Diodorus Siculus, Library, book xi, chapter 49

(디오도로스 시켈로스, Library, book xi, chapter 49)

Ιἕρων δὲ τούσ τε Ναξίουσ καὶ τοὺσ Καταναίουσ ἐκ τῶν πόλεων ἀναστήσασ, ἰδίουσ οἰκήτορασ ἀπέστειλεν, ἐκ μὲν Πελοποννήσου πεντακισχιλίουσ ἀθροίσασ, ἐκ δὲ Συρακουσῶν ἄλλουσ τοσούτουσ προσθείσ· καὶ τὴν μὲν Κατάνην μετωνόμασεν Αἴτνην, τὴν δὲ χώραν οὐ μόνον τὴν Καταναίαν, ἀλλὰ καὶ πολλὴν τῆσ ὁμόρου προσθεὶσ κατεκληρούχησε, μυρίουσ πληρώσασ οἰκήτορασ. τοῦτο δ’ ἔπραξε σπεύδων ἅμα μὲν ἔχειν βοήθειαν ἑτοίμην ἀξιόλογον πρὸσ τὰσ ἐπιούσασ χρείασ, ἅμα δὲ καὶ ἐκ τῆσ γενομένησ μυριάνδρου πόλεωσ τιμὰσ ἔχειν ἡρωικάσ.

τοὺσ δὲ Ναξίουσ καὶ τοὺσ Καταναίουσ ἐκ τῶν πατρίδων ἀνασταθέντασ μετῴκισεν εἰσ τοὺσ Λεοντίνουσ, καὶ μετὰ τῶν ἐγχωρίων προσέταξε κατοικεῖν τὴν πόλιν. Θήρων δὲ μετὰ τὴν Ἱμεραίων σφαγὴν ὁρῶν τὴν πόλιν οἰκητόρων δεομένην, συνῴκισεν εἰσ ταύτην τούσ τε Δωριεῖσ καὶ τῶν ἄλλων τοὺσ βουλομένουσ ἐπολιτογράφησεν.

οὗτοι μὲν οὖν μετ’ ἀλλήλων καλῶσ πολιτευόμενοι διετέλεσαν ἔτη πεντήκοντα καὶ ὀκτώ·

τότε δὲ τῆσ πόλεωσ ὑπὸ Καρχηδονίων χειρωθείσησ καὶ κατασκαφείσησ, διέμεινεν ἀοίκητοσ μέχρι τῶν καθ’ ἡμᾶσ καιρῶν.

일치하는 문장이 없습니다.

SEARCH

MENU NAVIGATION