Diodorus Siculus, Library, book xi, chapter 39

(디오도로스 시켈로스, Library, book xi, chapter 39)

κατὰ δὲ τὴν Ἑλλάδα Ἀθηναῖοι μὲν μετὰ τὴν ἐν Πλαταιαῖσ νίκην μετεκόμισαν ἐκ Τροιζῆνοσ καὶ Σαλαμῖνοσ τέκνα καὶ γυναῖκασ εἰσ τὰσ Ἀθήνασ, εὐθὺσ δὲ καὶ τὴν πόλιν ἐπεχείρησαν τειχίζειν καὶ τῶν ἄλλων τῶν πρὸσ ἀσφάλειαν ἀνηκόντων ἐπιμέλειαν ἐποιοῦντο. Λακεδαιμόνιοι δ’ ὁρῶντεσ τοὺσ Ἀθηναίουσ ἐν ταῖσ ναυτικαῖσ δυνάμεσι περιπεποιημένουσ δόξαν μεγάλην, ὑπώπτευσαν αὐτῶν τὴν αὔξησιν, καὶ διέγνωσαν κωλύειν τοὺσ Ἀθηναίουσ ἀνοικοδομεῖν τὰ τείχη.

εὐθὺσ οὖν πρέσβεισ ἐξέπεμψαν εἰσ τὰσ Ἀθήνασ τοὺσ λόγῳ μὲν συμβουλεύσοντασ κατὰ τὸ παρὸν μὴ τειχίζειν τὴν πόλιν διὰ τὸ μὴ συμφέρειν κοινῇ τοῖσ Ἕλλησι·

τὸν γὰρ Ξέρξην, εἰ πάλιν παραγενηθείη μετὰ μειζόνων δυνάμεων, ἕξειν ἑτοίμουσ πόλεισ τετειχισμένασ ἐκτὸσ Πελοποννήσου, ἐξ ὧν ὁρμώμενον ῥᾳδίωσ καταπολεμήσειν τοὺσ Ἕλληνασ. οὐ πειθομένων δ’ αὐτῶν, οἱ πρέσβεισ προσιόντεσ τοῖσ οἰκοδομοῦσι προσέταττον ἀφίστασθαι τῶν ἔργων τὴν ταχίστην. ἀπορουμένων δὲ τῶν Ἀθηναίων ὅ,τι χρὴ πράττειν, Θεμιστοκλῆσ, ἀποδοχῆσ τότε παρ’ αὐτοῖσ τυγχάνων τῆσ μεγίστησ, συνεβούλευεν ἔχειν ἡσυχίαν·

ἐὰν γὰρ βιάζωνται, ῥᾳδίωσ τοὺσ Λακεδαιμονίουσ μετὰ τῶν Πελοποννησίων στρατεύσαντασ κωλύσειν αὐτοὺσ τειχίζειν τὴν πόλιν. ἐν ἀπορρήτοισ δὲ τῇ βουλῇ προεῖπεν, ὡσ αὐτὸσ μὲν μετά τινων ἄλλων πορεύσεται πρεσβευτὴσ εἰσ Λακεδαίμονα, διδάξων τοὺσ Λακεδαιμονίουσ περὶ τοῦ τειχισμοῦ, τοῖσ δὲ ἄρχουσι παρήγγειλεν, ὅταν ἐκ Λακεδαίμονοσ ἔλθωσι πρέσβεισ εἰσ τὰσ Ἀθήνασ, παρακατέχειν αὐτούσ, ἑώσ ἂν αὐτὸσ ἐκ τῆσ Λακεδαίμονοσ ἀνακάμψῃ, ἐν τοσούτῳ δὲ πανδημεὶ τειχίζειν τὴν πόλιν, καὶ τούτῳ τῷ τρόπῳ κρατήσειν αὐτοὺσ ἀπεφαίνετο τῆσ προθέσεωσ.

일치하는 문장이 없습니다.

SEARCH

MENU NAVIGATION