Herodotus, The Histories, book 4, chapter 3

(헤로도토스, The Histories, book 4, chapter 3)

ἐκ τούτων δὴ ὦν σφι τῶν δούλων καὶ τῶν γυναικῶν ἐτράφη νεότησ· οἳ ἐπείτε ἔμαθον τὴν σφετέρην γένεσιν, ἠντιοῦντο αὐτοῖσι κατιοῦσι ἐκ τῶν Μήδων. καὶ πρῶτα μὲν τὴν χώρην ἀπετάμοντο, τάφρον ὀρυξάμενοι εὐρέαν κατατείνουσαν ἐκ τῶν Ταυρικῶν ὀρέων ἐσ τὴν Μαιῆτιν λίμνην, τῇ περ ἐστὶ μεγίστη·

μετά γε πειρωμένοισι ἐσβάλλειν τοῖσι Σκύθῃσι ἀντικατιζόμενοι ἐμάχοντο. γινομένησ δὲ μάχησ πολλάκισ καί οὐ δυναμένων οὐδὲν πλέον ἔχειν τῶν Σκυθέων τῇ μάχῃ, εἷσ αὐτῶν ἔλεξε τάδε.

"οἱᾶ ποιεῦμεν, ἄνδρεσ Σκύθαι· δούλοισι τοῖσι ἡμετέροισι μαχόμενοι αὐτοί τε κτεινόμενοι ἐλάσσονεσ γινόμεθα καὶ ἐκείνουσ κτείνοντεσ ἐλασσόνων τὸ λοιπὸν ἄρξομεν. νῦν ὦν μοι δοκέει αἰχμὰσ μὲν καὶ τόξα μετεῖναι, λαβόντα δὲ ἕκαστον τοῦ ἵππου τὴν μάστιγα ἰέναι ἆσσον αὐτῶν.

μέχρι μὲν γὰρ ὡρ́ων ἡμέασ ὅπλα ἔχοντασ, οἳ δὲ ἐνόμιζον ὅμοιοί τε καί ἐξ ὁμοίων ἡμῖν εἶναι· ἐπεὰν δὲ ἴδωνται μάστιγασ ἀντὶ ὅπλων ἔχοντασ, μαθόντεσ ὡσ εἰσὶ ἡμέτεροι δοῦλοι καὶ συγγνόντεσ τοῦτο. οὐκ ὑπομενέουσι.

상위

The Histories

목록

일치하는 문장이 없습니다.

SEARCH

MENU NAVIGATION