헬라어 문장 검색 - Διοδορ́Λιβραρψ́4́17́

(디오도로스 시켈로스, Library, book xi, chapter 26)

εὐθὺσ δὲ καὶ τῶν πρότερον ἐναντιουμένων πόλεών τε καὶ δυναστῶν παρεγένοντο πρὸσ αὐτὸν πρέσβεισ, ἐπὶ μὲν τοῖσ ἠγνοημένοισ αἰτούμενοι συγγνώμην, εἰσ δὲ τὸ λοιπὸν ἐπαγγελλόμενοι πᾶν ποιήσειν τὸ προσταττόμενον. ὁ δὲ πᾶσιν ἐπιεικῶσ χρησάμενοσ συμμαχίαν συνετίθετο, καὶ τὴν εὐτυχίαν ἀνθρωπίνωσ ἔφερεν οὐκ ἐπὶ τούτων μόνον, ἀλλὰ καὶ ἐπὶ τῶν πολεμιωτάτων Καρχηδονίων. παραγενομένων γὰρ πρὸσ αὐτὸν ἐκ τῆσ Καρχηδόνοσ τῶν ἀπεσταλμένων πρέσβεων καὶ μετὰ δακρύων δεομένων ἀνθρωπίνωσ αὐτοῖσ χρήσασθαι, συνεχώρησε τὴν εἰρήνην, ἐπράξατο δὲ παρ’ αὐτῶν τὰσ εἰσ τὸν πόλεμον γεγενημένασ δαπάνασ, ἀργυρίου δισχίλια τάλαντα, καὶ δύο ναοὺσ προσέταξεν οἰκοδομῆσαι, καθ’ οὓσ ἔδει τὰσ συνθήκασ ἀνατεθῆναι.

οἱ δὲ Καρχηδόνιοι παραδόξωσ τῆσ σωτηρίασ τετευχότεσ ταῦτά τε δώσειν προσεδέξαντο καὶ στέφανον χρυσοῦν τῇ γυναικὶ τοῦ Γέλωνοσ Δαμαρέτῃ προσωμολόγησαν.

αὕτη γὰρ ὑπ’ αὐτῶν ἀξιωθεῖσα συνήργησε πλεῖστον εἰσ τὴν σύνθεσιν τῆσ εἰρήνησ, καὶ στεφανωθεῖσα ὑπ’ αὐτῶν ἑκατὸν ταλάντοισ χρυσίου, νόμισμα ἐξέκοψε τὸ κληθὲν ἀπ’ ἐκείνησ Δαμαρέτειον· τοῦτο δ’ εἶχε μὲν Ἀττικὰσ δραχμὰσ δέκα, ἐκλήθη δὲ παρὰ τοῖσ Σικελιώταισ ἀπὸ τοῦ σταθμοῦ πεντηκοντάλιτρον. ὁ δὲ Γέλων ἐχρῆτο πᾶσιν ἐπιεικῶσ, μάλιστα μὲν εἰσ τὸν ἴδιον τρόπον, οὐχ ἥκιστα δὲ καὶ σπεύδων ἅπαντασ ἔχειν ταῖσ εὐνοίαισ ἰδίουσ·

παρεσκευάζετο γὰρ πολλῇ δυνάμει πλεῖν ἐπὶ τὴν Ἑλλάδα καὶ συμμαχεῖν τοῖσ Ἕλλησι κατὰ τῶν Περσῶν. ἤδη δ’ αὐτοῦ μέλλοντοσ ποιεῖσθαι τὴν ἀναγωγήν, κατέπλευσάν τινεσ ἐκ Κορίνθου διασαφοῦντεσ νενικηκέναι τῇ ναυμαχίᾳ τοὺσ Ἕλληνασ περὶ Σαλαμῖνα, καὶ τὸν Ξέρξην μετὰ μέρουσ τῆσ δυνάμεωσ ἐκ τῆσ Εὐρώπησ ἀπηλλάχθαι.

διὸ καὶ τῆσ ὁρμῆσ ἐπισχών, τὴν προθυμίαν τῶν στρατιωτῶν ἀποδεξάμενοσ, συνήγαγεν ἐκκλησίαν, προστάξασ ἅπαντασ ἀπαντᾶν μετὰ τῶν ὅπλων· αὐτὸσ δὲ οὐ μόνον τῶν ὅπλων γυμνὸσ εἰσ τὴν ἐκκλησίαν ἦλθεν, ἀλλὰ καὶ ἀχίτων ἐν ἱματίῳ προσελθὼν ἀπελογίσατο μὲν περὶ παντὸσ τοῦ βίου καὶ τῶν πεπραγμένων αὐτῷ πρὸσ τοὺσ Συρακοσίουσ· ἐφ’ ἑκάστῳ δὲ τῶν λεγομένων ἐπισημαινομένων τῶν ὄχλων, καὶ θαυμαζόντων μάλιστα ὅτι γυμνὸν ἑαυτὸν παρεδεδώκει τοῖσ βουλομένοισ αὐτὸν ἀνελεῖν, τοσοῦτον ἀπεῖχε τοῦ μὴ τυχεῖν τιμωρίασ ὡσ τύραννοσ, ὥστε μιᾷ φωνῇ πάντασ ἀποκαλεῖν εὐεργέτην καὶ σωτῆρα καὶ βασιλέα.

