헬라어 문장 검색 - Διοδορ́Λιβραρψ́4́39́

(디오도로스 시켈로스, Library, book xi, chapter 63)

ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Φαίωνοσ ἐν Ῥώμῃ τὴν ὕπατον ἀρχὴν διεδέξαντο Λεύκιοσ Φούριοσ Μεδιολανὸσ καὶ Μάρκοσ Μανίλιοσ Οὐάσων. ἐπὶ δὲ τούτων μεγάλη τισ καὶ παράδοξοσ ἐγένετο συμφορὰ τοῖσ Λακεδαιμονίοισ· ἐν γὰρ τῇ Σπάρτῃ γενομένων σεισμῶν μεγάλων συνέβη πεσεῖν τὰσ οἰκίασ ἐκ θεμελίων καὶ τῶν Λακεδαιμονίων πλείουσ τῶν δισμυρίων φθαρῆναι. ἐπὶ πολὺν δὲ χρόνον συνεχῶσ τῆσ πόλεωσ καταφερομένησ καὶ τῶν οἰκιῶν πιπτουσῶν πολλὰ σώματα τοῖσ πτώμασι τῶν τοίχων ἀπολαμβανόμενα διεφθάρη, οὐκ ὀλίγον δὲ τῶν κατὰ τὰσ οἰκίασ χρημάτων ὁ σεισμὸσ ἐλυμήνατο.

καὶ τοῦτο μὲν τὸ κακὸν ὥσπερ δαιμονίου τινὸσ νεμεσήσαντοσ αὐτοῖσ ἔπαθον, ἄλλουσ δὲ κινδύνουσ ὑπ’ ἀνθρώπων αὐτοῖσ συνέβη γενέσθαι διὰ τοιαύτασ αἰτίασ.

Εἵλωτεσ καὶ Μεσσήνιοι πρὸσ Λακεδαιμονίουσ ἀλλοτρίωσ ἔχοντεσ τὸ μὲν πρὸ τοῦ ἡσυχίαν εἶχον, φοβούμενοι τὴν τῆσ Σπάρτησ ὑπεροχήν τε καὶ δύναμιν·

ἐπεὶ δὲ διὰ τὸν σεισμὸν ἑώρων τοὺσ πλείουσ αὐτῶν ἀπολωλότασ, κατεφρόνησαν τῶν ἀπολελειμμένων, ὀλίγων ὄντων. διόπερ πρὸσ ἀλλήλουσ συνθέμενοι κοινῇ τὸν πόλεμον ἐξήνεγκαν τὸν πρὸσ τοὺσ Λακεδαιμονίουσ. ὁ δὲ βασιλεὺσ τῶν Λακεδαιμονίων Ἀρχίδαμοσ διὰ τῆσ ἰδίασ προνοίασ καὶ κατὰ τὸν σεισμὸν ἔσωζε τοὺσ πολίτασ καὶ κατὰ τὸν πόλεμον γενναίωσ τοῖσ ἐπιτιθεμένοισ ἀντετάξατο.

τῆσ μὲν γὰρ πόλεωσ συνεχομένησ ὑπὸ τῆσ τοῦ σεισμοῦ δεινότητοσ, πρῶτοσ Σπαρτιατῶν ἐκ τῆσ πόλεωσ ἁρπάσασ τὴν πανοπλίαν ἐπὶ τὴν χώραν ἐξεπήδησε, καὶ τοῖσ ἄλλοισ πολίταισ τὸ αὐτὸ πράττειν παρήγγειλεν.

ὑπακουσάντων δὲ τῶν Σπαρτιατῶν, τοῦτον τὸν τρόπον οἱ περιλειφθέντεσ ἐσώθησαν, οὓσ συντάξασ ὁ βασιλεὺσ Ἀρχίδαμοσ παρεσκευάζετο πολεμεῖν τοῖσ ἀφεστηκόσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 63

(디오도로스 시켈로스, Library, book xi, chapter 63)

상위

목록

SEARCH

MENU NAVIGATION