헬라어 문장 검색 - Διοδορ́Λιβραρψ́4́13́

(디오도로스 시켈로스, Library, book xi, chapter 21)

ὁ δὲ Γέλων καὶ αὐτὸσ ἡτοιμακὼσ ἦν τὴν δύναμιν, πυθόμενοσ δὲ τὴν τῶν Ἱμεραίων ἀθυμίαν ἀνέζευξεν ἐκ τῶν Συρακουσῶν κατὰ σπουδήν, ἔχων πεζοὺσ μὲν οὐκ ἐλάττουσ τῶν πεντακισμυρίων, ἱππεῖσ δὲ ὑπὲρ τοὺσ πεντακισχιλίουσ. διανύσασ δὲ ταχέωσ τὴν ὁδὸν καὶ πλησιάσασ τῇ πόλει τῶν Ἱμεραίων, ἐποίησε θαρρεῖν τοὺσ πρότερον καταπεπληγμένουσ τὰσ τῶν Καρχηδονίων δυνάμεισ. αὐτὸσ μὲν γὰρ στρατοπεδείαν οἰκείαν βαλόμενοσ τῶν περὶ τὴν πόλιν τόπων, ταύτην μὲν ὠχύρωσε τάφρῳ βαθείᾳ καὶ χαρακώματι περιλαβών, τοὺσ δ’ ἱππεῖσ ἅπαντασ ἐξαπέστειλεν ἐπὶ τοὺσ κατὰ τὴν χώραν πλανωμένουσ τῶν πολεμίων καὶ περὶ τὰσ ὠφελείασ διατρίβοντασ.

οὗτοι δὲ παραδόξωσ ἐπιφανέντεσ διεσπαρμένοισ ἀτάκτωσ κατὰ τὴν χώραν, τοσούτουσ ἀνῆγον αἰχμαλώτουσ ὅσουσ ἕκαστοσ ἄγειν ἠδύνατο. εἰσαχθέντων δὲ αἰχμαλώτων εἰσ τὴν πόλιν πλειόνων ἢ μυρίων, ὁ μὲν Γέλων μεγάλησ ἀποδοχῆσ ἐτύγχανεν, οἱ δὲ κατὰ τὴν Ἱμέραν κατεφρόνησαν τῶν πολεμίων. ἀκόλουθα δὲ τούτοισ πράττων ὁ μὲν Γέλων ἁπάσασ τὰσ πύλασ, ἃσ διὰ φόβον πρότερον ἐνῳκοδόμησαν οἱ περὶ Θήρωνα, ταύτασ τοὐναντίον διὰ τὴν καταφρόνησιν ἐξῳκοδόμησε, καὶ ἄλλασ προσκατεσκεύασε, δι’ ὧν ἦν εὐχρηστεῖσθαι πρὸσ τὰσ κατεπειγούσασ χρείασ.

καθόλου δὲ Γέλων στρατηγίᾳ καὶ συνέσει διαφέρων εὐθὺσ ἐζήτει, δι’ οὗ τρόπου καταστρατηγήσασ τοὺσ βαρβάρουσ ἀκινδύνωσ αὐτῶν ἄρδην ἀνελεῖ τὴν δύναμιν. συνεβάλετο δὲ αὐτῷ καὶ τὸ αὐτόματον πρὸσ τὴν ἐπίνοιαν μεγάλα, τοιαύτησ γενομένησ περιστάσεωσ. κρίναντοσ αὐτοῦ τὰσ τῶν πολεμίων ναῦσ ἐμπρῆσαι, καὶ τοῦ Ἀμίλκα διατρίβοντοσ μὲν κατὰ τὴν ναυτικὴν στρατοπεδείαν, παρασκευαζομένου δὲ θύειν τῷ Ποσειδῶνι μεγαλοπρεπῶσ, ἧκον ἀπὸ τῆσ χώρασ ἱππεῖσ ἄγοντεσ πρὸσ τὸν Γέλωνα βιβλιαφόρον ἐπιστολὰσ κομίζοντα παρὰ Σελινουντίων, ἐν αἷσ ἦν γεγραμμένον, ὅτι πρὸσ ἣν ἔγραψεν ἡμέραν Ἀμίλκασ ἀποστεῖλαι τοὺσ ἱππεῖσ, πρὸσ αὐτὴν ἐκπέμψουσιν.

οὔσησ δὲ τῆσ ἡμέρασ ταύτησ καθ’ ἣν ἔμελλε συντελεῖν τὴν θυσίαν Ἀμίλκασ, κατὰ ταύτην Γέλων ἀπέστειλεν ἰδίουσ ἱππεῖσ, οἷσ ἦν προστεταγμένον περιελθεῖν τοὺσ πλησίον τόπουσ καὶ προσελαύνειν ἅμ’ ἡμέρᾳ πρὸσ τὴν ναυτικὴν στρατοπεδείαν, ὡσ ὄντασ Σελινουντίων συμμάχουσ, γενομένουσ δ’ ἐντὸσ τοῦ ξυλίνου τείχουσ τὸν μὲν Ἀμίλκαν ἀποκτεῖναι, τὰσ δὲ ναῦσ ἐμπρῆσαι.

