헬라어 문장 검색 - Διοδορ́Λιβραρψ́4́06́

(디오도로스 시켈로스, Library, book xi, chapter 7)

γενομένησ δὲ μάχησ καρτερᾶσ, καὶ τῶν μὲν βαρβάρων θεατὴν ἐχόντων τῆσ ἀρετῆσ τὸν βασιλέα, τῶν δὲ Ἑλλήνων μιμνησκομένων τῆσ ἐλευθερίασ καὶ παρακαλουμένων ὑπὸ τοῦ Λεωνίδου πρὸσ τὸν ἀγῶνα, θαυμαστὸν συνέβαινε γίνεσθαι τὸν κίνδυνον. συστάδην γὰρ οὔσησ τῆσ μάχησ καὶ τῶν πληγῶν ἐκ χειρὸσ γινομένων, ἔτι δὲ τῆσ συστάσεωσ πεπυκνωμένησ, ἐπὶ πολὺν χρόνον ἰσόρροποσ ἦν ἡ μάχη.

τῶν δ’ Ἑλλήνων ὑπερεχόντων ταῖσ ἀρεταῖσ καὶ τῷ μεγέθει τῶν ἀσπίδων, μόγισ ἐνέδωκαν οἱ Μῆδοι· πολλοὶ μὲν γὰρ αὐτῶν ἔπεσον, οὐκ ὀλίγοι δὲ κατετραυματίσθησαν. τοῖσ δὲ Μήδοισ ἐπιτεταγμένοι Κίσσιοι καὶ Σάκαι κατ’ ἀρετὴν ἐπίλεκτοι διεδέξαντο τὴν μάχην, καὶ νεοχμοὶ πρὸσ διαπεπονημένουσ συμβαλόντεσ ὀλίγον μὲν χρόνον ὑπέμενον τὸν κίνδυνον, κτεινόμενοι δ’ ὑπὸ τῶν περὶ τὸν Λεωνίδην καὶ βιασθέντεσ ὑπεχώρησαν· ἀσπίσι γὰρ καὶ πέλταισ μικραῖσ οἱ βάρβαροι χρώμενοι κατὰ μὲν τὰσ εὐρυχωρίασ ἐπλεονέκτουν, εὐκίνητοι γινόμενοι, κατὰ δὲ τὰσ στενοχωρίασ τοὺσ μὲν πολεμίουσ οὐκ εὐχερῶσ ἐτίτρωσκον, συμπεφραγμένουσ καὶ μεγάλαισ ἀσπίσι σκεπαζομένουσ ὅλον τὸ σῶμα, αὐτοὶ δὲ διὰ τὰσ κουφότητασ τῶν σκεπαστηρίων ὅπλων ἐλαττούμενοι πυκνοῖσ τραύμασι περιέπιπτον.

τέλοσ δὲ ὁ Ξέρξησ ὁρῶν πάντα μὲν τὸν περὶ τὰσ παρόδουσ τόπον νεκρῶν ἐστρωμένον, τοὺσ δὲ βαρβάρουσ οὐχ ὑπομένοντασ τὰσ τῶν Ἑλλήνων ἀρετάσ, προσέπεμψε τοὺσ τῶν Περσῶν ἐπιλέκτουσ, ὀνομαζομένουσ ἀθανάτουσ καὶ δοκοῦντασ ταῖσ ἀνδραγαθίαισ πρωτεύειν τῶν συστρατευομένων.

ὡσ δὲ καὶ οὗτοι βραχὺν ἀντιστάντεσ χρόνον ἔφυγον, τότε μὲν τῆσ νυκτὸσ ἐπιλαβούσησ διελύθησαν, παρὰ μὲν τοῖσ βαρβάροισ πολλῶν ἀνῃρημένων, παρὰ δὲ τοῖσ Ἕλλησιν ὀλίγων πεπτωκότων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 7

(디오도로스 시켈로스, Library, book xi, chapter 7)

상위

목록

SEARCH

MENU NAVIGATION