헬라어 문장 검색 - Διοδορ́Λιβραρψ́4́18́

(디오도로스 시켈로스, Library, book xi, chapter 28)

διαβοηθείσησ δὲ τῆσ τῶν Ἀθηναίων πρὸσ τοὺσ Ἕλληνασ ἀλλοτριότητοσ, ἧκον εἰσ τὰσ Ἀθήνασ πρέσβεισ παρὰ Περσῶν καὶ παρὰ τῶν Ἑλλήνων. οἱ μὲν οὖν ὑπὸ τῶν Περσῶν ἀποσταλέντεσ ἔφασαν τὸν στρατηγὸν Μαρδόνιον ἐπαγγέλλεσθαι τοῖσ Ἀθηναίοισ, ἐὰν τὰ Περσῶν προέλωνται, δώσειν χώραν ἣν ἂν βούλωνται τῆσ Ἑλλάδοσ, καὶ τὰ τείχη καὶ τοὺσ ναοὺσ πάλιν ἀνοικοδομήσειν, καὶ τὴν πόλιν ἐάσειν αὐτόνομον· οἱ δὲ παρὰ τῶν Λακεδαιμονίων πεμφθέντεσ ἠξίουν μὴ πεισθῆναι τοῖσ βαρβάροισ, ἀλλὰ τηρεῖν τὴν πρὸσ τοὺσ Ἕλληνασ καὶ συγγενεῖσ καὶ ὁμοφώνουσ εὔνοιαν. οἱ δὲ Ἀθηναῖοι τοῖσ βαρβάροισ ἀπεκρίθησαν, ὡσ οὔτε χώρα τοῖσ Πέρσαισ ἐστὶ τοιαύτη οὔτε χρυσὸσ τοσοῦτοσ ὃν Ἀθηναῖοι δεξάμενοι τοὺσ Ἕλληνασ ἐγκαταλείψουσι·

τοῖσ δὲ Λακεδαιμονίοισ εἶπον, ὡσ αὐτοὶ μὲν ἣν πρότερον ἐποιοῦντο φροντίδα τῆσ Ἑλλάδοσ καὶ μετὰ ταῦτα πειράσονται τὴν αὐτὴν διαφυλάττειν, ἐκείνουσ δ’ ἠξίουν τὴν ταχίστην ἐλθεῖν εἰσ τὴν Ἀττικὴν μετὰ πάντων τῶν συμμάχων· πρόδηλον γὰρ εἶναι, διότι Μαρδόνιοσ, ἠναντιωμένων τῶν Ἀθηναίων αὐτῷ, μετὰ δυνάμεωσ ἥξει ἐπὶ τὰσ Ἀθήνασ. ὃ καὶ συνέβη γενέσθαι· ὁ γὰρ Μαρδόνιοσ ἐν τῇ Βοιωτίᾳ διατρίβων μετὰ τῶν δυνάμεων τὸ μὲν πρῶτον τῶν ἐν Πελοποννήσῳ πόλεων ἐπειρᾶτό τινασ ἀφιστάνειν,χρήματα διαπεμπόμενοσ τοῖσ προεστηκόσι τῶν πόλεων, μετὰ δὲ ταῦτα πυνθανόμενοσ τὴν τῶν Ἀθηναίων ἀπόκρισιν καὶ παροξυνθείσ, ἅπασαν ἦγεν ἐπὶ τὴν Ἀττικὴν τὴν δύναμιν·

χωρὶσ γὰρ τῆσ δεδομένησ ὑπὸ Ξέρξου στρατιᾶσ πολλοὺσ ἄλλουσ αὐτὸσ Μαρδόνιοσ ἐκ τῆσ Θρᾴκησ καὶ Μακεδονίασ καὶ τῶν ἄλλων τῶν συμμαχίδων πόλεων ἠθροίκει, πλείουσ τῶν εἴκοσι μυριάδων.