ἐξέπεμψε δὲ καὶ σκοποὺσ εἰσ τοὺσ ὑπερκειμένουσ λόφουσ, οἷσ προσέταξεν, ὅταν ἴδωσι τοὺσ ἱππεῖσ γενομένουσ ἐντὸσ τοῦ τείχουσ, ἆραι τὸ σύσσημον. αὐτὸσ δ’ ἅμ’ ἡμέρᾳ τὴν δύναμιν διατεταχὼσ ἀνέμενε τὴν ἀπὸ τῶν σκοπῶν ἐσομένην δήλωσιν. τῶν δ’ ἱππέων ἅμα τῇ κατὰ τὸν ἥλιον ἀνατολῇ προσιππευσάντων τῇ ναυτικῇ τῶν Καρχηδονίων στρατοπεδείᾳ, καὶ προσδεχθέντων ὑπὸ τῶν φυλάκων ὡσ συμμάχων, οὗτοι μὲν εὐθὺσ προσδραμόντεσ τῷ Ἀμίλκᾳ περὶ τὴν θυσίαν γινομένῳ, τοῦτον μὲν ἀνεῖλον, τὰσ δὲ ναῦσ ἐνέπρησαν·

ἔπειτα τῶν σκοπῶν ἀράντων τὸ σύσσημον, ὁ Γέλων πάσῃ τῇ δυνάμει συντεταγμένῃ προῆγεν ἐπὶ τὴν παρεμβολὴν τῶν Καρχηδονίων. οἱ δὲ ἐν τῇ στρατοπεδείᾳ τῶν Φοινίκων ἡγεμόνεσ τὸ μὲν πρῶτον ἐξαγαγόντεσ τὴν δύναμιν ἀπήντων τοῖσ Σικελιώταισ καὶ συνάψαντεσ μάχην εὐρώστωσ ἠγωνίζοντο·

ὁμοῦ δὲ ταῖσ σάλπιγξιν ἐν ἀμφοτέροισ τοῖσ στρατοπέδοισ ἐσήμαινον τὸ πολεμικόν, καὶ κραυγὴ τῶν δυνάμεων ἐναλλὰξ ἐγίνετο, φιλοτιμουμένων ἀμφοτέρων τῷ μεγέθει τῆσ βοῆσ ὑπερᾶραι τοὺσ ἀντιτεταγμένουσ. πολλοῦ δὲ γενομένου φόνου, καὶ τῆσ μάχησ δεῦρο κἀκεῖσε ταλαντευομένησ, ἄφνω τῆσ κατὰ τὰσ ναῦσ φλογὸσ ἀρθείσησ εἰσ ὕψοσ, καί τινων ἀπαγγειλάντων τὸν τοῦ στρατηγοῦ φόνον, οἱ μὲν Ἕλληνεσ ἐθάρρησαν, καὶ ταῖσ φωναῖσ καὶ ταῖσ ἐλπίσι τῆσ νίκησ ἐπαρθέντεσ τοῖσ φρονήμασιν ἐπέκειντο θρασύτερον τοῖσ βαρβάροισ, οἱ δὲ Καρχηδόνιοι καταπλαγέντεσ καὶ τὴν νίκην ἀπογνόντεσ πρὸσ φυγὴν ἐτράπησαν.

τοῦ δὲ Γέλωνοσ παραγγείλαντοσ μηδένα ζωγρεῖν, πολὺσ ἐγένετο φόνοσ τῶν φευγόντων, καὶ πέρασ κατεκόπησαν αὐτῶν οὐκ ἐλάττουσ τῶν πεντεκαίδεκα μυριάδων.

οἱ δὲ λοιποὶ φυγόντεσ ἐπί τινα τόπον ἐρυμνὸν τὸ μὲν πρῶτον ἠμύνοντο τοὺσ βιαζομένουσ,ἄνυδρον δὲ κατειληφότεσ τόπον καὶ τῷ δίψει πιεζόμενοι ἠναγκάσθησαν ἑαυτοὺσ παραδοῦναι τοῖσ κρατοῦσι. Γέλων δὲ ἐπιφανεστάτῃ μάχῃ νικήσασ, καὶ ταύτην κατωρθωκὼσ μάλιστα διὰ τῆσ ἰδίασ στρατηγίασ, περιβόητον ἔσχε τὴν δόξαν οὐ μόνον παρὰ τοῖσ Σικελιώταισ, ἀλλὰ καὶ παρὰ τοῖσ ἄλλοισ ἅπασιν·

οὐδεὶσ γὰρ τῶν πρὸ αὐτοῦ μνημονεύεται τοιούτῳ στρατηγήματι κεχρημένοσ, οὐδὲ πλείονασ ἐν μιᾷ παρατάξει κατακόψασ τῶν βαρβάρων οὐδὲ πλῆθοσ αἰχμαλώτων τοσοῦτον χειρωσάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 21

(디오도로스 시켈로스, Library, book xi, chapter 21)

상위

목록

SEARCH

MENU NAVIGATION