헬라어 문장 검색 - Διοδορ́Λιβραρψ́4́26́

(디오도로스 시켈로스, Library, book xi, chapter 41)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦν ἄρχων Ἀδείμαντοσ, ἐν Ῥώμῃ δὲ κατεστάθησαν ὕπατοι Μάρκοσ Φάβιοσ Οὐιβλανὸσ καὶ Λεύκιοσ Οὐαλέριοσ Πόπλιοσ. ἐπὶ δὲ τούτων Θεμιστοκλῆσ διὰ τὴν στρατηγίαν καὶ ἀγχίνοιαν ἀποδοχῆσ ἔτυχεν οὐ μόνον παρὰ τοῖσ πολίταισ, ἀλλὰ καὶ παρὰ πᾶσι τοῖσ Ἕλλησι. διὸ καὶ μετεωριζόμενοσ ἐπὶ τῇ δόξῃ πολὺ μείζοσιν ἄλλαισ ἐπιβολαῖσ ἐχρήσατο πρὸσ αὔξησιν ἡγεμονίασ ἀνηκούσαισ τῇ πατρίδι.

τοῦ γὰρ καλουμένου Πειραιῶσ οὐκ ὄντοσ λιμένοσ κατ’ ἐκείνουσ τοὺσ χρόνουσ, ἀλλ’ ἐπινείῳ χρωμένων τῶν Ἀθηναίων τῷ προσαγορευομένῳ Φαληρικῷ, μικρῷ παντελῶσ ὄντι, ἐπενόησε τὸν Πειραιᾶ κατασκευάζειν λιμένα, μικρᾶσ μὲν προσδεόμενον κατασκευῆσ, δυνάμενον δὲ γενέσθαι λιμένα κάλλιστον καὶ μέγιστον τῶν κατὰ τὴν Ἑλλάδα. ἤλπιζεν οὖν τούτου προσγενομένου τοῖσ Ἀθηναίοισ δυνήσεσθαι τὴν πόλιν ἀντιποιήσασθαι τῆσ κατὰ θάλατταν ἡγεμονίασ·

τριήρεισ γὰρ τότε πλείστασ ἐκέκτηντο, καὶ διὰ τὴν συνέχειαν τῶν ναυμαχιῶν ἐμπειρίαν καὶ δόξαν μεγάλην τῶν ναυτικῶν ἀγώνων περιεπεποίηντο. πρὸσ δὲ τούτοισ τοὺσ μὲν Ιὤνασ ὑπελάμβανε διὰ τὴν συγγένειαν ἰδίουσ ἕξειν, τοὺσ δὲ ἄλλουσ τοὺσ κατὰ τὴν Ἀσίαν Ἕλληνασ δι’ ἐκείνουσ ἐλευθερώσειν, ἀποκλινεῖν τε ταῖσ εὐνοίαισ πρὸσ τοὺσ Ἀθηναίουσ διὰ τὴν εὐεργεσίαν, τοὺσ δὲ νησιώτασ ἅπαντασ καταπεπληγμένουσ τὸ μέγεθοσ τῆσ ναυτικῆσ δυνάμεωσ ἑτοίμωσ ταχθήσεσθαι μετὰ τῶν δυναμένων καὶ βλάπτειν καὶ ὠφελεῖν τὰ μέγιστα.

τοὺσ γὰρ Λακεδαιμονίουσ ἑώρα περὶ μὲν τὰσ πεζὰσ δυνάμεισ εὖ κατεσκευασμένουσ, πρὸσ δὲ τοὺσ ἐν ταῖσ ναυσὶν ἀγῶνασ ἀφυεστάτουσ.

