Herodotus, The Histories, book 4, chapter 168

(헤로도토스, The Histories, book 4, chapter 168)

οἰκέουσι δὲ κατὰ τάδε Λίβυεσ. ἀπ’ Αἰγύπτου ἀρξάμενοι πρῶτοι Ἀδυρμαχίδαι Λιβύων κατοίκηνται, οἳ νόμοισι μὲν τὰ πλέω Αἰγυπτίοισι χρέωνται, ἐσθῆτα δὲ φορέουσι οἱήν περ οἱ ἄλλοι Λίβυεσ. αἱ δὲ γυναῖκεσ αὐτῶν ψέλιον περὶ ἑκατέρῃ τῶν κνημέων φορέουσι χάλκεον· τὰσ κεφαλὰσ δὲ κομῶσαι, τοὺσ φθεῖρασ ἐπεὰν λάβωσι τοὺσ ἑωυτῆσ ἑκάστη ἀντιδάκνει καὶ οὕτω ῥίπτει. οὗτοι δὲ μοῦνοι Λιβύων τοῦτο ἐργάζονται , καὶ τῷ βασιλέι μοῦνοι τὰσ παρθένουσ μελλούσασ συνοικέειν ἐπιδεικνύουσι.

ἣ δὲ ἂν τῷ βασιλέι ἀρεστὴ γένηται, ὑπὸ τούτου διαπαρθενεύεται. παρήκουσι δὲ οὗτοι οἱ Ἀδυρμαχίδαι ἀπ’ Αἰγύπτου μέχρι λιμένοσ τῷ οὔνομα Πλυνόσ ἐστι.

상위

The Histories

목록

일치하는 문장이 없습니다.

SEARCH

MENU NAVIGATION