헬라어 문장 검색 - Διοδορ́Λιβραρψ́4́47́

(디오도로스 시켈로스, Library, book xi, chapter 78)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦν ἄρχων Φιλοκλῆσ, ἐν Ῥώμῃ δὲ τὴν ὕπατον ἀρχὴν διεδέξαντο Αὖλοσ Ποστούμιοσ Ῥηγοῦλοσ καὶ Σπόριοσ Φούριοσ Μεδιολανόσ. ἐπὶ δὲ τούτων Κορινθίοισ καὶ Ἐπιδαυρίοισ πρὸσ Ἀθηναίουσ ἐνστάντοσ πολέμου, ἐστράτευσαν ἐπ’ αὐτοὺσ Ἀθηναῖοι, καὶ γενομένησ μάχησ ἰσχυρᾶσ ἐνίκησαν Ἀθηναῖοι. μεγάλῳδὲ στόλῳ καταπλεύσαντεσ πρὸσ τοὺσ ὀνομαζομένουσ Ἁλιεῖσ, ἀνέβησαν εἰσ τὴν Πελοπόννησον, καὶ τῶν πολεμίων ἀνεῖλον οὐκ ὀλίγουσ.

συστραφέντων δὲ τῶν Πελοποννησίων καὶ δύναμιν ἀξιόλογον ἀθροισάντων, συνέστη μάχη πρὸσ τοὺσ Ἀθηναίουσ περὶ τὴν ὀνομαζομένην Κεκρυφάλειαν, καθ’ ἣν πάλιν ἐνίκησαν Ἀθηναῖοι. τοιούτων δὲ εὐημερημάτων αὐτοῖσ γενομένων, τοὺσ Αἰγινήτασ ὁρῶντεσ πεφρονηματισμένουσ μὲν ταῖσ προγεγενημέναισ πράξεσιν, ἀλλοτρίωσ δὲ ἔχοντασ πρὸσ αὐτούσ, ἔγνωσαν καταπολεμῆσαι.

διὸ καὶ στόλον ἐπ’ αὐτοὺσ ἀξιόλογον ἀποστειλάντων τῶν Ἀθηναίων, οἱ τὴν Αἴγιναν κατοικοῦντεσ, μεγάλην ἐμπειρίαν ἔχοντεσ καὶ δόξαν τῶν κατὰ θάλατταν ἀγώνων, οὐ κατεπλάγησαν τὴν ὑπεροχὴν τῶν Ἀθηναίων, ἔχοντεσ δὲ τριήρεισ ἱκανὰσ καὶ προσκατασκευάσαντεσ ἑτέρασ, ἐναυμάχησαν, καὶ λειφθέντεσ ἀπέβαλον τριήρεισ ἑβδομήκοντα·

συντριβέντεσ δὲ τοῖσ φρονήμασι διὰ τὸ μέγεθοσ τῆσ συμφορᾶσ, ἠναγκάσθησαν εἰσ τὴν Ἀθηναίων συντέλειαν καταταχθῆναι. ταῦτα μὲν οὖν Λεωκράτησ ὁ στρατηγὸσ κατεπράξατο τοῖσ Ἀθηναίοισ, τοὺσ πάντασ διαπολεμήσασ μῆνασ ἐννέα πρὸσ τοὺσ Αἰγινήτασ. ἅμα δὲ τούτοισ πραττομένοισ κατὰ τὴν Σικελίαν Δουκέτιοσ ὁ τῶν Σικελῶν βασιλεὺσ, ὠνομασμένοσ τὸ γένοσ, ἰσχύων δὲ κατ’ ἐκείνουσ τοὺσ χρόνουσ, Μέναινον μὲν πόλιν ἔκτισε καὶ τὴν σύνεγγυσ χώραν τοῖσ κατοικισθεῖσι διεμέρισε, στρατευσάμενοσ δ’ ἐπὶ πόλιν ἀξιόλογον Μοργαντῖναν, καὶ χειρωσάμενοσ αὐτήν, δόξαν ἀπηνέγκατο παρὰ τοῖσ ὁμοεθνέσι.

