Diodorus Siculus, Library, book xi, chapter 31

(디오도로스 시켈로스, Library, book xi, chapter 31)

Μαρδόνιοσ δὲ συναναγκαζόμενοσ βαθεῖαν ποιῆσαι τὴν φάλαγγα, διέταξε τὴν δύναμιν ὅπωσ ποτ’ ἔδοξεν αὐτῷ συμφέρειν, καὶ μετὰ βοῆσ ἀπήντησε τοῖσ Ἕλλησιν. ἔχων δὲ περὶ αὐτὸν τοὺσ ἀρίστουσ πρῶτοσ ἐνέβαλεν εἰσ τοὺσ ἀντιτεταγμένουσ Λακεδαιμονίουσ, καὶ γενναίωσ ἀγωνισάμενοσ πολλοὺσ ἀνεῖλε τῶν Ἑλλήνων· ἀντιταχθέντων δὲ τῶν Λακεδαιμονίων εὐρώστωσ, καὶ πάντα κίνδυνον ὑπομενόντων προθύμωσ, πολὺσ ἐγίνετο φόνοσ τῶν βαρβάρων. ἑώσ μὲν οὖν συνέβαινε τὸν Μαρδόνιον μετὰ τῶν ἐπιλέκτων προκινδυνεύειν, εὐψύχωσ ὑπέμενον τὸ δεινὸν οἱ βάρβαροι·

ἐπεὶ δ’ ὅ τε Μαρδόνιοσ ἀγωνιζόμενοσ ἐκθύμωσ ἔπεσε καὶ τῶν ἐπιλέκτων οἱ μὲν ἀπέθανον, οἱ δὲ κατετρώθησαν, ἀνατραπέντεσ ταῖσ ψυχαῖσ πρὸσ φυγὴν ὡρ́μησαν. ἐπικειμένων δὲ τῶν Ἑλλήνων, οἱ μὲν πλείουσ τῶν βαρβάρων εἰσ τὸ ξύλινον τεῖχοσ συνέφυγον, τῶν δ’ ἄλλων οἱ μὲν μετὰ Μαρδονίου ταχθέντεσ Ἕλληνεσ εἰσ τὰσ Θήβασ ἀνεχώρησαν, τοὺσ δὲ λοιποὺσ ὄντασ πλείουσ τῶν τετρακισμυρίων ἀναλαβὼν Ἀρτάβαζοσ, ἀνὴρ παρὰ Πέρσαισ ἐπαινούμενοσ, εἰσ θάτερον μέροσ ἔφυγε, καὶ σύντονον τὴν ἀναχώρησιν ποιησάμενοσ προῆγεν ἐπὶ τῆσ Φωκίδοσ.

일치하는 문장이 없습니다.

SEARCH

MENU NAVIGATION