헬라어 문장 검색 - Διοδορ́Λιβραρψ́4́23́

(디오도로스 시켈로스, Library, book xi, chapter 37)

οἱ δὲ περὶ Λεωτυχίδην καὶ Ξάνθιππον ἀποπλεύσαντεσ εἰσ Σάμον τοὺσ μὲν Ιὤνασ καὶ τοὺσ Αἰολεῖσ συμμάχουσ ἐποιήσαντο, μετὰ δὲ ταῦτα ἔπειθον αὐτοὺσ ἐκλιπόντασ τὴν Ἀσίαν εἰσ τὴν Εὐρώπην μετοικισθῆναι. ἐπηγγέλλοντο δὲ τὰ μηδίσαντα τῶν ἐθνῶν ἀναστήσαντεσ δώσειν ἐκείνοισ τὴν χώραν· καθόλου γὰρ μένοντασ αὐτοὺσ ἐπὶ τῆσ Ἀσίασ τοὺσ μὲν πολεμίουσ ὁμόρουσ ἕξειν, πολὺ ταῖσ δυνάμεσιν ὑπερέχοντασ, τοὺσ δὲ συμμάχουσ ὄντασ διαποντίουσ μὴ δυνήσεσθαι τὰσ βοηθείασ εὐκαίρουσ αὐτοῖσ ποιήσασθαι.

οἱ δὲ Αἰολεῖσ καὶ οἱ Ιὤνεσ ἀκούσαντεσ τῶν ἐπαγγελιῶν ἔγνωσαν πείθεσθαι τοῖσ Ἕλλησι, καὶ παρεσκευάζοντο πλεῖν μετ’ αὐτῶν εἰσ τὴν Εὐρώπην. οἱ δ’ Ἀθηναῖοι μετανοήσαντεσ εἰσ τοὐναντίον πάλιν μένειν συνεβούλευον, λέγοντεσ ὅτι κἂν μηδεὶσ αὐτοῖσ τῶν ἄλλων Ἑλλήνων βοηθῇ, μόνοι Ἀθηναῖοι συγγενεῖσ ὄντεσ βοηθήσουσιν·

ὑπελάμβανον δὲ ὅτι κοινῇ κατοικισθέντεσ ὑπὸ τῶν Ἑλλήνων οἱ Ιὤνεσ οὐκέτι μητρόπολιν ἡγήσονται τὰσ Ἀθήνασ. διόπερ συνέβη μετανοῆσαι τοὺσ Ιὤνασ καὶ κρῖναι μένειν ἐπὶ τῆσ Ἀσίασ. τούτων δὲ πραχθέντων συνέβη τὴν δύναμιν τῶν Ἑλλήνων σχισθῆναι,καὶ τοὺσ μὲν Λακεδαιμονίουσ εἰσ τὴν Λακωνικὴν ἀποπλεῦσαι, τοὺσ δὲ Ἀθηναίουσ μετὰ τῶν Ιὤνων καὶ τῶν νησιωτῶν ἐπὶ Σηστὸν ἀπᾶραι.

Ξάνθιπποσ δὲ ὁ στρατηγὸσ εὐθὺσ ἐκ κατάπλου προσβολὰσ τῇ πόλει ποιησάμενοσ εἷλε Σηστόν, καὶ φρουρὰν ἐγκαταστήσασ τοὺσ μὲν συμμάχουσ ἀπέλυσεν, αὐτὸσ δὲ μετὰ τῶν πολιτῶν ἀνέκαμψεν εἰσ τὰσ Ἀθήνασ.

ὁ μὲν οὖν Μηδικὸσ ὀνομασθεὶσ πόλεμοσ γενόμενοσ διετὴσ τοῦτο ἔσχε τὸ πέρασ.

τῶν δὲ συγγραφέων Ἡρόδοτοσ ἀρξάμενοσ πρὸ τῶν Τρωικῶν χρόνων γέγραφε κοινὰσ σχεδόν τι τὰσ τῆσ οἰκουμένησ πράξεισ ἐν βίβλοισ ἐννέα, καταστρέφει δὲ τὴν σύνταξιν εἰσ τὴν περὶ Μυκάλην μάχην τοῖσ Ἕλλησι πρὸσ τοὺσ Πέρσασ καὶ Σηστοῦ πολιορκίαν. κατὰ δὲ τὴν Ἰταλίαν Ῥωμαῖοι πρὸσ τοὺσ Οὐολούσκουσ πολεμήσαντεσ καὶ μάχῃ νικήσαντεσ πολλοὺσ ἀνεῖλον.

Σπόριοσ δὲ Κάσσιοσ, ὁ κατὰ τὸν προηγούμενον ἐνιαυτὸν ὑπατεύσασ, δόξασ ἐπιθέσθαι τυραννίδι καὶ καταγνωσθείσ, ἀνῃρέθη. ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Τιμοσθένουσ ἐν Ῥώμῃ τὴν ὑπατικὴν ἀρχὴν διεδέξαντο Καίσων Φάβιοσ καὶ Λεύκιοσ Αἰμίλιοσ Μάμερκοσ.