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Βίων, ἐν Ῥώμῃ δὲ τὴν ὕπατον ἀρχὴν διεδέξαντο Πούπλιοσ Σερουίλιοσ Στροῦκτοσ καὶ Λεύκιοσ Αἰβούτιοσ Ἄλβασ.

ἐπὶ δὲ τούτων Κορινθίοισ καὶ Μεγαρεῦσι περὶ χώρασ ὁμόρου γενομένησ ἀμφισβητήσεωσ, εἰσ πόλεμον αἱ πόλεισ ἐνέπεσον. τὸ μὲν οὖν πρῶτον τὴν χώραν ἀλλήλων διετέλουν λεηλατοῦντεσ καὶ κατ’ ὀλίγουσ συμπλοκὰσ ποιούμενοι·

αὐξομένησ δὲ τῆσ διαφορᾶσ οἱ Μεγαρεῖσ ἀεὶ μᾶλλον ἐλαττούμενοι καὶ τοὺσ Κορινθίουσ φοβούμενοι, συμμάχουσ ἐποιήσαντο τοὺσ Ἀθηναίουσ. διὸ καὶ πάλιν τῶν πόλεων ἐφαμίλλων ταῖσ δυνάμεσι γενομένων, καὶ τῶν Κορινθίων μετὰ Πελοποννησίων ἀξιολόγῳ δυνάμει στρατευσάντων εἰσ τὴν Μεγαρικήν, Ἀθηναῖοι συμμαχίαν ἔπεμψαν τοῖσ Μεγαρεῦσιν, ἧσ ἡγεῖτο Μυρωνίδησ, ἀνὴρ ἐπ’ ἀρετῇ θαυμαζόμενοσ·

γενομένησ δὲ παρατάξεωσ ἰσχυρᾶσ ἐπὶ πολὺν χρόνον, καὶ ταῖσ ἀνδραγαθίαισ ἑκατέρων ἐξισουμένων, τὸ τελευταῖον ἐνίκησαν Ἀθηναῖοι καὶ πολλοὺσ ἀνεῖλον τῶν πολεμίων. οἱ Φωκεῖσ ἐνεστήσαντο πόλεμον πρὸσ Δωριεῖσ, τοὺσ προγόνουσ μὲν Λακεδαιμονίων, οἰκοῦντασ δὲ πόλεισ τρεῖσ, Κυτίνιον καὶ Βοιὸν καὶ Ἐρινεόν, κειμένασ ὑπὸ τὸν λόφον τὸν ὀνομαζόμενον Παρνασσόν.

τὸ μὲν οὖν πρῶτον βίᾳ χειρωσάμενοι τοὺσ Δωριεῖσ, κατέσχον αὐτῶν τὰσ πόλεισ·

μετὰ δὲ ταῦτα Λακεδαιμόνιοι μὲν Νικομήδην τὸν Κλεομένουσ ἐξέπεμψαν βοηθήσοντα τοῖσ Δωριεῦσι διὰ τὴν συγγένειαν· εἶχε δ’ οὗτοσ Λακεδαιμονίουσ μὲν χιλίουσ πεντακοσίουσ, παρὰ δὲ τῶν ἄλλων Πελοποννησίων μυρίουσ. οὗτοσ μὲν οὖν ἐπίτροποσ ὢν Πλειστώνακτοσ τοῦ βασιλέωσ παιδὸσ ὄντοσ, μετὰ τοσαύτησ δυνάμεωσ ἐβοήθησε τοῖσ Δωριεῦσι, νικήσασ δὲ τοὺσ Φωκεῖσ καὶ τὰσ πόλεισ ἀνακτησάμενοσ τούσ τε Φωκεῖσ καὶ Δωριεῖσ διήλλαξεν.

Ἀθηναῖοι δὲ πυθόμενοι τοὺσ Λακεδαιμονίουσ τὸν μὲν πρὸσ Φωκεῖσ πόλεμον καταλελυκέναι, αὐτοὺσ δὲ μέλλειν τὴν εἰσ οἶκον ἐπάνοδον ποιεῖσθαι, ἔγνωσαν ἐπιθέσθαι κατὰ τὴν ὁδοιπορίαν τοῖσ Λακεδαιμονίοισ.

