헬라어 문장 검색 - Διοδορ́Λιβραρψ́4́12́

(디오도로스 시켈로스, Library, book xi, chapter 20)

ἡμεῖσ δὲ ἀρκούντωσ διεληλυθότεσ περὶ τῶν κατὰ τὴν Εὐρώπην πραχθέντων, μεταβιβάσομεν τὴν διήγησιν ἐπὶ τὰσ ἑτερογενεῖσ πράξεισ. Καρχηδόνιοι γὰρ συντεθειμένοι πρὸσ Πέρσασ τοῖσ αὐτοῖσ καιροῖσ καταπολεμῆσαι τοὺσ κατὰ τὴν Σικελίαν Ἕλληνασ, μεγάλασ παρασκευὰσ ἐποιήσαντο τῶν πρὸσ τὸν πόλεμον χρησίμων. ὡσ δ’ εὐτρεπῆ πάντα αὐτοῖσ ὑπῆρχε, στρατηγὸν εἵλοντο Ἀμίλκωνα, τὸν μάλιστα παρ’ αὐτοῖσ θαυμαζόμενον προκρίναντεσ. οὗτοσ δὲ παραλαβὼν πεζάσ τε καὶ ναυτικὰσ δυνάμεισ μεγάλασ ἐξέπλευσεν ἐκ τῆσ Καρχηδόνοσ, ἔχων πεζὴν μὲν δύναμιν οὐκ ἐλάττω τῶν τριάκοντα μυριάδων, ναῦσ δὲ μακρὰσ πλείουσ τῶν διακοσίων, καὶ χωρὶσ πολλὰσ ναῦσ φορτίδασ τὰσ κομιζούσασ τὴν ἀγοράν, ὑπὲρ τὰσ τρισχιλίασ.

οὗτοσ μὲν οὖν διανύσασ τὸ Λιβυκὸν πέλαγοσ καὶ χειμασθεὶσ ἀπέβαλε τῶν σκαφῶν τὰ κομίζοντα τοὺσ ἱππεῖσ καὶ τὰ ἁρ́ματα. καταπλεύσασ δὲ τῆσ Σικελίασ εἰσ τὸν ἐν τῷ Πανόρμῳ λιμένα διαπεπολεμηκέναι τὸν πόλεμον ἔφησε· πεφοβῆσθαι γὰρ μήποτε ἡ θάλαττα τοὺσ Σικελιώτασ ἐξέληται τῶν κινδύνων. ἐπὶ δὲ τρεῖσ ἡμέρασ ἀναλαβὼν τοὺσ στρατιώτασ καὶ διορθωσάμενοσ τὴν ἐν τῷ χειμῶνι γενομένην ναυαγίαν, προῆγε μετὰ τῆσ δυνάμεωσ ἐπὶ τὴν Ἱμέραν, συμπαραπλέοντοσ τοῦ ναυτικοῦ.

ὡσ δ’ ἦλθε πλησίον τῆσ προειρημένησ πόλεωσ, δύο παρεμβολὰσ ἔθετο, τὴν μὲν τῷ πεζῷ στρατεύματι, τὴν δὲ τῇ ναυτικῇ δυνάμει. καὶ τὰσ μὲν μακρὰσ ναῦσ ἁπάσασ ἐνεώλκησε καὶ τάφρῳ βαθείᾳ καὶ τείχει ξυλίνῳ περιέλαβε, τὴν δὲ τῶν πεζῶν παρεμβολὴν ὠχύρωσεν ἀντιπρόσωπον ποιήσασ τῇ πόλει καὶ παρεκτείνασ ἀπὸ τοῦ ναυτικοῦ παρατειχίσματοσ μέχρι τῶν ὑπερκειμένων λόφων. καθόλου δὲ πᾶν τὸ πρὸσ δυσμὰσ μέροσ καταλαβόμενοσ, τὴν μὲν ἀγορὰν ἅπασαν ἐκ τῶν φορτίδων νεῶν ἐξείλετο, τὰ δὲ πλοῖα ἅπαντα ταχέωσ ἐξαπέστειλε, προστάξασ ἔκ τε τῆσ Λιβύησ καὶ Σαρδοῦσ σῖτον καὶ τὴν ἄλλην ἀγορὰν κομίζειν.

αὐτὸσ δὲ τοὺσ ἀρίστουσ τῶν στρατιωτῶν ἀναλαβὼν ἧκεν ἐπὶ τὴν πόλιν, καὶ τῶν Ἱμεραίων τοὺσ ἐπεξιόντασ τρεψάμενοσ καὶ πολλοὺσ ἀνελὼν κατεπλήξατο τοὺσ ἐν τῇ πόλει.

διὸ καὶ Θήρων ὁ Ἀκραγαντίνων δυνάστησ, ἔχων δύναμιν ἱκανὴν καὶ παραφυλάττων τὴν Ἱμέραν, φοβηθεὶσ εὐθὺσ ἀπέστειλεν εἰσ τὰσ Συρακούσασ, ἀξιῶν τὸν Γέλωνα βοηθεῖν τὴν ταχίστην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 20

(디오도로스 시켈로스, Library, book xi, chapter 20)

상위

목록

SEARCH

MENU NAVIGATION