헬라어 문장 검색 - Διοδορ́Λιβραρψ́4́09́

(디오도로스 시켈로스, Library, book xi, chapter 12)

ἡμεῖσ δὲ ἀρκούντωσ περὶ τῆσ τούτων τῶν ἀνδρῶν ἀρετῆσ εἰρηκότεσ ἐπάνιμεν ἐπὶ τὰ συνεχῆ τοῖσ εἰρημένοισ. Ξέρξησ γὰρ τῶν παρόδων τὸν εἰρημένον τρόπον κρατήσασ καὶ κατὰ τὴν παροιμίαν τὴν Καδμείαν νίκην νενικηκώσ, ὀλίγουσ μὲν τῶν πολεμίων ἀνεῖλε, πολλαπλασίουσ δὲ τῶν ἰδίων ἀπώλεσεν. ἐπεὶ δὲ πεζῇ τῶν παρόδων ἐκυρίευσε, τῶν κατὰ τὴν θάλατταν ἀγώνων ἔκρινε λαμβάνειν πεῖραν. εὐθὺσ οὖν τὸν ἀφηγούμενον τοῦ στόλου Μεγαβάτην προσκαλεσάμενοσ διεκελεύσατο πλεῖν ἐπὶ τὸ τῶν Ἑλλήνων ναυτικὸν καὶ πειρᾶσθαι παντὶ τῷ στόλῳ ναυμαχεῖν πρὸσ τοὺσ Ἕλληνασ.

ὁ δὲ ταῖσ τοῦ βασιλέωσ παραγγελίαισ ἀκολουθῶν ἐκ Πύδνησ τῆσ Μακεδονικῆσ ἀνήχθη παντὶ τῷ στόλῳ, καὶ κατέπλευσε τῆσ Μαγνησίασ πρὸσ ἄκραν τὴν ὀνομαζομένην Σηπιάδα.

ἐνταῦθα δὲ μεγάλου πνεύματοσ ἐπιγενομένου ἀπέβαλε ναῦσ μακρὰσ μὲν ὑπὲρ τὰσ τριακοσίασ, ἱππαγωγοὺσ δὲ καὶ τῶν ἄλλων παμπληθεῖσ. λήξαντοσ δὲ τοῦ πνεύματοσ ἀναχθεὶσ κατέπλευσεν εἰσ Ἀφέτασ τῆσ Μαγνησίασ. ἐκεῖθεν δὲ διακοσίασ τριήρεισ ἐξέπεμψε, προστάξασ τοῖσ ἡγεμόσι περιπλεῦσαι καὶ τὴν Εὔβοιαν δεξιὰν λαβόντασ κυκλώσασθαι τοὺσ πολεμίουσ. οἱ δ’ Ἕλληνεσ ὡρ́μουν μὲν ἐπ’ Ἀρτεμισίῳ τῆσ Εὐβοίασ, εἶχον δὲ τὰσ πάσασ τριήρεισ διακοσίασ καὶ ὀγδοήκοντα·

καὶ τούτων ἦσαν τῶν μὲν Ἀθηναίων ἑκατὸν καὶ τετταράκοντα, αἱ δὲ λοιπαὶ τῶν ἄλλων Ἑλλήνων. τούτων δὲ ναύαρχοσ μὲν ἦν Εὐρυβιάδησ ὁ Σπαρτιάτησ, διῴκει δὲ τὰ περὶ τὸν στόλον Θεμιστοκλῆσ ὁ Ἀθηναῖοσ· οὗτοσ γὰρ διὰ σύνεσιν καὶ στρατηγίαν μεγάλησ ἀποδοχῆσ ἐτύγχανεν οὐ μόνον ἐν τοῖσ κατὰ τὸ ναυτικὸν Ἕλλησιν, ἀλλὰ καὶ παρ’ αὐτῷ τῷ Εὐρυβιάδῃ, καὶ πάντεσ τούτῳ προσέχοντεσ προθύμωσ ὑπήκουον. προτεθείσησ δὲ βουλῆσ ἐν τοῖσ τῶν νεῶν ἡγεμόσι περὶ τῆσ ναυμαχίασ, οἱ μὲν ἄλλοι πάντεσ τὴν ἡσυχίαν ἔκριναν ἔχειν καὶ τὸν ἐπίπλουν τῶν πολεμίων ἀναδέχεσθαι, μόνοσ δὲ Θεμιστοκλῆσ τὴν ἐναντίαν ἀπεφήνατο γνώμην, διδάσκων ὅτι συμφέρει παντὶ τῷ στόλῳ συντεταγμένῳ πλεῖν ἐπὶ τοὺσ πολεμίουσ·

