헬라어 문장 검색 - ΗεροδόΤηεΗιστ́4́180́

(헤로도토스, The Histories, book 4, chapter 180)

τούτων δὲ ἔχοντασ τῶν Μαχλύων Αὐσέεσ· οὗτοι δὲ καὶ οἱ Μάχλυεσ πέριξ τὴν Τριτωνίδα λίμνην οἰκέουσι, τὸ μέσον δέ σφι οὐρίζει ὁ Τρίτων. καὶ οἱ μὲν Μάχλυεσ τὰ ὀπίσω κομῶσι τῆσ κεφαλῆσ, οἱ δὲ Αὐσέεσ τὰ ἔμπροσθε. ὁρτῇ δὲ ἐνιαυσίῃ Ἀθηναίησ αἱ παρθένοι αὐτῶν δίχα διαστᾶσαι μάχονται πρὸσ ἀλλήλασ λίθοισί τε καὶ ξύλοισι, τῷ αὐθιγενέι θεῷ λέγουσαι τὰ πάτρια ἀποτελέειν, τὴν Ἀθηναίην καλέομεν.

τὰσ δὲ ἀποθνησκούσασ τῶν παρθένων ἐκ τῶν τρωμάτων ψευδοπαρθένουσ καλέουσι. πρὶν δὲ ἀνεῖναι αὐτὰσ μάχεσθαι, τάδε ποιεῦσι κοινῇ.

παρθένον τὴν καλλιστεύουσαν ἑκάστοτε κοσμήσαντεσ κυνέῃ τε Κορινθίῃ καὶ πανοπλίῃ Ἑλληνικῇ καὶ ἐπ’ ἁρ́μα ἀναβιβάσαντεσ περιάγουσι τὴν λίμνην κύκλῳ. ὁτέοισι δὲ τὸ πάλαι ἐκόσμεον τὰσ παρθένουσ πρὶν ἤ σφι Ἕλληνασ παροικισθῆναι, οὐκ ἔχω εἰπεῖν, δοκέω δ’ ὦν Αἰγυπτίοισι ὅπλοισι κοσμέεσθαι αὐτάσ·

ἀπὸ γὰρ Αἰγύπτου καὶ τὴν ἀσπίδα καὶ τὸ κράνοσ φημὶ ἀπῖχθαι ἐσ τοὺσ Ἕλληνασ. τὴν δὲ Ἀθηναίην φασὶ Ποσειδέωνοσ εἶναι θυγατέρα καὶ τῆσ Τριτωνίδοσ λίμνησ, καί μιν μεμφθεῖσάν τι τῷ πατρὶ δοῦναι ἑωυτὴν τῷ Διί, τὸν δὲ Δία ἑωυτοῦ μιν ποιήσασθαι θυγατέρα.

ταῦτα μὲν λέγουσι, μῖξιν δὲ ἐπίκοινον τῶν γυναικῶν ποιέονται, οὔτε συνοικέοντεσ κτηνηδόν τε μισγόμενοι. ἐπεὰν δὲ γυναικὶ τὸ παιδίον ἁδρὸν γένηται, συμφοιτῶσι ἐσ τὠυτὸ οἱ ἄνδρεσ τρίτου μηνόσ, καὶ τῷ ἂν οἴκῃ τῶν ἀνδρῶν τὸ παιδίον, τούτου παῖσ νομίζεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 180

(헤로도토스, The Histories, book 4, chapter 180)

상위

목록

SEARCH

MENU NAVIGATION