헬라어 문장 검색 - Διοδορ́Λιβραρψ́4́27́

(디오도로스 시켈로스, Library, book xi, chapter 43)

ὁ δὲ Θεμιστοκλῆσ λαβὼν τὴν ἐξουσίαν τοῦ πράττειν, καὶ πᾶσαν ὑπουργίαν ἔχων ἑτοίμην τοῖσ ἐγχειρουμένοισ, πάλιν ἐπενόησε καταστρατηγῆσαι τοὺσ Λακεδαιμονίουσ· ᾔδει γὰρ ἀκριβῶσ ὅτι καθάπερ ἐπὶ τοῦ τῆσ πόλεωσ τειχισμοῦ διεκώλυσαν οἱ Λακεδαιμόνιοι, τὸν αὐτὸν τρόπον ἐπὶ τῆσ κατασκευῆσ τοῦ λιμένοσ ἐγχειρήσουσι διακόπτειν τῶν Ἀθηναίων τὰσ ἐπιβολάσ. ἔδοξεν οὖν αὐτῷ πρὸσ μὲν τοὺσ Λακεδαιμονίουσ πρέσβεισ ἀποστεῖλαι τοὺσ διδάξοντασ συμφέρειν τοῖσ κοινοῖσ τῆσ Ἑλλάδοσ πράγμασιν ἔχειν ἀξιόχρεων λιμένα πρὸσ τὴν ἀπὸ τῶν Περσῶν ἐσομένην στρατείαν.

διὰ δὲ τούτου τοῦ τρόπου τοὺσ Σπαρτιάτασ ἀμβλυτέρουσ ποιήσασ πρὸσ τὸ κωλύειν, αὐτὸσ εἴχετο τῶν ἔργων, καὶ τῶν πάντων συμφιλοτιμουμένων ταχέωσ συνέβη γενέσθαι καὶ παραδόξωσ κατασκευασθῆναι τὸν λιμένα. ἔπεισε δὲ τὸν δῆμον καθ’ ἕκαστον ἐνιαυτὸν πρὸσ ταῖσ ὑπαρχούσαισ ναυσὶν εἴκοσι τριήρεισ προσκατασκευάζειν, καὶ τοὺσ μετοίκουσ καὶ τοὺσ τεχνίτασ ἀτελεῖσ ποιῆσαι, ὅπωσ ὄχλοσ πολὺσ πανταχόθεν εἰσ τὴν πόλιν κατέλθῃ καὶ πλείουσ τέχνασ κατασκευάσωσιν εὐχερῶσ·

ἀμφότερα γὰρ ταῦτα χρησιμώτατα πρὸσ τὰσ τῶν ναυτικῶν δυνάμεων κατασκευὰσ ὑπάρχειν ἔκρινεν. οἱ μὲν οὖν Ἀθηναῖοι περὶ ταῦτα ἠσχολοῦντο. Λακεδαιμόνιοι δὲ Παυσανίαν τὸν ἐν Πλαταιαῖσ στρατηγήσαντα καταστήσαντεσ ναύαρχον προσέταξαν ἐλευθεροῦν τὰσ Ἑλληνίδασ πόλεισ, ὅσαι βαρβαρικαῖσ φυλακαῖσ διέμενον ἔτι φρουρούμεναι.

οὗτοσ δὲ πεντήκοντα μὲν τριήρεισ ἐκ Πελοποννήσου λαβών, τριάκοντα δὲ παρ’ Ἀθηναίων μεταπεμψάμενοσ, ὧν Ἀριστείδησ ἡγεῖτο, πρῶτον μὲν εἰσ τὴν Κύπρον ἔπλευσε καὶ τῶν πόλεων τὰσ ἔτι φρουρὰσ ἐχούσασ Περσικὰσ ἠλευθέρωσε, μετὰ δὲ ταῦτα πλεύσασ ἐπὶ τὸν Ἑλλήσποντον Βυζάντιον μὲν ὑπὸ Περσῶν κρατούμενον ἐχειρώσατο, καὶ τῶν ἄλλων βαρβάρων οὓσ μὲν ἀνελὼν, οὓσ δ’ ἐκβαλὼν ἠλευθέρωσε τὴν πόλιν, πολλοὺσ δ’ ἐν αὐτῇ Περσῶν ἀξιολόγουσ ζωγρήσασ ἄνδρασ παρέδωκεν εἰσ φυλακὴν Γογγύλῳ τῷ Ἐρετριεῖ, τῷ μὲν λόγῳ πρὸσ τιμωρίαν τηρήσοντι, τῷ δ’ ἔργῳ διασώσοντι πρὸσ Ξέρξην·

