헬라어 문장 검색 - Διοδορ́Λιβραρψ́4́21́

(디오도로스 시켈로스, Library, book xi, chapter 33)

τοιοῦτον δὲ πέρασ τῆσ μάχησ λαβούσησ, οἱ μὲν Ἕλληνεσ τοὺσ πεσόντασ ἔθαψαν, ὄντασ πλείουσ τῶν μυρίων. διελόμενοι δὲ τὰ λάφυρα κατὰ τὸν τῶν στρατιωτῶν ἀριθμὸν τὴν περὶ τῶν ἀριστείων κρίσιν ἐποιήσαντο, καὶ Ἀριστείδου κελεύσαντοσ ἔκριναν ἀριστεῦσαι πόλιν μὲν Σπάρτην, ἄνδρα δὲ Παυσανίαν τὸν Λακεδαιμόνιον. Ἀρτάβαζοσ δ’ ἔχων τῶν φευγόντων Περσῶν εἰσ τετρακισμυρίουσ, καὶ διὰ τῆσ Φωκίδοσ εἰσ Μακεδονίαν πορευθείσ, ὀξυτάταισ πορείαισ ἐχρῆτο, καὶ ἐσώθη μετὰ τῶν στρατιωτῶν εἰσ τὴν Ἀσίαν. οἱ δ’ Ἕλληνεσ ἐκ τῶν λαφύρων δεκάτην ἐξελόμενοι κατεσκεύασαν χρυσοῦν τρίποδα, καὶ ἀνέθηκαν εἰσ Δελφοὺσ χαριστήριον τῷ θεῷ, ἐπιγράψαντεσ ἐλεγεῖον τόδε, Ἑλλάδοσ εὐρυχόρου σωτῆρεσ τόνδ’ ἀνέθηκαν, δουλοσύνησ στυγερᾶσ ῥυσάμενοι πόλιασ.

ἐπέγραψαν δὲ καὶ τοῖσ ἐν Θερμοπύλαισ ἀποθανοῦσι Λακεδαιμονίοισ κοινῇ μὲν ἅπασι τόδε, μυριάσιν ποτὲ τῇδε διηκοσίαισ ἐμάχοντο ἐκ Πελοποννήσου χιλιάδεσ τέτορεσ, ἰδίᾳ δὲ αὐτοῖσ τόδε, ὦ ξεῖν’, ἄγγειλον Λακεδαιμονίοισ ὅτι τῇδε κείμεθα τοῖσ κείνων πειθόμενοι νομίμοισ. ὁμοίωσ δὲ καὶ ὁ τῶν Ἀθηναίων δῆμοσ ἐκόσμησε τοὺσ τάφουσ τῶν ἐν τῷ Περσικῷ πολέμῳ τελευτησάντων, καὶ τὸν ἀγῶνα τὸν ἐπιτάφιον τότε πρῶτον ἐποίησε, καὶ νόμον ἔθηκε λέγειν ἐγκώμια τοῖσ δημοσίᾳ θαπτομένοισ τοὺσ προαιρεθέντασ τῶν ῥητόρων.

μετὰ δὲ ταῦτα Παυσανίασ μὲν ὁ στρατηγὸσ ἀναλαβὼν τὴν δύναμιν ἐστράτευσεν ἐπὶ τὰσ Θήβασ, καὶ τοὺσ αἰτίουσ τῆσ πρὸσ Πέρσασ συμμαχίασ ἐξῄτει πρὸσ τὴν τιμωρίαν·

τῶν δὲ Θηβαίων καταπεπληγμένων τό τε πλῆθοσ τῶν πολεμίων καὶ τὰσ ἀρετάσ, οἱ μὲν αἰτιώτατοι τῆσ ἀπὸ τῶν Ἑλλήνων ἀποστάσεωσ ἑκουσίωσ ὑπομείναντεσ τὴν παράδοσιν ἐκολάσθησαν ὑπὸ τοῦ Παυσανίου καὶ πάντεσ ἀνῃρέθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 33

(디오도로스 시켈로스, Library, book xi, chapter 33)

상위

목록

SEARCH

MENU NAVIGATION