Herodotus, The Histories, book 4, chapter 155

(헤로도토스, The Histories, book 4, chapter 155)

ἐνθεῦτεν δὲ τὴν Φρονίμην παραλαβὼν πολύμνηστοσ, ἐὼν τῶν Θηραίων ἀνὴρ δόκιμοσ, ἐπαλλακεύετο. χρόνου δὲ περιιόντοσ ἐξεγένετό οἱ παῖσ ἰσχόφωνοσ καὶ τραυλόσ, τῷ οὔνομα ἐτέθη Βάττοσ, ὡσ Θηραῖοι τε καὶ Κυρηναῖοι λέγουσι, ὡσ μέντοι ἐγὼ δοκέω, ἄλλο τι· Βάττοσ δὲ μετωνομάσθη, ἐπείτε ἐσ Λιβύην ἀπίκετο, ἀπό τε τοῦ χρηστηρίου τοῦ γενομένου ἐν Δελφοῖσι αὐτῷ καὶ ἀπὸ τῆσ τιμῆσ τὴν ἔσχε τὴν ἐπωνυμίην ποιεύμενοσ.

Λίβυεσ γὰρ βασιλέα βάττον καλέουσι, καὶ τούτου εἵνεκα δοκέω θεσπίζουσαν τὴν Πυθίην καλέσαι μιν Λιβυκῇ γλώσσῃ, εἰδυῖαν ὡσ βασιλεὺσ ἔσται ἐν Λιβύῃ. ἐπείτε γὰρ ἠνδρώθη οὗτοσ, ἦλθε ἐσ Δελφοὺσ περὶ τῆσ φωνῆσ·

ἐπειρωτῶντι δέ οἱ χρᾷ ἡ Πυθίη τάδε. Βάττ’ ἐπὶ φωνὴν ἦλθεσ. ἄναξ δέ σε Φοῖβοσ Ἀπόλλων ἐσ Λιβύην πέμπει μηλοτρόφον οἰκιστῆρα, ὥσπερ εἰ εἴποι Ἑλλάδι γλώσσῃ χρεωμένη "ὦ βασιλεῦ, ἐπὶ φωνὴν ἦλθεσ. " ὃ δ’ ἀμείβετο τοῖσιδε.

"ὦναξ, ἐγὼ μὲν ἦλθον παρὰ σὲ χρησάμενοσ περὶ τῆσ φωνῆσ, σὺ δέ μοι ἄλλα ἀδύνατα χρᾷσ, κελεύων Λιβύην ἀποικίζειν τέῳ δυνάμι, κοίῃ χειρί; ταῦτα λέγων οὐκὶ ἔπειθε ἄλλα οἱ χρᾶν· ὡσ δε κατὰ ταὐτὰ ἐθέσπιζέ οἱ καὶ πρότερον, οἴχετο μεταξὺ ἀπολιπὼν ὁ Βάττοσ ἐσ τὴν Θήρην.

상위

The Histories

목록

일치하는 문장이 없습니다.

SEARCH

MENU NAVIGATION