συνετέθειτο γὰρ δι’ ἀπορρήτων φιλίαν πρὸσ τὸν βασιλέα, καὶ τὴν θυγατέρα τοῦ Ξέρξου γαμεῖν ἔμελλεν, ἵνα προδῷ τοὺσ Ἕλληνασ.

ἦν δ’ ὁ ταῦτα πραττόμενοσ Ἀρτάβαζοσ στρατηγόσ, καὶ χρημάτων πλῆθοσ ἐχορήγει λάθρᾳ τῷ Παυσανίᾳ πρὸσ τὸ διὰ τούτων φθείρειν τοὺσ εὐθέτουσ τῶν Ἑλλήνων.

ἐγένετο δὲ καταφανὴσ καὶ τιμωρίασ ἔτυχε τοιῷδέ τινι τρόπῳ. ζηλώσαντοσ γὰρ αὐτοῦ τὴν Περσικὴν τρυφὴν καὶ τυραννικῶσ προσφερομένου τοῖσ ὑποτεταγμένοισ, χαλεπῶσ ἔφερον ἅπαντεσ, μάλιστα δὲ οἱ τεταγμένοι τῶν Ἑλλήνων ἐπί τινοσ ἡγεμονίασ.

διόπερ τῶν κατὰ τὴν στρατιὰν καὶ κατὰ ἔθνη καὶ κατὰ πόλεισ ἀλλήλοισ ὁμιλούντων καὶ τοῦ Παυσανίου τῆσ βαρύτητοσ καταλαλούντων, Πελοποννήσιοί τινεσ μὲν καταλιπόντεσ αὐτὸν εἰσ Πελοπόννησον ἀπέπλευσαν, καὶ πρέσβεισ ἀποστείλαντεσ κατηγόρουν τοῦ Παυσανίου, Ἀριστείδησ δὲ ὁ Ἀθηναῖοσ τῷ καιρῷ χρώμενοσ ἐμφρόνωσ ἐν ταῖσ κοινολογίαισ ἀνελάμβανε τὰσ πόλεισ καὶ διὰ τῆσ ὁμιλίασ προσαγόμενοσ ἰδίασ ἐποίησε τοῖσ Ἀθηναίοισ.

ἔτι δὲ μᾶλλον συνήργησε καὶ τὸ αὐτόματον τοῖσ Ἀθηναίοισ διὰ ταύτασ τὰσ αἰτίασ. Παυσανίασ ἦν συντεθειμένοσ ὥστε τοὺσ τὰσ ἐπιστολὰσ παρ’ αὐτοῦ κομίζοντασ πρὸσ τὸν βασιλέα μὴ ἀνακάμπτειν μηδὲ γίνεσθαι μηνυτὰσ τῶν ἀπορρήτων·

δι’ ἣν αἰτίαν ἀναιρουμένων αὐτῶν ὑπὸ τῶν ἀπολαμβανόντων τὰσ ἐπιστολὰσ συνέβαινε μηδένα διασώζεσθαι. ἃ δὴ συλλογισάμενόσ τισ τῶν βιβλιαφόρων ἀνέῳξε τὰσ ἐπιστολάσ, καὶ γνοὺσ ἀληθὲσ ὂν τὸ περὶ τὴν ἀναίρεσιν τῶν κομιζόντων τὰ γράμματα, ἀνέδωκε τοῖσ ἐφόροισ τὰσ ἐπιστολάσ.

τούτων δὲ ἀπιστούντων διὰ τὸ ἀνεῳγμένασ αὐτοῖσ τὰσ ἐπιστολὰσ ἀναδεδόσθαι, καὶ πίστιν ἑτέραν βεβαιοτέραν ζητούντων, ἐπηγγείλατο παραδώσειν αὐτὸν ὁμολογοῦντα.