ἀπὸ δὲ τούτων γενόμενοσ ὁ Γέλων ἐκ μὲν τῶν λαφύρων κατεσκεύασε ναοὺσ ἀξιολόγουσ Δήμητροσ καὶ Κόρησ, χρυσοῦν δὲ τρίποδα ποιήσασ ἀπὸ ταλάντων ἑκκαίδεκα ἀνέθηκεν εἰσ τὸ τέμενοσ τὸ ἐν Δελφοῖσ Ἀπόλλωνι χαριστήριον.

ἐπεβάλετο δὲ ὕστερον καὶ κατὰ τὴν Αἴτνην κατασκευάζειν νεὼν Δήμητροσ νεὼσ ἐνδεούσησ· τοῦτον μὲν οὐ συνετέλεσε, μεσολαβηθεὶσ τὸν βίον ὑπὸ τῆσ πεπρωμένησ. τῶν δὲ μελοποιῶν Πίνδαροσ ἦν ἀκμάζων κατὰ τούτουσ τοὺσ χρόνουσ.

τὰ μὲν οὖν ἀξιολογώτατα τῶν πραχθέντων κατὰ τοῦτον τὸν ἐνιαυτὸν σχεδὸν ταῦτ’ ἐστίν. ἐπ’ ἄρχοντοσ δ’ Ἀθήνησι Ξανθίππου Ῥωμαῖοι μὲν κατέστησαν ὑπάτουσ Κόιντον Φάβιον Σιλουανὸν καὶ Σερούιον Κορνήλιον Τρίκοστον.

ἐπὶ δὲ τούτων ὁ μὲν τῶν Περσῶν στόλοσ πλὴν Φοινίκων μετὰ τὴν ἐν Σαλαμῖνι γενομένην ναυμαχίαν ἡττημένοσ διέτριβε περὶ τὴν Κύμην. ἐνταῦθα δὲ παραχειμάσασ, ὡσ τὸ θέροσ ἐνίστατο, παρέπλευσεν εἰσ Σάμον, παραφυλάξων τὴν Ιὠνίαν· ἦσαν δ’ αἱ πᾶσαι νῆεσ ἐν Σάμῳ πλείουσ τῶν τετρακοσίων. αὗται μὲν οὖν ὡσ ἀλλότρια φρονούντων τῶν Ιὤνων παρεφύλαττον τὰσ πόλεισ. κατὰ δὲ τὴν Ἑλλάδα μετὰ τὴν ἐν Σαλαμῖνι ναυμαχίαν, τῶν Ἀθηναίων δοκούντων αἰτίων γεγονέναι τῆσ νίκησ, καὶ διὰ τοῦτο αὐτῶν φρονηματιζομένων, πᾶσιν ἐγίνοντο καταφανεῖσ ὡσ τοῖσ Λακεδαιμονίοισ ἀμφισβητήσοντεσ τῆσ κατὰ θάλατταν ἡγεμονίασ·

διόπερ οἱ Λακεδαιμόνιοι προορώμενοι τὸ μέλλον ἐφιλοτιμοῦντο ταπεινοῦν τὸ φρόνημα τῶν Ἀθηναίων. διὸ καὶ κρίσεωσ προτεθείσησ περὶ τῶν ἀριστείων, χάριτι κατισχύσαντεσ ἐποίησαν κριθῆναι πόλιν μὲν ἀριστεῦσαι τὴν Αἰγινητῶν, ἄνδρα δὲ Ἀμεινίαν Ἀθηναῖον, τὸν ἀδελφὸν Αἰσχύλου τοῦ ποιητοῦ· οὗτοσ γὰρ τριηραρχῶν πρῶτοσ ἐμβολὴν ἔδωκε τῇ ναυαρχίδι τῶν Περσῶν, καὶ ταύτην κατέδυσε καὶ τὸν ναύαρχον διέφθειρε. τῶν δ’ Ἀθηναίων βαρέωσ φερόντων τὴν ἄδικον ἧτταν, οἱ Λακεδαιμόνιοι φοβηθέντεσ μήποτε Θεμιστοκλῆσ ἀγανακτήσασ ἐπὶ τῷ συμβεβηκότι κακὸν μέγα βουλεύσηται κατ’ αὐτῶν καὶ τῶν Ἑλλήνων, ἐτίμησαν αὐτὸν διπλασίοσι δωρεαῖσ τῶν τὰ ἀριστεῖα εἰληφότων.

δεξαμένου δὲ τοῦ Θεμιστοκλέουσ τὰσ δωρεάσ, ὁ δῆμοσ τῶν Ἀθηναίων ἀπέστησεν αὐτὸν ἀπὸ τῆσ στρατηγίασ, καὶ παρέδωκε τὴν ἀρχὴν Ξανθίππῳ τῷ Ἀρίφρονοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 26

(디오도로스 시켈로스, Library, book xi, chapter 26)

상위

목록

SEARCH

MENU NAVIGATION