄφοδον ποιοῦνται. μεγάλησ δ’ οὔσησ δεισιδαιμονίασ, οἱ τὰσ ἀμφισβητήσεισ ἔχοντεσ, ὅταν ὑπό τινοσ ὑπεροχῆσ κατισχύωνται, τῇ διὰ τῶν ὁρ́κων τούτων ἀνακρίσει κρίνονται.

ἔστι δὲ τοῦτο τὸ τέμενοσ ἔκ τινων χρόνων ἄσυλον τετηρημένον, καὶ τοῖσ ἀτυχοῦσιν οἰκέταισ καὶ κυρίοισ ἀγνώμοσι περιπεπτωκόσι πολλὴν παρέχεται βοήθειαν· τοὺσ γὰρ εἰσ τοῦτο καταφυγόντασ οὐκ ἔχουσιν ἐξουσίαν οἱ δεσπόται βιαίωσ ἀπάγειν, καὶ μέχρι τούτου διαμένουσιν ἀσινεῖσ, μέχρι ἂν ἐπὶ διωρισμένοισ φιλανθρώποισ πείσαντεσ οἱ κύριοι καὶ δόντεσ διὰ τῶν ὁρ́κων τὰσ περὶ τῶν ὁμολογιῶν πίστεισ ἀπαγάγωσι.

καὶ οὐδεὶσ ἱστορεῖται τῶν δεδωκότων τοῖσ οἰκέταισ πίστιν ταύτην παραβάσ·

οὕτω γὰρ ἡ τῶν θεῶν δεισιδαιμονία τοὺσ ὀμόσαντασ πρὸσ τοὺσ δούλουσ πιστοὺσ ποιεῖ. ἔστι δὲ καὶ τὸ τέμενοσ ἐν πεδίῳ θεοπρεπεῖ κείμενον καὶ στοαῖσ καὶ ταῖσ ἄλλαισ καταλύσεσιν ἱκανῶσ κεκοσμημένον. περὶ μὲν οὖν τούτων ἱκανῶσ ἡμῖν εἰρήσθω, πρὸσ δὲ τὴν συνεχῆ τοῖσ προϊστορημένοισ διήγησιν ἐπάνιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 89

(디오도로스 시켈로스, Library, book xi, chapter 89)

상위

목록

SEARCH

MENU NAVIGATION