ταῦτ’ οὖν διαλογισάμενοσ ἔκρινε φανερῶσ μὲν τὴν ἐπιβολὴν μὴ λέγειν, ἀκριβῶσ γινώσκων τοὺσ Λακεδαιμονίουσ κωλύσοντασ, ἐν ἐκκλησίᾳ δὲ διελέχθη τοῖσ πολίταισ ὅτι μεγάλων πραγμάτων καὶ συμφερόντων τῇ πόλει βούλεται γενέσθαι σύμβουλόσ τε καὶ εἰσηγητήσ, ταῦτα δὲ φανερῶσ μὲν λέγειν μὴ συμφέρειν, δι’ ὀλίγων δὲ ἀνδρῶν ἐπιτελεῖν προσήκειν·

διόπερ ἠξίου τὸν δῆμον δύο ἄνδρασ προχειρισάμενον οἷσ ἂν μάλιστα πιστεύσῃ, τούτοισ ἐπιτρέπειν περὶ τοῦ πράγματοσ. πεισθέντοσ δὲ τοῦ πλήθουσ, ὁ δῆμοσ εἵλετο δύο ἄνδρασ, Ἀριστείδην καὶ Ξάνθιππον, οὐ μόνον κατ’ ἀρετὴν προκρίνασ αὐτούσ, ἀλλὰ καὶ πρὸσ τὸν Θεμιστοκλέα τούτουσ ὁρῶν ἁμιλλωμένουσ περὶ δόξησ καὶ πρωτείων, καὶ διὰ τοῦτο ἀλλοτρίωσ ἔχοντασ πρὸσ αὐτόν.

οὗτοι δὲ κατ’ ἰδίαν ἀκούσαντεσ τοῦ Θεμιστοκλέουσ τὴν ἐπιβολήν, ἐδήλωσαν τῷ δήμῳ διότι καὶ μεγάλα καὶ συμφέροντα τῇ πόλει καὶ δυνατὰ καθέστηκε τὰ λεγόμενα ὑπὸ τοῦ Θεμιστοκλέουσ.

τοῦδὲ δήμου θαυμάσαντοσ ἅμα τὸν ἄνδρα καὶ ὑποπτεύσαντοσ μήποτε τυραννίδα τινὰ κατασκευασόμενοσ ἑαυτῷ τηλικαύταισ καὶ τοιαύταισ ἐπιβολαῖσ ἐγχειρῇ, φανερῶσ αὐτὸν ἐκέλευον ἀποφαίνεσθαι τὰ δεδογμένα.

ὁ δὲ πάλιν ἔφησε μὴ συμφέρειν τῷ δήμῳ φανερῶσ δηλοῦσθαι περὶ τῶν ἐπινοηθέντων. πολλῷ δὲ μᾶλλον θαυμάσαντοσ τοῦ δήμου τὴν δεινότητα καὶ μεγαλοφροσύνην τἀνδρόσ, ἐκέλευον ἐν ἀπορρήτοισ εἰπεῖν τῇ βουλῇ τὰ δεδογμένα·

κἂν αὕτη κρίνῃ τὰ δυνατὰ λέγειν καὶ συμφέροντα, τότε ὡσ ἂν συμβουλεύσῃ πρὸσ τὸ τέλοσ ἄξειν αὐτοῦ τὴν ἐπιβολήν. διόπερ τῆσ βουλῆσ πυθομένησ τὰ κατὰ μέροσ, καὶ κρινάσησ λέγειν αὐτὸν τὰ συμφέροντα τῇ πόλει καὶ δυνατά, τὸ λοιπὸν ἤδη συγχωρήσαντοσ τοῦ δήμου μετὰ τῆσ βουλῆσ ἔλαβε τὴν ἐξουσίαν πράττειν ὅ,τι βούλεται.

ἕκαστοσ δ’ ἐκ τῆσ ἐκκλησίασ ἐχωρίζετο θαυμάζων μὲν τὴν ἀρετὴν τἀνδρόσ, μετέωροσ δ’ ὢν καὶ καραδοκῶν τὸ τέλοσ τῆσ ἐπιβολῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 41

(디오도로스 시켈로스, Library, book xi, chapter 41)

상위

목록

SEARCH

MENU NAVIGATION