Diodorus Siculus, Library, book xi, chapter 67

(디오도로스 시켈로스, Library, book xi, chapter 67)

ἐπ’ ἄρχοντοσ δ’ Ἀθήνησι Λυσανίου Ῥωμαῖοι κατέστησαν ὑπάτουσ Ἄππιον Κλαύδιον καὶ Τίτον Κοί̈ντιον Καπιτώλιον. ἐπὶ δὲ τούτων Θρασύβουλοσ ὁ τῶν Συρακοσίων βασιλεὺσ ἐξέπεσεν ἐκ τῆσ ἀρχῆσ, περὶ οὗ τὰ κατὰ μέροσ ἀναγράφοντασ ἡμᾶσ ἀναγκαῖόν ἐστι βραχὺ τοῖσ χρόνοισ ἀναδραμόντασ ἀπ’ ἀρχῆσ ἅπαντα καθαρῶσ ἐκθεῖναι. Γέλων ὁ Δεινομένουσ ἀρετῇ καὶ στρατηγίᾳ πολὺ τοὺσ ἄλλουσ διενέγκασ καὶ Καρχηδονίουσ καταστρατηγήσασ ἐνίκησε παρατάξει μεγάλῃ τοὺσ βαρβάρουσ, καθότι προείρηται·

χρησάμενοσ δὲ ἐπιεικῶσ τοῖσ καταπολεμηθεῖσι καὶ καθόλου τοῖσ πλησιοχώροισ πᾶσι προσενεχθεὶσ φιλανθρώπωσ, μεγάλησ ἔτυχεν ἀποδοχῆσ παρὰ τοῖσ Σικελιώταισ. οὗτοσ μὲν οὖν ὑπὸ πάντων ἀγαπώμενοσ διὰ τὴν πρᾳότητα, διετέλεσε τὸν βίον εἰρηνικῶσ μέχρι τῆσ τελευτῆσ.

τὴν δὲ βασιλείαν διαδεξάμενοσ Ιἕρων ὁ πρεσβύτατοσ τῶν ἀδελφῶν οὐχ ὁμοίωσ ἦρχε τῶν ὑποτεταγμένων· ἦν γὰρ καὶ φιλάργυροσ καὶ βίαιοσ καὶ καθόλου τῆσ ἁπλότητοσ καὶ καλοκἀγαθίασ ἀλλοτριώτατοσ.

διὸ καὶ πλείονέσ τινεσ ἀφίστασθαι βουλόμενοι παρακατέσχον τὰσ ἰδίασ ὁρμὰσ διὰ τὴν Γέλωνοσ δόξαν καὶ τὴν εἰσ τοὺσ ἅπαντασ Σικελιώτασ εὔνοιαν. μετὰ δὲ τὴν Ιἕρωνοσ τελευτὴν παραλαβὼν τὴν ἀρχὴν Θρασύβουλοσ ὁ ἀδελφὸσ ὑπερέβαλε τῇ κακίᾳ τὸν πρὸ αὐτοῦ βασιλεύσαντα.

βίαιοσ γὰρ ὢν καὶ φονικὸσ πολλοὺσ μὲν τῶν πολιτῶν ἀνῄρει παρὰ τὸ δίκαιον, οὐκ ὀλίγουσ δὲ φυγαδεύων ἐπὶ ψευδέσι διαβολαῖσ τὰσ οὐσίασ εἰσ τὸ βασιλικὸν ἀνελάμβανε· καθόλου δὲ μισῶν καὶ μισούμενοσ ὑπὸ τῶν ἀδικουμένων, μισθοφόρων πλῆθοσ ἐξενολόγησεν, ἀντίταγμα κατασκευάζων ταῖσ πολιτικαῖσ δυνάμεσιν. ἀεὶ δὲ μᾶλλον τοῖσ πολίταισ ἀπεχθόμενοσ, καὶ πολλοὺσ μὲν ὑβρίζων, τοὺσ δὲ ἀναιρῶν, ἠνάγκασε τοὺσ ἀδικουμένουσ ἀποστῆναι.

διόπερ οἱ Συρακόσιοι προστησάμενοι τοὺσ ἡγησομένουσ ὡρ́μησαν ἐπὶ τὴν κατάλυσιν τῆσ τυραννίδοσ πανδημεί, καὶ συνταχθέντεσ ὑπὸ τῶν ἡγεμόνων ἀντείχοντο τῆσ ἐλευθερίασ. Θρασύβουλοσ δὲ ὁρῶν τὴν πόλιν ὅλην ἐπ’ αὐτὸν στρατευομένην, τὸ μὲν πρῶτον ἐπεχείρει λόγῳ καταπαύειν τὴν στάσιν·

ὡσ δ’ ἑώρα τὴν ὁρμὴν τῶν Συρακοσίων ἀκατάπαυστον οὖσαν, συνήγαγεν ἔκ τε τῆσ Κατάνησ τοὺσ κατοικισθέντασ ὑφ’ Ιἕρωνοσ καὶ τοὺσ ἄλλουσ συμμάχουσ, ἔτι δὲ μισθοφόρων πλῆθοσ, ὥστε τοὺσ ἅπαντασ γενέσθαι σχεδὸν περὶ τοὺσ μυρίουσ πεντακισχιλίουσ. οὗτοσ μὲν οὖν τῆσ πόλεωσ κατειληφὼσ τὴν ὀνομαζομένην Ἀχραδινὴν καὶ τὴν Νῆσον ὀχυρὰν οὖσαν, καὶ ἐκ τούτων ὁρμώμενοσ, διεπολέμει πρὸσ τοὺσ ἀφεστῶτασ.

일치하는 문장이 없습니다.

SEARCH

MENU NAVIGATION