헬라어 문장 검색 - Διοδορ́Λιβραρψ́4́16́

(디오도로스 시켈로스, Library, book xi, chapter 25)

ὁ δὲ Γέλων μετὰ τὴν νίκην τούσ τε ἱππεῖσ τοὺσ ἀνελόντασ τὸν Ἀμίλκαν δωρεαῖσ ἐτίμησε καὶ τῶν ἄλλων τοὺσ ἠνδραγαθηκότασ ἀριστείοισ ἐκόσμησε. τῶν δὲ λαφύρων τὰ καλλιστεύοντα παρεφύλαξε, βουλόμενοσ τοὺσ ἐν ταῖσ Συρακούσαισ νεὼσ κοσμῆσαι τοῖσ σκύλοισ· τῶν δ’ ἄλλων πολλὰ μὲν ἐν Ἱμέρᾳ προσήλωσε τοῖσ ἐπιφανεστάτοισ τῶν ἱερῶν, τὰ δὲ λοιπὰ μετὰ τῶν αἰχμαλώτων διεμέρισε τοῖσ συμμάχοισ, κατὰ τὸν ἀριθμὸν τῶν συστρατευσάντων τὴν ἀναλογίαν ποιησάμενοσ. αἱ δὲ πόλεισ εἰσ πέδασ κατέστησαν τοὺσ διαιρεθέντασ αἰχμαλώτουσ, καὶ τὰ δημόσια τῶν ἔργων διὰ τούτων ἐπεσκεύαζον.

πλείστουσ δὲ λαβόντεσ Ἀκραγαντῖνοι τήν τε πόλιν αὐτῶν καὶ τὴν χώραν ἐκόσμησαν· τοσοῦτον γὰρ παρ’ αὐτοῖσ τῶν ἡλωκότων ἦν τὸ πλῆθοσ, ὥστε πολλοὺσ τῶν ἰδιωτῶν παρ’ αὐτοῖσ ἔχειν δεσμώτασ πεντακοσίουσ. συνεβάλετο γὰρ αὐτοῖσ πρὸσ τὸ πλῆθοσ τῶν αἰχμαλώτων οὐ μόνον ὅτι πολλοὺσ στρατιώτασ ἀπεσταλκότεσ ἦσαν ἐπὶ τὴν μάχην, ἀλλὰ καὶ διότι γενομένησ τῆσ τροπῆσ πολλοὶ τῶν φευγόντων εἰσ τὴν μεσόγειον ἀνεχώρησαν, μάλιστα δὲ εἰσ τὴν Ἀκραγαντίνων, ὧν ἁπάντων ὑπὸ τῶν Ἀκραγαντίνων ζωγρηθέντων ἔγεμεν ἡ πόλισ τῶν ἑαλωκότων. πλείστων δὲ εἰσ τὸ δημόσιον ἀνενεχθέντων, οὗτοι μὲν τοὺσ λίθουσ ἔτεμνον, ἐξ ὧν οὐ μόνον οἱ μέγιστοι τῶν θεῶν ναοὶ κατεσκευάσθησαν, ἀλλὰ καὶ πρὸσ τὰσ τῶν ὑδάτων ἐκ τῆσ πόλεωσ ἐκροὰσ ὑπόνομοι κατεσκευάσθησαν τηλικοῦτοι τὸ μέγεθοσ, ὥστε ἀξιοθέατον εἶναι τὸ κατασκεύασμα, καίπερ διὰ τὴν εὐτέλειαν καταφρονούμενον.

ἐπιστάτησ δὲ γενόμενοσ τούτων τῶν ἔργων ὁ προσαγορευόμενοσ Φαίαξ διὰ τὴν δόξαν τοῦ κατασκευάσματοσ ἐποίησεν ἀφ’ ἑαυτοῦ κληθῆναι τοὺσ ὑπονόμουσ φαίακασ. κατεσκεύασαν δὲ οἱ Ἀκραγαντῖνοι καὶ κολυμβήθραν πολυτελῆ, τὴν περίμετρον ἔχουσαν σταδίων ἑπτά, τὸ δὲ βάθοσ πηχῶν εἴκοσι.

εἰσ δὲ ταύτην ἐπαγομένων ποταμίων καὶ κρηναίων ὑδάτων ἰχθυοτροφεῖον ἐγένετο, πολλοὺσ παρεχόμενον ἰχθῦσ εἰσ τροφὴν καὶ ἀπόλαυσιν· κύκνων τε πλείστων εἰσ αὐτὴν καταπταμένων συνέβη τὴν πρόσοψιν αὐτῆσ ἐπιτερπῆ γενέσθαι. τὴν δὲ χώραν ἅπασαν ἀγαθὴν οὖσαν ἀμπελόφυτον ἐποίησαν καὶ δένδρεσι παντοίοισ πεπυκνωμένην, ὥστε λαμβάνειν ἐξ αὐτῆσ μεγάλασ προσόδουσ.

Γέλων δὲ τοὺσ συμμάχουσ ἀπολύσασ τοὺσ πολίτασ ἀπήγαγεν εἰσ τὰσ Συρακούσασ, καὶ διὰ τὸ μέγεθοσ τῆσ εὐημερίασ ἀποδοχῆσ ἐτύγχανεν οὐ μόνον παρὰ τοῖσ πολίταισ, ἀλλὰ καὶ καθ’ ὅλην τὴν Σικελίαν·

ἐπήγετο γὰρ αἰχμαλώτων τοσοῦτο πλῆθοσ, ὥστε δοκεῖν ὑπὸ τῆσ νήσου γεγονέναι τὴν Λιβύην ὅλην αἰχμάλωτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 25

(디오도로스 시켈로스, Library, book xi, chapter 25)

상위

목록

SEARCH

MENU NAVIGATION