헬라어 문장 검색 - Διοδορ́Λιβραρψ́4́36́

(디오도로스 시켈로스, Library, book xi, chapter 57)

δόξασ δὲ παραδόξωσ ὑπ’ ἐχθροῦ διασεσῶσθαι, πάλιν εἰσ μείζονασ κινδύνουσ ἐνέπεσε διὰ τοιαύτασ αἰτίασ· Μανδάνη Δαρείου μὲν ἦν θυγάτηρ τοῦ φονεύσαντοσ τοὺσ μάγουσ, ἀδελφὴ δὲ γνησία τοῦ Ξέρξου, μεγίστησ δ’ ἀποδοχῆσ τυγχάνουσα παρὰ τοῖσ Πέρσαισ. αὕτη τῶν υἱῶν ἐστερημένη καθ’ ὃν καιρὸν Θεμιστοκλῆσ περὶ Σαλαμῖνα κατεναυμάχησε τὸν στόλον τῶν Περσῶν, χαλεπῶσ ἔφερε τὴν ἀναίρεσιν τῶν τέκνων, καὶ διὰ τὸ μέγεθοσ τῆσ συμφορᾶσ ἠλεεῖτο παρὰ τοῖσ πλήθεσιν.

αὕτη πυθομένη τὴν παρουσίαν τοῦ Θεμιστοκλέουσ, ἦλθεν εἰσ τὰ βασίλεια πενθίμην ἐσθῆτα λαβοῦσα, καὶ μετὰ δακρύων ἱκέτευε τὸν ἀδελφὸν ἐπιθεῖναι τιμωρίαν τῷ Θεμιστοκλεῖ.

ὡσ δ’ οὐ προσεῖχεν αὐτῇ, περιῄει τοὺσ ἀρίστουσ τῶν Περσῶν ἀξιοῦσα καὶ καθόλου τὰ πλήθη παροξύνουσα πρὸσ τὴν τοῦ Θεμιστοκλέουσ τιμωρίαν. τοῦ δ’ ὄχλου συνδραμόντοσ ἐπὶ τὰ βασίλεια καὶ μετὰ κραυγῆσ ἐξαιτοῦντοσ ἐπὶ τιμωρίαν τὸν Θεμιστοκλέα, ὁ μὲν βασιλεὺσ ἀπεκρίνατο δικαστήριον καταστήσειν ἐκ τῶν ἀρίστων Περσῶν, καὶ τὸ κριθὲν τεύξεσθαι συντελείασ·

πάντων δὲ συνευδοκησάντων, καὶ δοθέντοσ ἱκανοῦ χρόνου εἰσ τὴν παρασκευὴν τῆσ κρίσεωσ, ὁ μὲν Θεμιστοκλῆσ μαθὼν τὴν Περσίδα διάλεκτον, καὶ ταύτῃ χρησάμενοσ κατὰ τὴν ἀπολογίαν, ἀπελύθη τῶν ἐγκλημάτων.

ὁ δὲ βασιλεὺσ περιχαρὴσ γενόμενοσ ἐπὶ τῇ σωτηρίᾳ τἀνδρὸσ μεγάλαισ αὐτὸν δωρεαῖσ ἐτίμησε·

γυναῖκα γὰρ αὐτῷ πρὸσ γάμου κοινωνίαν ἔζευξε Περσίδα, εὐγενείᾳ τε καὶ κάλλει διαφέρουσαν, ἔτι δὲ κατ’ ἀρετὴν ἐπαινουμένην, οἰκετῶν τε πλῆθοσ πρὸσ διακονίαν καὶ παντοδαπῶν ἐκπωμάτων καὶ τὴν ἄλλην χορηγίαν πρὸσ ἀπόλαυσιν καὶ τρυφὴν ἁρμόζουσαν. ἐδωρήσατο δ’ αὐτῷ καὶ πόλεισ τρεῖσ πρὸσ διατροφὴν καὶ ἀπόλαυσιν εὐθέτουσ, Μαγνησίαν μὲν τὴν ἐπὶ τῷ Μαιάνδρῳ, πλεῖστον τῶν κατὰ τὴν Ἀσίαν πόλεων ἔχουσαν σῖτον, εἰσ ἄρτουσ, Μυοῦντα δὲ εἰσ ὄψον, ἔχουσαν θάλατταν εὐίχθυν, Λάμψακον δέ, ἀμπελόφυτον ἔχουσαν χώραν πολλήν, εἰσ οἶνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 57

(디오도로스 시켈로스, Library, book xi, chapter 57)

상위

목록

SEARCH

MENU NAVIGATION