ἐπὶ δὲ τούτων κατὰ τὴν Σικελίαν πολλή τισ εἰρήνη κατεῖχε τὴν νῆσον, τῶν μὲν Καρχηδονίων εἰσ τέλοσ τεταπεινωμένων, τοῦ δὲ Γέλωνοσ ἐπιεικῶσ προεστηκότοσ τῶν Σικελιωτῶν καὶ πολλὴν εὐνομίαν τε καὶ πάντων τῶν ἐπιτηδείων εὐπορίαν παρεχομένου ταῖσ πόλεσι. τῶν δὲ Συρακοσίων τὰσ μὲν πολυτελεῖσ ἐκφορὰσ νόμῳ καταλελυκότων καὶ τὰσ εἰωθυίασ δαπάνασ εἰσ τοὺσ τελευτῶντασ γίνεσθαι περιῃρηκότων, ἐγγεγραμμένων δὲ ἐν τῷ νόμῳ καὶ τῶν παντελῶσ λιτῶν ἐνταφίων, ὁ βασιλεὺσ Γέλων βουλόμενοσ τὴν τοῦ δήμου σπουδὴν ἐν ἅπασι διαφυλάττειν, τὸν περὶ τῆσ ταφῆσ νόμον ἐφ’ ἑαυτοῦ βέβαιον ἐτήρησεν·

ὑπὸ γὰρ ἀρρωστίασ συνεχόμενοσ καὶ τὸ ζῆν ἀπελπίσασ, τὴν μὲν βασιλείαν παρέδωκεν Ιἕρωνι τῷ πρεσβυτάτῳ τῶν ἀδελφῶν, περὶ δὲ τῆσ ἑαυτοῦ ταφῆσ ἐνετείλατο διαστελλόμενοσ ἀκριβῶσ τηρῆσαι τὸ νόμιμον.

διὸ καὶ τελευτήσαντοσ αὐτοῦ τὴν ἐκφορὰν κατὰ τὴν ἐπαγγελίαν αὐτοῦ συνετέλεσεν ὁ διαδεξάμενοσ τὴν βασιλείαν. ἐτάφη δ’ αὐτοῦ τὸ σῶμα κατὰ τὸν ἀγρὸν τῆσ γυναικὸσ ἐν ταῖσ καλουμέναισ Ἐννέα τύρσεσιν, οὔσαισ τῷ βάρει τῶν ἔργων θαυμασταῖσ.

ὁ δὲ ὄχλοσ ἐκ τῆσ πόλεωσ ἅπασ συνηκολούθησεν, ἀπέχοντοσ τοῦ τόπου σταδίουσ διακοσίουσ. ἐνταῦθα δ’ αὐτοῦ ταφέντοσ ὁ μὲν δῆμοσ τάφον ἀξιόλογον ἐπιστήσασ ἡρωικαῖσ τιμαῖσ ἐτίμησε τὸν Γέλωνα, ὕστερον δὲ τὸ μὲν μνῆμα ἀνεῖλον Καρχηδόνιοι στρατεύσαντεσ ἐπὶ Συρακούσασ, τὰσ δὲ τύρσεισ Ἀγαθοκλῆσ κατέβαλε διὰ τὸν φθόνον.

ἀλλ’ ὅμωσ οὔτε Καρχηδόνιοι διὰ τὴν ἔχθραν οὔτε Ἀγαθοκλῆσ διὰ τὴν ἰδίαν κακίαν οὔτε ἄλλοσ οὐδεὶσ ἠδυνήθη τοῦ Γέλωνοσ ἀφελέσθαι τὴν δόξαν· ἡ γὰρ τῆσ ἱστορίασ δικαία μαρτυρία τετήρηκε τὴν περὶ αὐτοῦ φήμην, κηρύττουσα διαπρυσίωσ εἰσ ἅπαντα τὸν αἰῶνα.

δίκαιον γὰρ ἅμα καὶ συμφέρον ἐστὶ τῷ κοινῷ βίῳ διὰ τὴν ἱστορίαν τοὺσ μὲν πονηροὺσ τῶν ἐν ταῖσ ἐξουσίαισ γεγενημένων βλασφημεῖσθαι, τοὺσ δὲ εὐεργετικοὺσ τυγχάνειν ἀθανάτου μνήμησ· οὕτω γὰρ μάλιστα συμβήσεται πολλοὺσ ἐπὶ τὴν κοινὴν εὐεργεσίαν προτρέπεσθαι τῶν μεταγενεστέρων. Γέλων μὲν οὖν ἑπταετῆ χρόνον ἐβασίλευσεν, Ιἕρων δ’ ὁ ἀδελφὸσ αὐτοῦ διαδεξάμενοσ τὴν ἀρχὴν ἐβασίλευσε τῶν Συρακοσίων ἔτη ἕνδεκα καὶ μῆνασ ὀκτώ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 37

(디오도로스 시켈로스, Library, book xi, chapter 37)

상위

목록

SEARCH

MENU NAVIGATION