οὕτω γὰρ αὐτοὺσ πλεονεκτήσειν ἀθρόαισ ταῖσ ναυσὶν ἐπιπλέοντασ τοῖσ διὰ τὴν ταραχὴν διεσπασμένην ἔχουσι τὴν τάξιν, ὡσ ἂν ἐκ πολλῶν καὶ διεστηκότων λιμένων ἐκπλέουσι. τέλοσ δὲ κατὰ τὴν Θεμιστοκλέουσ κρίσιν οἱ Ἕλληνεσ παντὶ τῷ στόλῳ τοῖσ πολεμίοισ ἐπέπλευσαν. τῶν δὲ βαρβάρων ἐκ πολλῶν λιμένων ἀναγομένων, τὸ μὲν πρῶτον οἱ περὶ τὸν Θεμιστοκλέα διεσπαρμένοισ τοῖσ Πέρσαισ συμπλεκόμενοι πολλὰσ μὲν ναῦσ κατέδυσαν, οὐκ ὀλίγασ δὲ φυγεῖν ἀναγκάσαντεσ μέχρι τῆσ γῆσ κατεδίωξαν·

μετὰ δὲ ταῦτα παντὸσ τοῦ στόλου συναχθέντοσ καὶ γενομένησ ναυμαχίασ ἰσχυρᾶσ, μέρει μὲν τῶν νεῶν ἑκάτεροι ἐπροτέρησαν, οὐδέτεροι δὲ ὁλοσχερεῖ νίκῃ πλεονεκτήσαντεσ νυκτὸσ ἐπιλαβούσησ διελύθησαν. μετὰ δὲ τὴν ναυμαχίαν χειμὼν ἐπιγενόμενοσ μέγασ πολλὰσ ἐκτὸσ τοῦ λιμένοσ ὁρμούσασ τῶν νεῶν διέφθειρεν, ὥστε δοκεῖν τὸ θεῖον ἀντιλαμβάνεσθαι τῶν Ἑλλήνων, ἵνα τοῦ πλήθουσ τῶν βαρβαρικῶν νεῶν ταπεινωθέντοσ ἀντίπαλοσ ἡ τῶν Ἑλλήνων δύναμισ γένηται καὶ πρὸσ τὰσ ναυμαχίασ ἀξιόχρεωσ διόπερ οἱ μὲν Ἕλληνεσ ἀεὶ μᾶλλον ἐθάρρουν, οἱ δὲ βάρβαροι ἀεὶ πρὸσ τοὺσ κινδύνουσ ἐγίνοντο δειλότεροι.

οὐ μὴν ἀλλ’ ἀναλαβόντεσ ἑαυτοὺσ ἐκ τῆσ ναυαγίασ ἁπάσαισ ταῖσ ναυσὶν ἀνήχθησαν ἐπὶ τοὺσ πολεμίουσ. οἱ δ’ Ἕλληνεσ, προσγενομένων αὐτοῖσ τριήρων πεντήκοντα Ἀττικῶν, ἀντιπαρετάχθησαν τοῖσ βαρβάροισ.

ἦν δ’ αὐτῶν ἡ ναυμαχία παραπλήσιοσ ταῖσ περὶ τὰσ Θερμοπύλασ μάχαισ· οἱ μὲν γὰρ Πέρσαι διεγνώκεσαν βιάσασθαι τοὺσ Ἕλληνασ καὶ τὸν Εὔριπον διεκπλεῦσαι, οἱ δ’ Ἕλληνεσ ἐμφράξαντεσ τὰ στενὰ προεμάχοντο τῶν ἐντὸσ τῆσ Εὐβοίασ συμμαχούντων. γενομένησ δὲ ναυμαχίασ ἰσχυρᾶσ πολλαὶ νῆεσ παρ’ ἀμφοτέρων διεφθάρησαν, καὶ νυκτὸσ ἐπιγενομένησ ἠναγκάσθησαν ἀνακάμπτειν ἐπὶ τοὺσ οἰκείουσ λιμένασ. ἀριστεῦσαι δὲ ἐν ἀμφοτέραισ ταῖσ ναυμαχίαισ φασὶ παρὰ μὲν τοῖσ Ἕλλησιν Ἀθηναίουσ, παρὰ δὲ τοῖσ βαρβάροισ Σιδωνίουσ. μετὰ δὲ ταῦτα οἱ Ἕλληνεσ ἀκούσαντεσ τὰ περὶ Θερμοπύλασ γενόμενα, πυθόμενοι δὲ καὶ τοὺσ Πέρσασ πεζῇ προάγειν ἐπὶ τὰσ Ἀθήνασ, ἠθύμησαν·

διόπερ ἀποπλεύσαντεσ εἰσ Σαλαμῖνα διέτριβον ἐνταῦθα. οἱ δ’ Ἀθηναῖοι θεωροῦντεσ πανδημεὶ κινδυνεύοντασ τοὺσ ἐν ταῖσ Ἀθήναισ, τέκνα καὶ γυναῖκασ καὶ τῶν ἄλλων χρησίμων ὅσα δυνατὸν ἦν εἰσ τὰσ ναῦσ ἐνθέντεσ διεκόμισαν εἰσ Σαλαμῖνα.