πορευθεὶσ οὖν ἐπὶ Ταίναρον καὶ καθεζόμενοσ ἐπὶ τῷ τοῦ Ποσειδῶνοσ ἱερῷ διπλῆν σκηνὴν περιεβάλετο, καὶ τοὺσ μὲν ἐφόρουσ καὶ τῶν ἄλλων Σπαρτιατῶν τινασ κατέκρυψε, τοῦ δὲ Παυσανίου παραγενομένου πρὸσ αὐτὸν καὶ πυνθανομένου τὴν αἰτίαν τῆσ ἱκετείασ, ἐμέμψατο αὐτῷ καθ’ ὅσον εἰσ τὴν ἐπιστολὴν ἐνέγραψε τὸν κατ’ αὐτοῦ θάνατον.

τοῦ δὲ Παυσανίου φήσαντοσ μεταμελεῖσθαι καὶ συγγνώμην αἰτουμένου τοῖσ ἀγνοηθεῖσιν, ἔτι δὲ δεηθέντοσ ὅπωσ συγκρύψῃ, καὶ δωρεὰσ μεγάλασ ὑπισχνουμένου, αὐτοὶ μὲν διελύθησαν, οἱ δ’ ἔφοροι καὶ οἱ μετ’ αὐτῶν ἀκριβῶσ μαθόντεσ τἀληθὲσ τότε μὲν ἡσυχίαν ἔσχον, ὕστερον δὲ τῶν Λακεδαιμονίων τοῖσ ἐφόροισ συλλαμβανόντων, προαισθόμενοσ ἔφθασε καὶ κατέφυγεν εἰσ ἱερὸν τὸ τῆσ Ἀθηνᾶσ τῆσ Χαλκιοίκου.

ἀπορουμένων δὲ τῶν Λακεδαιμονίων εἰ τιμωρήσονται τὸν ἱκέτην, λέγεται τὴν μητέρα τοῦ Παυσανίου καταντήσασαν εἰσ τὸ ἱερὸν ἄλλο μὲν μηδὲν μήτ’ εἰπεῖν μήτε πρᾶξαι, πλίνθον δὲ βαστάσασαν ἀναθεῖναι κατὰ τὴν εἰσ τὸ ἱερὸν εἴσοδον, καὶ τοῦτο πράξασαν ἐπανελθεῖν εἰσ τὴν ἰδίαν οἰκίαν.

τοὺσ δὲ Λακεδαιμονίουσ τῇ τῆσ μητρὸσ κρίσει συνακολουθήσαντασ ἐνοικοδομῆσαι τὴν εἴσοδον, καὶ τούτῳ τῷ τρόπῳ συναναγκάσαι τὸν Παυσανίαν λιμῷ καταστρέψαι τὸν βίον.

τὸ μὲν οὖν σῶμα τοῦ τελευτήσαντοσ συνεχωρήθη τοῖσ προσήκουσι καταχῶσαι, τὸ δὲ δαιμόνιον τῆσ τῶν ἱκετῶν σωτηρίασ καταλυθείσησ ἐπεσήμηνε· τῶν γὰρ Λακεδαιμονίων περί τινων ἄλλων ἐν Δελφοῖσ χρηστηριαζομένων, ὁ θεὸσ ἔδωκε χρησμὸν κελεύων ἀποκαταστῆσαι τῇ θεῷ τὸν ἱκέτην.

διόπερ οἱ Σπαρτιᾶται τὴν μαντείαν ἀδύνατον νομίζοντεσ εἶναι, ἠπόρουν ἐφ’ ἱκανὸν χρόνον, οὐ δυνάμενοι ποιῆσαι τὸ προσταττόμενον ὑπὸ τοῦ θεοῦ·

ὅμωσ δ’ ἐκ τῶν ἐνδεχομένων βουλευσάμενοι κατεσκεύασαν εἰκόνασ δύο τοῦ Παυσανίου χαλκᾶσ, καὶ ἀνέθηκαν εἰσ τὸ ἱερὸν τῆσ Ἀθηνᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 43

(디오도로스 시켈로스, Library, book xi, chapter 43)

상위

목록

SEARCH

MENU NAVIGATION