헬라어 문장 검색 - Διοδορ́Λιβραρψ́4́07́

(디오도로스 시켈로스, Library, book xi, chapter 8)

τῇ δ’ ὑστεραίᾳ Ξέρξησ μέν, παρὰ προσδοκίαν αὐτῷ τῆσ μάχησ λαβούσησ τὸ τέλοσ, ἐξ ἁπάντων τῶν ἐθνῶν ἐπέλεξε τοὺσ δοκοῦντασ ἀνδρείᾳ καὶ θράσει διαφέρειν, καὶ πολλὰ δεηθεὶσ αὐτῶν προεῖπεν, ὅτι βιασαμένοισ μὲν αὐτοῖσ τὴν εἴσοδον δωρεὰσ ἀξιολόγουσ δώσει, φεύγουσι δὲ θάνατοσ ἔσται τὸ πρόστιμον. τούτων δὲ μετὰ μεγάλησ συστροφῆσ καὶ βίασ ἐπιρραξάντων τοῖσ Ἕλλησιν, οἱ περὶ Λεωνίδην τότε συμφράξαντεσ καὶ τείχει παραπλησίαν ποιησάμενοι τὴν σύστασιν ἐκθύμωσ ἠγωνίζοντο.

ἐπὶ τοσοῦτο δὲ προέβησαν ταῖσ προθυμίαισ, ὥστε τοὺσ εἰωθότασ ἐκ διαδοχῆσ μεταλαμβάνειν τῆσ μάχησ οὐ συνεχώρησαν, ἀλλὰ τῇ συνεχείᾳ τῆσ κακοπαθείασ περιγενόμενοι πολλοὺσ ἀνῄρουν τῶν ἐπιλέκτων βαρβάρων. ἐνημερεύοντεσ δὲ τοῖσ κινδύνοισ ἡμιλλῶντο πρὸσ ἀλλήλουσ·

οἱ μὲν γὰρ πρεσβύτεροι πρὸσ τὰσ τῶν νέων ἀκμὰσ παρεβάλλοντο, οἱ δὲ νεώτεροι πρὸσ τὰσ τῶν πρεσβυτέρων ἐμπειρίασ τε καὶ δόξασ ἡμιλλῶντο. τέλοσ δὲ φευγόντων καὶ τῶν ἐπιλέκτων, οἱ τὴν ἐπιτεταγμένην στάσιν ἔχοντεσ τῶν βαρβάρων συμφράξαντεσ οὐκ εἰών φεύγειν τοὺσ ἐπιλέκτουσ· διόπερ ἠναγκάζοντο πάλιν ἀναστρέφειν καὶ μάχεσθαι. ἀπορουμένου δὲ τοῦ βασιλέωσ καὶ νομίζοντοσ μηδένα τολμήσειν ἔτι μάχεσθαι, ἧκε πρὸσ αὐτὸν Τραχίνιόσ τισ τῶν ἐγχωρίων, ἔμπειροσ ὢν τῆσ ὀρεινῆσ χώρασ.

οὗτοσ τῷ Ξέρξῃ προσελθὼν ἐπηγγείλατο διά τινοσ ἀτραποῦ στενῆσ καὶ παρακρήμνου τοὺσ Πέρσασ ὁδηγήσειν, ὥστε γενέσθαι τοὺσ συνελθόντασ αὐτῷ κατόπιν τῶν περὶ τὸν Λεωνίδην, καὶ τούτῳ τῷ τρόπῳ περιληφθέντασ αὐτοὺσ εἰσ τὸ μέσον ῥᾳδίωσ ἀναιρεθήσεσθαι. ὁ δὲ βασιλεὺσ περιχαρὴσ ἐγένετο, καὶ τιμήσασ δωρεαῖσ τὸν Τραχίνιον συνεξέπεμψεν αὐτῷ στρατιώτασ δισμυρίουσ νυκτόσ.

τῶν δὲ παρὰ τοῖσ Πέρσαισ τισ ὄνομα Τυρραστιάδασ, τὸ γένοσ ὢν Κυμαῖοσ, φιλόκαλοσ δὲ καὶ τὸν τρόπον ὢν ἀγαθόσ, διαδρὰσ ἐκ τῆσ τῶν Περσῶν παρεμβολῆσ νυκτὸσ ἧκε πρὸσ τοὺσ περὶ τὸν Λεωνίδην, καὶ τὰ περὶ τὸν Τραχίνιον ἀγνοοῦσιν ἐδήλωσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 8

(디오도로스 시켈로스, Library, book xi, chapter 8)

상위

목록

SEARCH

MENU NAVIGATION