ὁ δὲ τῶν Περσῶν ναύαρχοσ πυθόμενοσ τὸν τῶν πολεμίων ἀπόπλουν, κατῆρεν εἰσ τὴν Εὔβοιαν μετὰ παντὸσ τοῦ στόλου, καὶ τὴν τῶν Ἱστιαιέων πόλιν βίᾳ χειρωσάμενοσ καὶ διαρπάσασ τὴν χώραν αὐτῶν ἐδῄωσεν.

ἅμα δὲ τούτοισ πραττομένοισ Ξέρξησ ἀπὸ τῶν Θερμοπυλῶν ἀναζεύξασ προῆγε διὰ τῆσ Φωκέων χώρασ, πορθῶν μὲν τὰσ πόλεισ, καταφθείρων δὲ τὰσ ἐπὶ τῆσ χώρασ κτήσεισ.

οἱ δὲ Φωκεῖσ τὰ τῶν Ἑλλήνων ᾑρημένοι, καὶ θεωροῦντεσ αὐτοὺσ οὐκ ἀξιομάχουσ ὄντασ, τὰσ μὲν πόλεισ ἁπάσασ ἐξέλιπον πανδημεί, πρὸσ δὲ τὰσ δυσχωρίασ τὰσ ἐν τῷ Παρνασσῷ κατέφυγον. μετὰ δὲ ταῦτα ὁ βασιλεὺσ τὴν μὲν τῶν Δωριέων χώραν διεξιὼν οὐδὲν ἠδίκει·

συνεμάχουν γὰρ Πέρσαισ· αὐτοῦ δὲ μέροσ μὲν τῆσ δυνάμεωσ ἀπέλιπε, καὶ προσέταξεν εἰσ Δελφοὺσ ἰέναι καὶ τὸ μὲν τέμενοσ τοῦ Ἀπόλλωνοσ ἐμπρῆσαι, τὰ δὲ ἀναθήματα συλῆσαι, αὐτὸσ δὲ μετὰ τῶν ἄλλων βαρβάρων προελθὼν εἰσ τὴν Βοιωτίαν κατεστρατοπέδευσεν. οἱ δ’ ἐπὶ τὴν σύλησιν τοῦ μαντείου πεμφθέντεσ προῆλθον μὲν μέχρι τοῦ ναοῦ τῆσ Προναίασ Ἀθηνᾶσ, ἐνταῦθα δὲ παραδόξωσ ὄμβρων μεγάλων καὶ κεραυνῶν πολλῶν ἐκ τοῦ περιέχοντοσ πεσόντων, πρὸσ δὲ τούτοισ τῶν χειμώνων πέτρασ μεγάλασ ἀπορρηξάντων εἰσ τὸ στρατόπεδον τῶν βαρβάρων, συνέβη διαφθαρῆναι συχνοὺσ τῶν Περσῶν, πάντασ δὲ καταπλαγέντασ τὴν τῶν θεῶν ἐνέργειαν φυγεῖν ἐκ τῶν τόπων.

τὸ μὲν οὖν ἐν Δελφοῖσ μαντεῖον δαιμονίᾳ τινὶ προνοίᾳ τὴν σύλησιν διέφυγεν·

οἱ δὲ Δελφοὶ τῆσ τῶν θεῶν ἐπιφανείασ ἀθάνατον ὑπόμνημα καταλιπεῖν τοῖσ μεταγενεστέροισ βουλόμενοι, τρόπαιον ἔστησαν παρὰ τὸ τῆσ Προναίασ Ἀθηνᾶσ ἱερόν, ἐν ᾧ τόδε τὸ ἐλεγεῖον ἐνέγραψαν, μνᾶμά τ’ ἀλεξάνδρου πολέμου καὶ μάρτυρα νίκασ Δελφοί με στᾶσαν, Ζανὶ χαριζόμενοι σὺν Φοίβῳ, πτολίπορθον ἀπωσαμένοισ στίχα Μήδων καὶ χαλκοστέφανον ῥυσαμένοισ τέμενοσ. Ξέρξησ δὲ διὰ τῆσ Βοιωτίασ διεξιὼν τὴν μὲν τῶν Θεσπιέων χώραν κατέφθειρε, τὰσ δὲ Πλαταιὰσ ἐρήμουσ οὔσασ ἐνέπρησεν·

