헬라어 문장 검색 - Διοδορ́Λιβραρψ́4́44́

(디오도로스 시켈로스, Library, book xi, chapter 71)

ἐπ’ ἄρχοντοσ δ’ Ἀθήνησι Τληπολέμου Ῥωμαῖοι κατέστησαν ὑπάτουσ Τίτον Κοί̈ντιον καὶ Κόιντον Σερουίλιον Στροῦκτον. ἐπὶ δὲ τούτων Ἀρταξέρξησ ὁ βασιλεὺσ τῶν Περσῶν ἄρτι τὴν βασιλείαν ἀνακτησάμενοσ, τὸ μὲν πρῶτον κολάσασ τοὺσ μετεσχηκότασ τῆσ τοῦ πατρὸσ ἀναιρέσεωσ διέταξε τὰ κατὰ τὴν βασιλείαν συμφερόντωσ αὐτῷ. τῶν μὲν γὰρ ὑπαρχόντων σατραπῶν τοὺσ ἀλλοτρίωσ ἔχοντασ πρὸσ αὐτὸν ἀπέστησε, τῶν δὲ αὑτοῦ φίλων ἐπιλέξασ τοὺσ εὐθέτουσ παρέδωκε τὰσ σατραπείασ.

ἐπεμελήθη δὲ καὶ τῶν προσόδων καὶ τῆσ δυνάμεων κατασκευῆσ, καὶ καθόλου τὴν βασιλείαν ὅλην ἐπιεικῶσ διοικῶν μεγάλησ ἀποδοχῆσ ἐτύγχανε παρὰ τοῖσ Πέρσαισ. οἱ δὲ τὴν Αἴγυπτον κατοικοῦντεσ πυθόμενοι τὴν Ξέρξου τελευτὴν καὶ τὴν ὅλην ἐπίθεσιν καὶ ταραχὴν ἐν τῇ βασιλείᾳ τῶν Περσῶν, ἔκριναν ἀντέχεσθαι τῆσ ἐλευθερίασ.

εὐθὺσ οὖν ἀθροίσαντεσ δύναμιν ἀπέστησαν τῶν Περσῶν, καὶ τοὺσ φορολογοῦντασ τὴν Αἴγυπτον τῶν Περσῶν ἐκβαλόντεσ κατέστησαν βασιλέα τὸν ὀνομαζόμενον Ἰναρώ. οὗτοσ δὲ τὸ μὲν πρῶτον ἐκ τῶν ἐγχωρίων κατέλεγε στρατιώτασ, μετὰ δὲ ταῦτα καὶ μισθοφόρουσ ἐκ τῶν ἀλλοεθνῶν ἀθροίζων κατεσκεύαζε δύναμιν ἀξιόχρεων.

ἔπεμψε δὲ καὶ πρὸσ Ἀθηναίουσ πρέσβεισ περὶ συμμαχίασ, ὑπισχνούμενοσ αὐτοῖσ, ἐὰν ἐλευθερώσωσι τοὺσ Αἰγυπτίουσ, κοινὴν αὐτοῖσ παρέξεσθαι τὴν βασιλείαν καὶ πολλαπλασίουσ τῆσ εὐεργεσίασ ἀποδώσειν χάριτασ. οἱ δὲ Ἀθηναῖοι κρίναντεσ συμφέρειν αὐτοῖσ τοὺσ μὲν Πέρσασ εἰσ τὸ δυνατὸν ταπεινοῦν, τοὺσ δὲ Αἰγυπτίουσ ἰδίουσ ἑαυτοῖσ παρασκευάσαι πρὸσ τὰ παράλογα τῆσ τύχησ, ἐψηφίσαντο τριακοσίαισ τριήρεσι βοηθεῖν τοῖσ Αἰγυπτίοισ.

οἱ μὲν οὖν Ἀθηναῖοι μετὰ πολλῆσ προθυμίασ περὶ τὴν τοῦ στόλου παρασκευὴν ἐγίνοντο.

Ἀρταξέρξησ δὲ πυθόμενοσ τὴν ἀπόστασιν τῶν Αἰγυπτίων καὶ τὰσ εἰσ τὸν πόλεμον παρασκευάσ, ἔκρινε δεῖν τῷ μεγέθει τῶν δυνάμεων ὑπερᾶραι τοὺσ Αἰγυπτίουσ. εὐθὺσ οὖν ἐξ ἁπασῶν τῶν σατραπειῶν κατέλεγε στρατιώτασ καὶ ναῦσ κατεσκεύαζε, καὶ τῆσ ἄλλησ ἁπάσησ παρασκευῆσ ἐπιμέλειαν ἐποιεῖτο. καὶ τὰ μὲν κατὰ τὴν Ἀσίαν καὶ τὴν Αἴγυπτον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 71

(디오도로스 시켈로스, Library, book xi, chapter 71)

상위

목록

SEARCH

MENU NAVIGATION