헬라어 문장 검색 - Διοδορ́Λιβραρψ́4́25́

(디오도로스 시켈로스, Library, book xi, chapter 40)

ὑπακουσάντων δὲ τῶν Ἀθηναίων, οἱ μὲν περὶ τὸν Θεμιστοκλέα πρέσβεισ προῆγον εἰσ τὴν Σπάρτην, οἱ δὲ Ἀθηναῖοι μετὰ μεγάλησ σπουδῆσ ᾠκοδόμουν τὰ τείχη, οὔτ’ οἰκίασ οὔτε τάφου φειδόμενοι. συνελαμβάνοντο δὲ τῶν ἔργων οἵ τε παῖδεσ καὶ αἱ γυναῖκεσ καὶ καθόλου πᾶσ ξένοσ καὶ δοῦλοσ, οὐδενὸσ ἀπολειπομένου τῆσ προθυμίασ. παραδόξωσ δὲ τῶν ἔργων ἀνυομένων διά τε τὰσ πολυχειρίασ καὶ τὰσ τῶν ἁπάντων προθυμίασ, ὁ μὲν Θεμιστοκλῆσ ἀνακληθεὶσ ὑπὸ τῶν ἀρχόντων καὶ ἐπιτιμηθεὶσ περὶ τῆσ τειχοποιίασ ἠρνήσατο τὴν οἰκοδομίαν, καὶ παρεκάλεσε τοὺσ ἄρχοντασ μὴ πιστεύειν κεναῖσ φήμαισ, ἀλλ’ ἀποστέλλειν πρέσβεισ ἀξιοπίστουσ εἰσ τὰσ Ἀθήνασ·

διὰ γὰρ τούτων εἴσεσθαι τἀληθέσ· καὶ τούτων ἐγγυητὴν ἑαυτὸν παρεδίδου καὶ τοὺσ μεθ’ ἑαυτοῦ συμπρεσβεύοντασ. πεισθέντεσ δὲ οἱ Λακεδαιμόνιοι τοὺσ μὲν περὶ τὸν Θεμιστοκλέα παρεφύλαττον, εἰσ δὲ τὰσ Ἀθήνασ ἀπέστειλαν τοὺσ ἐπιφανεστάτουσ κατασκεψομένουσ, περὶ ὧν ἦν χρεία πολυπραγμονῆσαι.

τοῦ δὲ χρόνου διεξελθόντοσ, οἱ μὲν Ἀθηναῖοι τὸ τεῖχοσ ἔφθασαν ἐφ’ ἱκανὸν κατεσκευακότεσ, τοὺσ δὲ τῶν Λακεδαιμονίων πρέσβεισ ἐλθόντασ εἰσ τὰσ Ἀθήνασ καὶ μετ’ ἀνατάσεων καὶ ἀπειλῶν ἐπιτιμῶντασ παρέδωκαν εἰσ φυλακήν, φήσαντεσ τότε ἀφήσειν, ὅταν κἀκεῖνοι τοὺσ περὶ Θεμιστοκλέα πρέσβεισ ἀπολύσωσι. τούτῳ δὲ τῷ τρόπῳ καταστρατηγηθέντεσ οἱ Λάκωνεσ ἠναγκάσθησαν ἀπολῦσαι τοὺσ Ἀθηναίων πρέσβεισ, ἵνα τοὺσ ἰδίουσ ἀπολάβωσιν.

ὁ δὲ Θεμιστοκλῆσ τοιούτῳ στρατηγήματι τειχίσασ τὴν πατρίδα συντόμωσ καὶ ἀκινδύνωσ, μεγάλησ ἀποδοχῆσ ἔτυχε παρὰ τοῖσ πολίταισ. ἅμα δὲ τούτοισ πραττομένοισ Ῥωμαίοισ πρὸσ Αἰκολανοὺσ καὶ τοὺσ τὸ Τοῦσκλον κατοικοῦντασ συνέστη πόλεμοσ, καὶ πρὸσ μὲν Αἰκολανοὺσ μάχην συνάψαντεσ ἐνίκησαν καὶ πολλοὺσ τῶν πολεμίων ἀνεῖλον, μετὰ δὲ ταῦτα τὸ Τοῦσκλον ἐξεπολιόρκησαν καὶ τὴν τῶν Αἰκολανῶν πόλιν ἐχειρώσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 40

(디오도로스 시켈로스, Library, book xi, chapter 40)

상위

목록

SEARCH

MENU NAVIGATION