τηλικαύτησ δὲ δυνάμεωσ προαγούσησ εἰσ τὴν Ἀττικήν, οἱ μὲν Ἀθηναῖοι βιβλιαφόρουσ ἀπέστειλαν πρὸσ τοὺσ Λακεδαιμονίουσ δεόμενοι βοηθεῖν·

βραδυνόντων δὲ αὐτῶν καὶ τῶν βαρβάρων ἐμβαλόντων εἰσ τὴν Ἀττικήν, κατεπλάγησαν, καὶ πάλιν ἀναλαβόντεσ τέκνα καὶ γυναῖκασ καὶ τῶν ἄλλων ὅσα δυνατὸν ἦν ταχέωσ ἀποκομίζειν, ἐξέλιπον τὴν πατρίδα καὶ συνέφυγον πάλιν εἰσ τὴν Σαλαμῖνα. ὁ δὲ Μαρδόνιοσ χαλεπῶσ ἔχων πρὸσ αὐτούσ, τὴν χώραν ἅπασαν κατέφθειρε καὶ τὴν πόλιν κατέσκαψε καὶ τὰ ἱερὰ τὰ καταλελειμμένα παντελῶσ ἐλυμήνατο.

ἐπανελθόντοσ δὲ εἰσ τὰσ Θήβασ τοῦ Μαρδονίου μετὰ τῆσ δυνάμεωσ, ἔδοξε τοῖσ συνέδροισ τῶν Ἑλλήνων παραλαβεῖν τοὺσ Ἀθηναίουσ, καὶ πανδημεὶ προσελθόντασ εἰσ τὰσ Πλαταιὰσ διαγωνίσασθαι περὶ τῆσ ἐλευθερίασ, εὔξασθαι δὲ καὶ τοῖσ θεοῖσ, ἐὰν νικήσωσιν, ἄγειν κατὰ ταύτην τὴν ἡμέραν τοὺσ Ἕλληνασ ἐλευθέρια κοινῇ, καὶ τὸν ἐλευθέριον ἀγῶνα συντελεῖν ἐν ταῖσ Πλαταιαῖσ.

συναχθέντων δὲ τῶν Ἑλλήνων εἰσ τὸν Ἰσθμόν, ἐδόκει τοῖσ πᾶσιν ὁρ́κον ὀμόσαι περὶ τοῦ πολέμου, τὸν στέξοντα μὲν τὴν ὁμόνοιαν αὐτῶν, ἀναγκάσοντα δὲ γενναίωσ τοὺσ κινδύνουσ ὑπομένειν.

ὁ δὲ ὁρ́κοσ ἦν τοιοῦτοσ·

οὐ ποιήσομαι περὶ πλείονοσ τὸ ζῆν τῆσ ἐλευθερίασ, οὐδὲ καταλείψω τοὺσ ἡγεμόνασ οὔτε ζῶντασ οὔτε ἀποθανόντασ, ἀλλὰ τοὺσ ἐν τῇ μάχῃ τελευτήσαντασ τῶν συμμάχων πάντασ θάψω, καὶ κρατήσασ τῷ πολέμῳ τῶν βαρβάρων οὐδεμίαν τῶν ἀγωνισαμένων πόλεων ἀνάστατον ποιήσω, καὶ τῶν ἱερῶν τῶν ἐμπρησθέντων καὶ καταβληθέντων οὐδὲν ἀνοικοδομήσω, ἀλλ’ ὑπόμνημα τοῖσ ἐπιγινομένοισ ἐάσω καὶ καταλείψω τῆσ τῶν βαρβάρων ἀσεβείασ. τὸν δὲ ὁρ́κον ὀμόσαντεσ ἐπορεύθησαν ἐπὶ τὴν Βοιωτίαν διὰ τοῦ Κιθαιρῶνοσ, καὶ πρὸσ τὰσ ὑπωρείασ καταντήσαντεσ πλησίον τῶν Ἐρυθρῶν, αὐτοῦ κατεστρατοπέδευσαν.

ἡγεῖτο δὲ τῶν μὲν Ἀθηναίων Ἀριστείδησ, τῶν δὲ συμπάντων Παυσανίασ, ἐπίτροποσ ὢν τοῦ Λεωνίδου παιδόσ. Μαρδόνιοσ δὲ πυθόμενοσ τὴν τῶν πολεμίων δύναμιν προάγειν ἐπὶ Βοιωτίασ, προῆλθεν ἐκ τῶν Θηβῶν·

καὶ παραγενόμενοσ ἐπὶ τὸν Ἀσωπὸν ποταμὸν ἔθετο παρεμβολήν, ἣν ὠχύρωσε τάφρῳ βαθείᾳ καὶ τείχει ξυλίνῳ περιέλαβεν. ἦν δὲ ὁ σύμπασ ἀριθμὸσ τῶν μὲν Ἑλλήνων εἰσ δέκα μυριάδασ, τῶν δὲ βαρβάρων εἰσ πεντήκοντα. πρῶτοι δὲ κατήρξαντο μάχησ οἱ βάρβαροι νυκτὸσ ἐκχυθέντεσ ἐπ’ αὐτοὺσ καὶ πᾶσι τοῖσ ἱππεῦσι πρὸσ τὴν στρατοπεδείαν ἐπελάσαντεσ.

