헬라어 문장 검색 - Διοδορ́Λιβραρψ́4́33́

(디오도로스 시켈로스, Library, book xi, chapter 54)

ἐπ’ ἄρχοντοσ δ’ Ἀθήνησι Πραξιέργου Ῥωμαῖοι μὲν ὑπάτουσ κατέστησαν Αὖλον Οὐεργίνιον Τρίκοστον καὶ Γάιον Σερουίλιον Στροῦκτον. ἐπὶ δὲ τούτων Ἠλεῖοι μὲν πλείουσ καὶ μικρὰσ πόλεισ οἰκοῦντεσ εἰσ μίαν συνῳκίσθησαν τὴν ὀνομαζομένην Ἦλιν. Λακεδαιμόνιοι δὲ ὁρῶντεσ τὴν μὲν Σπάρτην διὰ τὴν Παυσανίου τοῦ στρατηγοῦ προδοσίαν ταπεινῶσ πράττουσαν, τοὺσ δὲ Ἀθηναίουσ εὐδοκιμοῦντασ διὰ τὸ μηδένα παρ’ αὐτοῖσ πολίτην ἐπὶ προδοσίᾳ κατεγνῶσθαι, ἔσπευδον τὰσ Ἀθήνασ ταῖσ ὁμοίαισ περιβαλεῖν διαβολαῖσ.

διόπερ εὐδοκιμοῦντοσ παρ’ αὐτοῖσ Θεμιστοκλέουσ καὶ μεγάλην δόξαν ἔχοντοσ ἐπ’ ἀρετῇ, κατηγόρησαν προδοσίαν αὐτοῦ, φάσκοντεσ φίλον γενέσθαι τοῦ Παυσανίου μέγιστον, καὶ μετὰ τούτου συντεθεῖσθαι κοινῇ προδοῦναι τὴν Ἑλλάδα τῷ Ξέρξῃ.

διελέγοντο δὲ καὶ τοῖσ ἐχθροῖσ τοῦ Θεμιστοκλέουσ, παροξύνοντεσ αὐτοὺσ πρὸσ τὴν κατηγορίαν, καὶ χρήματα ἔδοσαν, διδάσκοντεσ ὅτι Παυσανίασ μὲν κρίνασ προδιδόναι τοὺσ Ἕλληνασ ἐδήλωσε τὴν ἰδίαν ἐπιβολὴν Θεμιστοκλεῖ καὶ παρεκάλεσε κοινωνεῖν τῆσ προθέσεωσ, ὁ δὲ Θεμιστοκλῆσ οὔτε προσεδέξατο τὴν ἔντευξιν οὔτε διαβάλλειν ἔκρινε δεῖν ἄνδρα φίλον.

οὐ μὴν ἀλλὰ κατηγορηθεὶσ ὁ Θεμιστοκλῆσ τότε μὲν ἀπέφυγε τὴν τῆσ προδοσίασ κρίσιν.

διὸ καὶ τὸ μὲν πρῶτον μετὰ τὴν ἀπόλυσιν μέγασ ἦν παρὰ τοῖσ Ἀθηναίοισ· ἠγάπων γὰρ αὐτὸν ἐπὶ τοῖσ πεπραγμένοισ διαφερόντωσ οἱ πολῖται· μετὰ δὲ ταῦτα οἱ μὲν φοβηθέντεσ αὐτοῦ τὴν ὑπεροχήν, οἱ δὲ φθονήσαντεσ τῇ δόξῃ, τῶν μὲν εὐεργεσιῶν ἐπελάθοντο, τὴν δ’ ἰσχὺν αὐτοῦ καὶ τὸ φρόνημα ταπεινοῦν ἔσπευδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 54

(디오도로스 시켈로스, Library, book xi, chapter 54)

상위

목록

SEARCH

MENU NAVIGATION