Diodorus Siculus, Library, book xi, chapter 91

(디오도로스 시켈로스, Library, book xi, chapter 91)

ἐπ’ ἄρχοντοσ δ’ Ἀθήνησιν Ἀντιδότου Ῥωμαῖοι κατέστησαν ὑπάτουσ Λεύκιον Ποστούμιον καὶ Μάρκον Ὁράτιον. ἐπὶ δὲ τούτων Δουκέτιοσ ὁ τῶν Σικελῶν ἔχων τὴν ἡγεμονίαν Αἴτνην μὲν κατελάβετο, τὸν ἡγούμενον αὐτῆσ δολοφονήσασ, εἰσ δὲ τὴν Ἀκραγαντίνων χώραν ἀναζεύξασ μετὰ δυνάμεωσ Μότυον φρουρούμενον ὑπὸ τῶν Ἀκραγαντίνων ἐπολιόρκησε· τῶν δὲ Ἀκραγαντίνων καὶ Συρακοσίων ἐπιβοηθησάντων, συνάψασ μάχην καὶ προτερήσασ ἐξήλασεν ἀμφοτέρουσ ἐκ τῶν στρατοπέδων. καὶ τότε μὲν τοῦ χειμῶνοσ ἐνισταμένου διεχωρίσθησαν εἰσ τὴν οἰκείαν, οἱ δὲ Συρακόσιοι τὸν στρατηγὸν Βόλκωνα, τῆσ ἥττησ αἴτιον ὄντα καὶ δόξαντα λάθρᾳ συμπράττειν τῷ Δουκετίῳ, καταδικάσαντεσ ὡσ προδότην ἀπέκτειναν.

τοῦ θέρουσ δὲ ἀρχομένου στρατηγὸν ἕτερον κατέστησαν, ᾧ δύναμιν ἀξιόλογον δόντεσ προσέταξαν καταπολεμῆσαι Δουκέτιον. οὗτοσ δὲ πορευθεὶσ μετὰ τῆσ δυνάμεωσ κατέλαβε τὸν Δουκέτιον στρατοπεδεύοντα περὶ τὰσ Νομάσ·

γενομένησ δὲ παρατάξεωσ μεγάλησ, καὶ πολλῶν παρ’ ἀμφοτέροισ πιπτόντων, μόγισ Συρακόσιοι βιασάμενοι τοὺσ Σικελοὺσ ἐτρέψαντο, καὶ κατὰ τὴν φυγὴν πολλοὺσ ἀνεῖλον. τῶν δὲ διαφυγόντων οἱ πλείουσ μὲν εἰσ τὰ φρούρια τῶν Σικελῶν διεσώθησαν, ὀλίγοι δὲ μετὰ Δουκετίου τῶν αὐτῶν ἐλπίδων μετέχειν προείλοντο. ἅμα δὲ τούτοισ πραττομένοισ Ἀκραγαντῖνοι τὸ Μότυον φρούριον κατεχόμενον ὑπὸ τῶν μετὰ Δουκετίου Σικελῶν ἐξεπολιόρκησαν, καὶ τὴν δύναμιν ἀπαγαγόντεσ πρὸσ τοὺσ Συρακοσίουσ νενικηκότασ ἤδη κοινῇ κατεστρατοπέδευσαν.

Δουκέτιοσ δὲ διὰ τὴν ἧτταν τοῖσ ὅλοισ συντριβείσ, καὶ τῶν στρατιωτῶν αὐτὸν τῶν μὲν καταλειπόντων, τῶν δ’ ἐπιβουλευόντων, εἰσ τὴν ἐσχάτην ἦλθεν ἀπόγνωσιν.

일치하는 문장이 없습니다.

SEARCH

MENU NAVIGATION