τῶν δὲ Ἀθηναίων προαισθομένων καὶ συντεταγμένῃ τῇ στρατιᾷ τεθαρρηκότωσ ἀπαντώντων, συνέβη καρτερὰν γενέσθαι μάχην. τέλοσ δὲ τῶν Ἑλλήνων οἱ μὲν ἄλλοι πάντεσ τοὺσ καθ’ αὑτοὺσ ταχθέντασ τῶν βαρβάρων ἐτρέψαντο, μόνοι δὲ Μεγαρεῖσ πρόσ τε τὸν ἵππαρχον καὶ τοὺσ ἀρίστουσ τῶν Περσῶν ἱππεῖσ ἀνθεστῶτεσ, καὶ πιεζόμενοι τῇ μάχῃ, τὴν μὲν τάξιν οὐ κατέλιπον, πρὸσ δὲ τοὺσ Ἀθηναίουσ καὶ Λακεδαιμονίουσ πέμψαντέσ τινασ ἐξ αὐτῶν ᾔτουν κατὰ τάχοσ βοηθῆσαι.

Ἀριστείδου δὲ τοὺσ περὶ αὐτὸν τῶν Ἀθηναίων ταχέωσ ἀποστείλαντοσ τοὺσ ἐπιλέκτουσ, συστραφέντεσ οὗτοι καὶ προσπεσόντεσ τοῖσ βαρβάροισ τοὺσ μὲν Μεγαρεῖσ ἐξείλοντο τῶν κινδύνων τῶν ἐπικειμένων, τῶν δὲ Περσῶν αὐτόν τε τὸν ἵππαρχον καὶ πολλοὺσ ἄλλουσ ἀποκτείναντεσ τοὺσ λοιποὺσ ἐτρέψαντο.

οἱ μὲν οὖν Ἕλληνεσ, ὡσπερεί τινι προαγῶνι λαμπρῶσ προτερήσαντεσ, εὐέλπιδεσ ἐγένοντο περὶ τῆσ ὁλοσχεροῦσ νίκησ· μετὰ δὲ ταῦτα ἐκ τῆσ ὑπωρείασ μετεστρατοπέδευσαν εἰσ ἕτερον τόπον εὐθετώτερον πρὸσ τὴν ὁλοσχερῆ νίκην. ἦν γὰρ ἐκ μὲν τῶν δεξιῶν γεώλοφοσ ὑψηλόσ, ἐκ δὲ τῶν εὐωνύμων ὁ Ἀσωπὸσ ποταμόσ·

τὸν δ’ ἀνὰ μέσον τόπον ἐπεῖχεν ἡ στρατοπεδεία, πεφραγμένη τῇ φύσει καὶ ταῖσ τῶν τόπων ἀσφαλείαισ. τοῖσ μὲν οὖν Ἕλλησιν ἐμφρόνωσ βουλευσαμένοισ πολλὰ συνεβάλετο πρὸσ τὴν νίκην ἡ τῶν τόπων στενοχωρία·

οὐ γὰρ ἦν ἐπὶ πολὺ μῆκοσ παρεκτείνειν τὴν φάλαγγα τῶν Περσῶν, ὥστε ἀχρήστουσ εἶναι συνέβαινε τὰσ πολλὰσ μυριάδασ τῶν βαρβάρων. διόπερ οἱ περὶ τὸν Παυσανίαν καὶ Ἀριστείδην θαρρήσαντεσ τοῖσ τόποισ προῆγον τὴν δύναμιν εἰσ τὴν μάχην, καὶ συντάξαντεσ ἑαυτοὺσ οἰκείωσ τῆσ περιστάσεωσ ἦγον ἐπὶ τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 28

(디오도로스 시켈로스, Library, book xi, chapter 28)

상위

목록

SEARCH

MENU NAVIGATION