οἱ γὰρ ἐν ταῖσ πόλεσι ταύταισ κατοικοῦντεσ ἐπεφεύγεσαν εἰσ Πελοπόννησον πανδημεί. μετὰ δὲ ταῦτα εἰσ τὴν Ἀττικὴν ἐμβαλόντεσ τὴν μὲν χώραν ἐδῄωσαν, τὰσ δὲ Ἀθήνασ κατέσκαψαν καὶ τοὺσ τῶν θεῶν ναοὺσ ἐνέπρησαν. τοῦ δὲ βασιλέωσ περὶ ταῦτα διατρίβοντοσ, κατέπλευσεν ὁ στόλοσ ἐκ τῆσ Εὐβοίασ εἰσ τὴν Ἀττικήν, πεπορθηκὼσ τήν τε Εὔβοιαν καὶ τὴν παράλιον τῆσ Ἀττικῆσ. κατὰ δὲ τοῦτον τὸν καιρὸν Κερκυραῖοι μὲν πληρώσαντεσ ἑξήκοντα τριήρεισ διέτριβον περὶ τὴν Πελοπόννησον, ὡσ μὲν αὐτοί φασιν, οὐ δυνάμενοι κάμψαι τὸ περὶ τὸν Μαλέαν ἀκρωτήριον, ὡσ δέ τινεσ τῶν συγγραφέων ἱστοροῦσι, καραδοκοῦντεσ τὰσ τοῦ πολέμου ῥοπάσ, ὅπωσ Περσῶν μὲν κρατησάντων ἐκείνοισ δῶσιν ὕδωρ καὶ γῆν, τῶν δ’ Ἑλλήνων νικώντων δόξωσιν αὐτοῖσ βεβοηθηκέναι.

οἱ δὲ περὶ τὴν Σαλαμῖνα διατρίβοντεσ Ἀθηναῖοι, θεωροῦντεσ τὴν Ἀττικὴν πυρπολουμένην καὶ τὸ τέμενοσ τῆσ Ἀθηνᾶσ ἀκούοντεσ κατεσκάφθαι, δεινῶσ ἠθύμουν.

ὁμοίωσ δὲ καὶ τοὺσ ἄλλουσ Ἕλληνασ πολὺσ κατεῖχε φόβοσ πανταχόθεν συνεληλαμένουσ εἰσ αὐτὴν τὴν Πελοπόννησον. ἔδοξεν οὖν αὐτοῖσ πάντασ τοὺσ ἐφ’ ἡγεμονίασ τεταγμένουσ συνεδρεῦσαι καὶ βουλεύσασθαι, κατὰ ποίουσ τόπουσ συμφέρει ποιεῖσθαι τὴν ναυμαχίαν. πολλῶν δὲ καὶ ποικίλων λόγων ῥηθέντων, οἱ μὲν Πελοποννήσιοι, τῆσ ἰδίασ μόνον ἀσφαλείασ φροντίζοντεσ, ἔφασαν δεῖν περὶ τὸν Ἰσθμὸν συστήσασθαι τὸν ἀγῶνα·

τετειχισμένου γὰρ αὐτοῦ καλῶσ, ἐάν τι περὶ τὴν ναυμαχίαν γένηται πταῖσμα, δυνήσεσθαι τοὺσ ἠτυχηκότασ εἰσ ἑτοιμοτάτην ἀσφάλειαν καταφυγεῖν τὴν Πελοπόννησον· ἐὰν δὲ συγκλείσωσιν ἑαυτοὺσ εἰσ μικρὰν νῆσον τὴν Σαλαμῖνα, δυσβοηθήτοισ κακοῖσ περιπεσεῖσθαι. Θεμιστοκλῆσ δὲ συνεβούλευσε περὶ τὴν Σαλαμῖνα ποιεῖσθαι τὸν ἀγῶνα τῶν νεῶν·

πολλὰ γὰρ πλεονεκτήσειν ἐν ταῖσ στενοχωρίαισ τοὺσ ὀλίγοισ σκάφεσι διαγωνιζομένουσ πρὸσ πολλαπλασίασ ναῦσ. καθόλου δὲ τὸν περὶ τὸν Ἰσθμὸν τόπον ἀπεφαίνετο παντελῶσ ἄθετον ἔσεσθαι πρὸσ τὴν ναυμαχίαν· ἔσεσθαι γὰρ πελάγιον τὸν ἀγῶνα, καὶ τοὺσ Πέρσασ διὰ τὴν εὐρυχωρίαν ῥᾳδίωσ καταπονήσεσθαι τὰσ ὀλίγασ ναῦσ ταῖσ πολλαπλασίαισ. ὁμοίωσ δὲ καὶ ἄλλα πολλὰ διαλεχθεὶσ οἰκεῖα τῆσ περιστάσεωσ, ἅπαντασ ἔπεισεν αὐτῷ συμψήφουσ γενέσθαι τοῦτον τὸν τρόπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 12

(디오도로스 시켈로스, Library, book xi, chapter 12)

상위

목록

SEARCH

MENU NAVIGATION