ἐστράτευσαν οὖν ἐπ’ αὐτούσ, παραλαβόντεσ τοὺσ Ἀργείουσ καὶ Θετταλούσ· καὶ πεντήκοντα μὲν ναυσί, στρατιώταισ δὲ μυρίοισ καὶ τετρακισχιλίοισ ἐπιβαλοῦντεσ αὐτοῖσ κατελάβοντο τὰσ περὶ τὴν Γεράνειαν παρόδουσ. Λακεδαιμόνιοι δὲ πυνθανόμενοι τὰ κατὰ τοὺσ Ἀθηναίουσ παρῆλθον τῆσ Βοιωτίασ εἰσ Τάναγραν.

τῶν δὲ Ἀθηναίων παραγενομένων εἰσ τὴν Βοιωτίαν καὶ παρατάξεωσ γενομένησ, ἰσχυρὰ συνέστη μάχη· καὶ τῶν μὲν Θετταλῶν μεταβαλομένων ἐν τῇ μάχῃ πρὸσ τοὺσ Λακεδαιμονίουσ, τῶν δὲ Ἀθηναίων καὶ τῶν Ἀργείων οὐδὲν ἧττον διαγωνιζομένων, ἔπεσον μὲν οὐκ ὀλίγοι παρ’ ἀμφοτέροισ, νυκτὸσ δ’ ἐπιλαβούσησ διελύθησαν. μετὰ δὲ ταῦτα τοῖσ Ἀθηναίοισ κομιζομένησ ἀγορᾶσ πολλῆσ ἐκ τῆσ Ἀττικῆσ, οἱ Θετταλοὶ κρίναντεσ ἐπιθέσθαι ταύτῃ καὶ αὐτῆσ ὡρ́ασ δειπνοποιησάμενοι νυκτὸσ ἀπήντων τοῖσ κομίζουσι τὰσ ἀγοράσ.

τῶν δὲ παραφυλαττόντων Ἀθηναίων ἀγνοούντων καὶ προσδεξαμένων τοὺσ Θετταλοὺσ ὡσ φίλουσ, συνέβη πολλοὺσ καὶ ποικίλουσ ἀγῶνασ γενέσθαι περὶ τῆσ ἀγορᾶσ.

τὸ μὲν γὰρ πρῶτον οἱ Θετταλοί, προσδεχθέντεσ ὑπὸ τῶν πολεμίων διὰ τὴν ἄγνοιαν, ἔκτεινον τοὺσ ἐντυγχάνοντασ, καὶ συντεταγμένοι τοῖσ τεθορυβημένοισ συμπλεκόμενοι πολλοὺσ ἀνῄρουν. οἱ δὲ κατὰ τὴν στρατοπεδείαν ὄντεσ Ἀθηναῖοι πυθόμενοι τὴν τῶν Θετταλῶν ἐπίθεσιν, ἧκον κατὰ σπουδήν, καὶ τοὺσ Θετταλοὺσ ἐξ ἐφόδου τρεψάμενοι πολὺν ἐποίουν φόνον.

ἐπιβοηθησάντων δὲ τῶν Λακεδαιμονίων τοῖσ Θετταλοῖσ συντεταγμένῃ τῇ δυνάμει, καὶ τοῖσ στρατοπέδοισ ὅλοισ γενομένησ παρατάξεωσ, συνέβη διὰ τὴν γενομένην φιλοτιμίαν πολλοὺσ παρ’ ἀμφοτέροισ ἀναιρεθῆναι.

τέλοσ δὲ τῆσ μάχησ ἀμφίδοξον λαβούσησ τὸ τέλοσ, συνέβη τούσ τε Λακεδαιμονίουσ ἀμφισβητῆσαι περὶ τῆσ νίκησ καὶ τοὺσ Ἀθηναίουσ. τότε μὲν οὖν ἐπιλαβούσησ νυκτὸσ καὶ τῆσ νίκησ ἀμφιδόξου γενομένησ, διεπρεσβεύοντο πρὸσ ἀλλήλουσ καὶ τετραμηνιαίουσ σπονδὰσ ἐποιήσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 78

(디오도로스 시켈로스, Library, book xi, chapter 78)

상위

목록

SEARCH

MENU NAVIGATION